Magnesium-26

Magnesium-26 (chemiese notasie: ²⁶₁₂Mg) is 'n stabiele isotoop van magnesium. Dit is 'n taamlik seldsame isotoop.

Eienskappe

Algemeen
Naam	Magnesium-26
Protone	12
Neutrone	14
Kernspin	0+
Massa-oorskot	-16214,52 keV
Status
Status	stabiel
Relatiewe voorkoms	11,01%
Neutrondiffraksie
koh. lengte	4,98 fm
inkoh. lengte	0 fm
koh. deursnee	3 barn
inkoh. deursnee	0 barn
absorpsiedeurnee	0,032 barn
Navigasie
2512Mg 2613Al $\nwarrow$$\uparrow$$\nearrow$ $\leftarrow$2612Mg$\rightarrow$ 2713Al $\swarrow$$\downarrow$$\searrow$
Lys van isotope
Portaal Chemie
Portaal Fisika

Radiometriese datering

Hierdie isotoop is die vervalproduk van die uitgestorwe isotoop aluminium-26 wat 'n halfleeftyd van 700 mj besit. Die verhouding van die isotope ²⁶Mg/²⁴Mg kan daardeur wissel afhanklik van die aanwesigheid van aluminium-26 in die verlede. Hierdie verhouding kan met die ²⁶Mg/²⁷Al-verhouding vergelyk word om die leeftyd van meteoriete te bepaal.

NMR

Hierdie isotoop se kernspin I=0 en dit is daardeur nie vir kernspinresonansie geskik nie.

Isotoopverhoudings

Die δ²⁶Mg-isotoopverhouding word in die geochemie gebruik om die poriewater van neerslae in die see en die oseaan te bestudeer. Dit kan wissel van -2,56 tot +1,13 ‰ Reënwater, gemeet in Santa Cruz, Kalifornië het 'n waarde van -0,79±0,05 wat gelyk is aan die oseaanwater s'n, maar in die Alpe is waardes van -1,59 tot -1,29 gemeet. In gesteentes kan die afwyking nog baie groter wees. In monsters wat volop kalsiet bevat, word waardes van -5,57 tot -1,04 ‰ aangetref.

Die standaard wat vandag gebruik word word DSM3 genoem. Dit is 'n oplossing van magnesiumnitraat in water. 'n Standaard wat lank gebruik is, is NIST SRM 80. In 2003 is dit afgeskaf omdat dit blyk dat dit nie heeltemal homogeen is nie.