Pous Innocentius XIII

Innocentius XIII was die 244ste pous van die Rooms-Katolieke Kerk vir 2 jaar, 9 maande en 25 dae, van 1721 tot 1724.

Pous Innocentius XIII
Geboortenaam	Michelangelo Conti
Pontifikaat begin	8 Mei 1721
Pontifikaat eindig	7 Maart 1724
Voorganger	Clemens XI
Opvolger	Benedictus XIII
Gebore	13 Mei 1655 Poli, Kerklike Staat
Sterf	7 Maart 1724 Rome, Italië
Ander pouse genaamd Innocentius

Biografie

Pous Innocentius XIII is gebore as Michelangelo Conti (of Michelangelo Conti di Poli) op 13 Mei 1655 in Poli, Kerklike Staat. Hy was 'n lid van die Conti familie, heersers van Segni. Sy voorouers sluit in Pous Innocentius III, Pous Gregorius IX en Pous Alexander IV. Sy vader was Carlo II, graaf van Poli en sy moeder Isabella Monti. Hy studeer in Ancona en aan die Gregoriaanse Universiteit in Rome. Pous Alexander VIII stel hom aan as ere-kamerheer en onder Pous Innocentius XII word hy lid van die Romeinse prelatuur. Op 14 Augustus 1691 word hy referendaris van die Tribunaal van die Apostoliese Signatura van Geregtigheid en Genade. Op 17 Augustus 1691 goewerneur van Ascoli. Op 13 Junie 1695 word hy titulêr aartsbiskop van Tarsus en word as nuntius na Luzern gestuur. In 1698 word hy nuntius in Lissabon en op 7 Junie 1706 stel Pous Clemens XI hom aan as kardinaal. In 1709 word Conti biskop van Osimo en in 1712 biskop van Viterbo. Op 8 Mei 1721 volg hy Pous Clemens XI en word gekroon op 18 Mei 1721 deur kardinaal Benedetto Pamphili. Hy regeer tot sy dood op 7 Maart 1724 en word opgevolg deur Pous Benedictus XIII. Die naam ‘Innocentius’ beteken 'onskuldige'.

Kerklike loopbaan

• 13 Junie 1695 – Titulêr aartsbiskop van Tarsus.
• 1 Julie 1695 – Apostoliese nuntius vir Switserland.
• 24 Maart 1698 – Apostoliese nuntius vir Portugal.
• 28 Januarie 1709 – Aartsbiskop-biskop van Osimo (Italië).
• 23 Februarie 1711 – Kardinaal-priester van Ss. Quirico en Giulitta.
• 1 Augustus 1712 – Biskop van Viterbo en Tuscania (Italië).
• 13 Januarie 1716 – Camerlengo van die kollege van kardinale.
• 8 Mei 1721 – Pous van Rome.

Pontifikaat

Pous Innocentius XIII word verkies nadat die gunsteling, kardinaal Fabrizio Paolucci deur die Duitse keiser geveto is. Hy kies die naam Innocentius ter nagedagtenis aan sy voorouer Lotario de Conti, (Pous Innocentius III). Op 9 Junie 1722 leen hy die koninkryk van Napels en Sisilië aan keiser Karel IV. In 1723 maak hy van Wene 'n aartsbisdom. Die pous kom in stryd met die Jesuïte wat nie sy gesag volledig wil aanvaar nie. Die Janseniste het egter vergeefs probeer om die bul "Unigenitas" te laat annuleer.

Innocentius III het soos sy voorganger Pous Clemens XI, James Francis Edward Stuart gesteun in sy aansprake op die Britse troon. Die pous se neef Francesco Maria Conti was die kamerheer van James se hofhouding in Rome.

Die kollege van kardinale

Pous Innocentius XIII het slegs drie nuwe kardinale aangestel in twee konsistories.

Die konsistorie van 16 Junie 1721

• Bernardo Maria Conti, O.S.B.Cas., voormalige biskop van Terracina.

Die konsistorie van 16 Julie 1721

• Guillaume Dubois, aartsbiskop van Kameryk.
• Alessandro Albani, O.S.Io.Hieros., priester van die apostoliese kamer.

Saligverklarings

• 31 Mei 1721 – Jan Nepomucky.
• 1721 – Dalmatius Moner
• 1723 – Andrew Conti

Bibliografie

• Artaud de Montor, Alexis, Chevalier de. (1911) The lives and times of the popes (vertaal vanaf "Les vies des papes") The Catholic publication Society of America, New York. Heruitgee: Kessinger Publishing. http://www.saint-mike.org/library/ papal_library/default.asp
• Duff, Eamon (2001). Saints and Sinners: A History of the Popes, Yale University Press. ISBN 0-300-09165-6.
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Eksterne skakels

Wikisource

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope Innocent XIII

• CE Inskrywing in die Catholic Encyclopedia (Engels)

• CF Inskrywing in die Catholic Forum (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

• VH Inskrywing in die Vatican History (in Duits).
• CA Inskrywing in die "Cardinals of the Holy Roman Church".

• Inskrywing in die Catholic Hierarchy (Engels)

• Inskrywing in die Giga Catholic Information (Engels).

Nota

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging

Voorafgegaan deur Clemens XI

Pous (Pontifex Maximus) 1721 – 1724

Opgevolg deur Benedictus XIII