Limburg (Nederlands: Limburg, Frans: Limbourg, Duits: Limburg, Limburgs: Limburg) is 'n Belgiese provinsie in Vlaandere. Die provinsie het 'n bevolking van 849 404 in 2013 gehad en beslaan 'n oppervlakte van 2 414 km² met 'n bevolkingsdigtheid van 350 per km². Die hoofstad is Hasselt.

Limburg
Provinsie
Vlag van Limburg
Vlag
Ligging van die provinsie Limburg in België
Ligging van die provinsie Limburg in België
Koördinate: 50°36′N 5°56′O / 50.600°N 5.933°O / 50.600; 5.933Koördinate: 50°36′N 5°56′O / 50.600°N 5.933°O / 50.600; 5.933
LandVlag van België België
GewesFlag of Flanders.svg Vlaandere
HoofstadHasselt
Regering
 • GoewerneurHerman Reynders
Oppervlak
 • Totaal2 414 km2 (932 vk, m,)
Bevolking
 • Totaal849 404
 • Digtheid350/km2 (910/vk, m,)
TydsoneUTC+01:00 (MET)
 • SomertydUTC+02:00 (MEST)
Webwerfwww.limburg.be

GeografieWysig

Limburg lê in die noordooste van België. Die provinsie grens in die noorde aan die Nederlandse provinsie Noord-Brabant, in die noordooste en die ooste aan die Nederlandse provinsie Limburg, in die suide aan die Waalse provinsie Luik, in die suidweste aan die provinsie Vlaams-Brabant en in die noordweste aan die provinsie Antwerpen.

Limburg bestaan uit die Kempen in die noorde, die Haspengouw in die suide, die Maasland met die grensrivier Maas in die ooste en die eksklawe Voerstreek ('n uitloper van die Ardenne-bergreeks) in die suidooste.

Limburg is 'n bosryke en glooiende provinsie. Die hoogste punte lê in die dorp Remersdaal (287,5 m) (munisipaliteit Voeren in die Voerstreek)[1] en is die Galgenboom (151 m) in die dorp Millen (munisipaliteit Riemst in die Haspengouw).

GeskiedenisWysig

Die Belgiese provinsie Limburg val ongeveer saam met die ou graafskap Loon. In 1795 het die Franse veroweraars die departement Beneden-Maas geskep, wat grotendeels ooreenkom met die provinsies Limburg in België en Nederland. Na die ontstaan van die Verenigde Koninkryk van die Nederlande is die naam in 1815 in Limburg gewysig. Na die onafhanklikheid van België is in 1839 die provinsie in Belgies en Nederlands Limburg verdeel.

TaleWysig

In die provinsie word naas Nederlands ook die Limburgse dialek gepraat, met uitsondering van die (noord)westelike munisipaliteite Lommel, Leopoldsburg, Ham (gedeeltelik) en Tessenderlo, waar naas Nederlands die Brabantse dialek gebesig word.

Administratiewe arrondissementeWysig

Limburg is in administratiewe opsig in drie arrondissemente verdeel:

MunisipaliteiteWysig

Die provinsie Limburg bestaan uit 42 munisipaliteite:

  1. Alken
  2. As
  3. Beringen (stad)
  4. Bilzen (stad)
  5. Bocholt
  6. Borgloon (stad)
  7. Bree (stad)
  8. Diepenbeek
  9. Dilsen-Stokkem (stad)
  10. Genk (stad)
  11. Gingelom
  12. Halen (stad)
  13. Ham
  14. Hamont-Achel (stad)
  15. Hasselt (stad)
  1. Hechtel-Eksel
  2. Heers
  3. Herk-de-Stad (stad)
  4. Herstappe
  5. Heusden-Zolder
  6. Hoeselt
  7. Houthalen-Helchteren
  8. Kinrooi
  9. Kortessem
  10. Lanaken
  11. Leopoldsburg
  12. Lommel (stad)
  13. Lummen
  14. Maaseik (stad)
  15. Maasmechelen
  1. Oudsbergen (Meeuwen-Gruitrode)
  2. Pelt (Neerpelt)
  3. Nieuwerkerken
  4. Oudsbergen (Opglabbeek)
  5. Pelt (Overpelt)
  6. Peer (stad)
  7. Riemst
  8. Sint-Truiden (stad)
  9. Tessenderlo
  10. Tongeren (stad)
  11. Voeren
  12. Wellen
  13. Zonhoven
  14. Zutendaal

Sedert 2019:

FotogaleryWysig

Sien ookWysig

VerwysingsWysig

  1. Ook die hoogste punt van Vlaandere.

Eksterne skakelsWysig


Provinsies, geweste en gemeenskappe van België  

  Brusselse Hoofstedelike Gewes
  Vlaamse Gewes: Antwerpen | Limburg | Oos-Vlaandere | Vlaams-Brabant | Wes-Vlaandere
  Waalse Gewes: Brabant wallon (Waals-Brabant) | Hainaut (Henegouwe) | Liège/Lüttich (Luik) | Luxembourg (Luxemburg) | Namur (Namen)
  Vlaamse Gemeenskap |   Franse Gemeenskap |   Duitstalige Gemeenskap