Namur (provinsie)

Namur of Namen (Frans: Namur, Nederlands: Namen, Duits: Namur, Waals en Pikardies: Nameur) is 'n Belgiese provinsie in Wallonië. Die provinsie het 'n bevolking van sowat 502 000 in 2023 gehad en beslaan 'n oppervlakte van 3 675 km² met 'n bevolkingsdigtheid van 137 per km². Die hoofstad is die gelyknamige stad Namur.

Namur
Provinsie
Rochers de Freÿr, Freÿr
Vlag Wapen
Ligging van die provinsie Namur in België
Koördinate: 50°28′N 4°51′O
Land	België
Gewes	Wallonië
Hoofstad	Namur
Regering
• Goewerneur	Denis Mathen (MR)
Oppervlak
• Totaal	3 674,82 km2 (1 418,86 vk. myl)
Bevolking
• Totaal	502 261
• Digtheid	137/km2 (350/vk. myl)
	1 Januarie 2023
Tydsone	UTC+01:00 (MET)
• Somertyd	UTC+02:00 (MEST)
Webwerf	www.province.namur.be

Namur lê in die suide van België en grens aan die Franse gewes Champagne-Ardenne. In Namur word Frans en Waals gepraat. In die uiterste weste word naas Standaardfrans ook Pikardies gepraat en in die uiterste suidooste Champenois (in die munisipaliteit Vresse-sur-Semois).

Die belangrikste waterliggame in die provinsie is die Samber- en Maasriviere. Die Ardenne-bergreeks is in die suide van die provinsie geleë. Die noorde van Namur (links van die Maasrivier) behoort tot die Haspengouw (Hesbaye). Die hoogste punt is die Croix-Scaille (505 m), 'n heuwel in die munisipaliteit Gedinne op die grens met Frankryk.

Administratiewe indeling

Namur word in administratiewe opsig in drie arrondissemente verdeel:

• Arrondissement Dinant
• Arrondissement Namur
• Arrondissement Philippeville

Die arrondissimente is in 38 munisipaliteite verdeel.

Kaart van die arrondissemente en munisipaliteite (Duitse Bezirk beteken arrondissement)

Eksterne skakels

• Wikimedia Commons het meer media in die kategorie Namur (provinsie).
• (fr) Amptelike webwerf van die provinsie Namur