Maak hoofkeuseskerm oop
Die NG kerk Windhoek.
Die NG kerk Windhoek in 1952.
Ds. Karel Wynand le Roux was, leraar van Gibeon (NG gemeente Mariental met werkkring Gobabis van 1925 tot 1929 en eerste leraar van Windhoek van 28 April 1929 tot hy sy emeritaat aanvaar op 7 Desember 1946, waarna hy 'n aftrede van meer as 30 jaar gegun is.
Die ou Duitse kasino (menasie) is gesloop om plek te maak vir die eerste NG kerk in Windhoek.
Ds. J.H. Steenkamp, leraar van 1947 tot 1970. Hy was ook moderator van die Suidwes-Afrikaanse Sinode.
Die ou Duitse woonhuis op die kerkperseel is omskep in 'n pastorie vir ds. J.H. Steenkamp, maar in 1958 gesloop.
Ds. Andreas Petrus Morgenthal, leraar van 1945 tot 1948.
Windhoek se NG kerksaal, opgerig in 1924, gesloop omstreeks 1968, wat in werklikheid 'n kerk was omdat dit as sodanig gebruik is, nie as saal nie. Administrateur G.R. Hofmeyr het die hoeksteen op 20 Desember 1924 gelê.
Die ou kerksaal van die straat af gesien.

Die NG gemeente Windhoek is die oudste gemeente van die Nederduitse Gereformeerde Kerk in die Namibiese hoofstad, maar slegs die vyfde oudste gemeente in die land naas Mariental (1898), Otjiwarongo (1902), Keetmanshoop (1924) en Warmbad (1928).

AgtergrondWysig

Met die stigting van die gemeente Gibeon in 1898, het Windhoek en distrik 'n buitewyk van die ontsaglike groot gemeente geword, waarvan die hoofdorp Gibeon en later Mariental was. Die Afrikaanse bevolking in dié deel van die land het egter vinnig aangegroei en so was dit nodig om in 1925 'n kerksaaltjie op Windhoek te bou en eerw. Leonard vanaf Gibeon hierheen te verskuif. In die loop van 1928 het die kerkraad van Gibeon besluit om Windhoek, Gobabis en Okahandja as 'n aparte gemeente af te stig. Op hulle beurt is NG gemeente Gobabis en NG gemeente Okahandja in onderskeidelik 1939 en 1946 van Windhoek afgestig. In die noorde van die land het die NG gemeente Otjiwarongo (vroeë Moria genoem) toe al van 1902 bestaan.

StigtingWysig

Ds. K.W. le Roux is van Gibeon af beroep en aan die begin van Mei 1929 hier bevestig. Die gemeente se stigting het saamgeval met die moeilike jare van droogte en armoede tydens die Groot Depressie. Die arm gemeente moes onmiddellik groot kapitaaluitgawes aangaan en hom diep in die skuld dompel. 'n Leegstaande huis van die South West African Mines is teen £2 750 as 'n pastorie aangekoop. 'n Verband van £2 000 is op die huis geneem. Boonop moes kerksaaltjies op Okahandja, Gobabis en elders opgerig word.

Die ekonomiese ineenstorting aan die begin van die dertigerjare het dit vir die gemeente onmoontlik gemaak om sy verpligtinge na te kom en aan die einde van die jaar 1931 was daar 'n tekort van £200 op die lopende uitgawe, terwyl die gemeente se skuld reeds £2 500 beloop het. Ondanks spesiale insamelings kon die gemeente nie die geld vind nie en die skriba en orrelis is gevra om hul diens gratis te lewer.

UitbreidingsWysig

Na 1933 het die depressie begin opklaar en die gemeente se geldsake het langsamerhand begin verbeter. Daarop besluit die kerkraad om 'n tydelike hulpprediker aan te stel. Weens die uitgestrektheid van die gemeente en die groot afstande, kon een predikant nie die herderlike werk behartig nie. 'n Hulppredikersfonds is in die lewe geroep en prop. S.H. van der Spuy vir ses maande aangestel.

Vandag hierdie tydperk is ds. Le Roux agtereenvolgens deur verskillende hulppredikers bygestaan. Teen 1944 was die gemeente se inkomste sodanig dat hulle die salaris van 'n medeleraar kon dra en teen die einde van die jaar is ds. A.P. Morgenthal as medeleraar beroep. Na 'n getroue dienstyd van 18 jaar in die gemeente het ds. Le Roux in 1947 afgetree en is opgevolg deur ds. J.H. Steenkamp. Ds. Morgenthal is in Maart 1950 opgevolg deur ds. J.H. van Rooyen.

Die gemeente het in die veertigerjare begin geld insamel vir die bou van 'n nuwe kerkgebou. In 1950 is begin met die bou van die nuwe kerk en dit is in Maart 1951 ingewy.

AfstigtingsWysig

Met die jare het agt NG gemeentes in die hoofstad regstreeks of onregstreeks van die moedergemeente afgestig.

  • 1959 – Windhoek-Noord
  • 1966 – Windhoek-Hoogland
  • 1955 - Windhoek-Wes (afgestig van Windhoek)
  • 1957 - Windhoek-Eros (afgestig van Windhoek)
  • 1960 - Windhoek-Oos (afgestig van Windhoek)
  • 1965 - Suiderhof (afgestig van Windhoek)
  • 1970 - Pionierspark (afgestig van Windhoek-Wes)
  • 1973 - Academia (afgestig van Suiderhof)

Windhoek-Noord en -Hoogland het later as Windhoek-Noordland saamgesmelt en is uiteindelik ingelyf by Windhoek-Wes, wat die getal NG gemeentes in die stad op sewe, pleks van die hoogtepunt van nege, te staan gebring het.

Elders is Windhoek-gemeente se dogters:

Enkele leraarsWysig

  • Karel Wynand le Roux, 1929 - 1946 (emeriteer)
  • Stephanus Hofmeyr van der Spuy, 1935 - 1938
  • Andreas Petrus Morgenthal, 1945 - 1948
  • Johannes Hendrik Steenkamp, 1947 - 1970
  • Carel Johannes Hugo, 1953 - 1955, waarna eerste leraar van dogtergemeente Windhoek-Wes
  • Paul Albertus du Toit, 10 Oktober 1970 - 4 Desember 1988 (emeriteer)
  • Petrus Jacobus le Roux, 12 Februarie 1972 - 1977
  • Martin Brand, 1977 - 1983 (waarna Windhoek-Oos tot 1987)
  • Jacobus Petrus Jooste, 1983 - 1985

BronneWysig

VerwysingsWysig

Eksterne skakelsWysig