Wikipedia

Nicoli Nattrass

Suid-Afikaanse akademici

Nicoli Jean Nattrass (gebore 1961) is professor in ekonomie aan die Universiteit van Kaapstad. Sy is mede-direkteur van die Instituut vir Gemeenskappe en Natuurlewe in Afrika,[2] en die stigter en voormalige direkteur van die eenheid vir vigs- en samelewingsnavorsing aan die Universiteit van Kaapstad.[3] Nattrass was aktief in die stryd teen apartheid in samewerking met die Nasionale Unie van Suid-Afrikaanse Studente. Benewens navorsingsartikels het Nattrass vyf boeke gepubliseer op die gebiede van ekonomiese beleid, politieke ekonomie en die kulturele en gedragsaspekte van Vigs.[4][5] Die navorsing wat mees na verwys word fokus op MIV/Vigs en die wetenskaplike bestuur van medisyne, en op inkomste-ongelykhede en die politieke ekonomie van Suid-Afrika na-apartheid.[6]

Nicoli Jean Nattrass[1]
Gebore1961 (62–63 jaar oud)[1]
Alma materUniversiteit Stellenbosch
Universiteit van Natal
Oxford Universiteit
BeroepProfessor
Era21ste eeu
WerkgewerUniversiteit van Kaapstad
Noemenswaardige werke
  • "Class, race, and inequality in South Africa"
    "The Moral Economy of AIDS in South Africa"
ToekenningsUniversiteit van Kaapstad se boekprys vir 2005
2008 Bill Venter/Altron se literêre toekenning
Universiteit van Kaapstad se toekenning vir onderwysers vir 2001

Gedurende die periode van Vigs-ontkenning in Suid-Afrika was Nattrass 'n voorstander van openbare toegang tot wetenskapgebaseerde Vigs-behandeling. Ondanks dreigemente van regstappe teen haar was Nattras krities oor Thabo Mbeki se Vigs-beleid en haar navorsing oor die koste-effektiwiteit van MIV-behandeling het 'n uiters belangrike rol gespeel in die konstitusionele hof se beslissing om teen die Suid-Afrikaanse regering te beslis en om die regering die mandaat te gee om toegang tot die teenretrovirale behandeling vir MIV-positiewe mense te gee.[7]

Van haar werk en opinies word as kontroversieel beskou.

Akademiese agtergrond

wysig

Nattrass het haar voorgraadse en meestersgrade aan die Universiteit Stellenbosch en Universiteit van Natal behaal, 'n meestersgraad in ontwikkelingsekonomie en 'n doktorsgraad met 'n proefskrif oor "Lone, Winste en Apartheid" aan die Universiteit van Oxford.[5] Sy was 'n Rhodes-geleerde in 1984.[8] Sy is sedert 1991 aan die Universiteit van Kaapstad verbonde,[9] een van die eerste akademiese organisasies in Suid Afrika om die sosio-ekonomiese en politieke gevolge van die MIV / Vigs-epidemie te bestudeer.[10]

Werk om Vigs-ontkenning teë te werk

wysig

Tussen 2002 en 2012 het Nattrass 'n aantal akademiese artikels en boeke gepubliseer om die geskiedenis, bronne, kenmerke van Vigs-ontkenning en die impak daarvan op MIV-voorkoming en Vigs-behandeling te ondersoek.[4][5]

In haar boek "The Moral Economy of AIDS in South Africa", geskryf teen die hoogtepunt van Vigs-ontkenning, het Nattrass die Suid-Afrikaanse regering se bewering dat antiretrovirale medisyne (ARV's) onbekostigbaar was, verwerp. Sy het getoon dat die koste vir die behandeling van siek kinders wat Vigs by hul moeder opgedoen het nie groter was as die koste van die programme om oordrag van moeder tot kind te voorkom nie.[11]

In die hofsaak wat deur die burgerlike organisasies teen die Suid-Afrikaanse staat aanhangig gemaak is, het Nattrass 'n beëdigde verklaring geskryf waarin sy die koste-effektiwiteit van MIV-medisyne as 'n noodsaaklikheid vir openbare gesondheid en menseregte gemodelleer het.[12] Nattrass was krities oor Thabo Mbeki se Vigs-beleid in Suid-Afrika en was deur 'n regeringsminister gedreig met lasteraanklagte omdat sy die Suid-Afrikaanse kabinet se steun vir onbewese MIV-behandelings aan die lig gebring het, maar hierdie aanklag is nooit formeel gelê nie.[7] In 'n studie van 2008 het Nattrass geraam dat Thabo Mbeki se ontkenningsbeleid gelei het tot die vroeë sterftes van meer as 340 000 Suid-Afrikaners en 171 000 infeksies tussen 1999 en 2007, wat sy vergelyk het met 'volksmoord'.[13] Sy skryf die trae en ondoeltreffende regeringsreaksie op die land se massiewe Vigs-epidemie direk toe aan die invloed van die Vigs-ontkenners.[13] Die resultate van hierdie studie is later met behulp van 'n ander metodologie deur wetenskaplikes aan die Harvard-universiteit bevestig. Hulle het ook Vigs-verwante sterftes en morbiditeit in Suid-Afrika gemodelleer as gevolg van die regering se besluit die publiek nie toegang tot MIV-medisyne te gee nie.[14]

In haar artikel in 2012 in die tydskrif Skeptical Inquirer[15] en die boek "The AIDS Conspiracy: Science Fights Back"[16] ondersoek Nattrass die landskap van die Vigs-ontkenningsgemeenskap en identifiseer vier groepe karakters: "Wetenskaplike helde" (bied wetenskaplike geloofwaardigheid); "Kultus-ondernemers" (bevorder nie-bewysgebaseerde, onbewese alternatiewe behandelinge); "Lewende ikone" (bewys dat MIV nie die oorsaak van VIGS is nie) en "Lofsangers" (joernaliste en filmmakers wat die saak bevorder). Sy merk op dat hulle elkeen hul eie belangrike rol in die onregeerbare voortplanting van die beweging vervul. Hul verwante en simbiotiese verhoudings word gevestig deur hul gedeelde teenwetenskaplike en sameswerende houdings, en oortuigings oor alternatiewe medisyne en behandeling. Nattrass beskryf hoe aktiviste wie wetenskap bevorder terruggeveg het deur empiriese bewyse te gebriuk en politieke geloofwaardigheid gegee het aan argumente teen Vigs-samesweringsteorieë, as deel van die deurslaggewende projek om bewysgebaseerde medisyne te verdedig en pseudowetenskap te bestry.[16]

Kontroversie van 2020

wysig

Die Suid-Afrikaanse Joernaal vir Wetenskap het op 27 Mei 2020 'n kommentaar deur Nattrass gepubliseer getitled: "Waarom oorweeg swart Suid-Afrikaanse studente dit minder om biologiese wetenskappe te studeer?" wat probeer ondersoek hoekom bewaringsbiologie, dierkunde en die ander vakke in biologiese wetenskappe sukkel om swart Suid-Afrikaanse studente te lok. Die kommentaar het verkennende resultate gerapporteer van 'n opportunistiese opname onder 211 studente (verkry deur studente tydens die middagete te benader) wat deur die Universiteit van Kaapstad se Instituut vir Gemeenskappe en Natuurlewe in Afrika (iCWild) gedoen is.[17]

Die resultate van die opname het tot die gevolgtrekking gekom dat swart Suid-Afrikaanse studente minder geneig is om biologiese wetenskappe te bestudeer as ander studente, deels as gevolg van loopbaanaspirasies wat verband hou met materialistiese waardes en houdings teenoor plaaslike natuurlewe. Vanweë die betreklik hoë persentasie swart Suid-Afrikaanse studente wat nie saamstem dat "mense van ape ontwikkel het" nie, het Nattrass gewys op mislukkings op skoolvlak met betrekking tot die onderrig van biologiese wetenskappe asook die sterkte van godsdienstigheid in Suid-Afrika. Nattrass het verder 'n sterk verband gevind tussen die getal verskillende troeteldiere wat deur studente besit word, en die waarskynlikheid dat hulle biologiese wetenskappe as studiekursus sou oorweeg.[17]

In 'n verklaring wat op 5 Junie 2020 vrygestel is, het die uitvoerende hoof van die Universiteit van Kaapstad die publikasie veroordeel, die universiteit distansieer hom daarvan, en gesê dat hy Nattrass sal ondersoek.[18] Die verklaring van die universiteit se uitvoerende hoof het beweer dat Nattrass se kommentaar op "aannames wat nie ondersoek is nie oor wat swart mense dink" gebou is, en dat dit verder ondersoek moet word. Nattrass het gereageer op die verklaring, waarin sy die bewerings en die implikasie dat die werk rassisties was, van die hand gewys het. Sy het verder die bestuur daarvan beskuldig dat die verklaring "die kenmerke van 'n gejaagde, foutgevulde, aanval op haar werk" was. Sy het die bewerings van die universiteit se uitvoerende gesag gekritiseer as " 'n poging om 'n ideologiese agenda te bevorder deur vervaardiging en mobilisering van verontwaardiging".[19] Die Demokratiese Alliansie het na vore getree ter ondersteuning van Nattrass en akademiese vryheid en het sy eie verklaring uitgereik.[20] Nattrass het in 'n radio-onderhoud met Talk702 haar werk verdedig.[21]

Op 7 Junie 2020 het die grootste weeklikse koerant van Suid-Afrika, Sunday Times, Nattrass as die "Mampara van die week" bestempel.[22] Daarin word beweer dat haar navorsing "totale nonsens" was en gebaseer is op "ongegronde rasstereotipes".[22] Nattrass, wat al lank beweer het dat sy die beginsels van akademiese vryheid ondersteun, en wat in die loop van haar loopbaan talle voorgraadse studente as 'n voorgraadse dosent, gradeerder en opsigter in ekonomie onderrig het, het nie kommentaar op die koerant se toekenning, wat gebrekkige prestasies parodieë, gelewer nie.

Op 9 Junie 2020 het die Akademie vir Wetenskap van Suid-Afrika 'n verklaring getitld "ASSaF-verklaring oor die artikel van Nattrass" uitgereik waarin dit die beginsels van akademiese vryheid en redaksionele onafhanklikheid bevestig.[23]

Nattrass het 'n tweedelige antwoord met die titel "Tumult at UCT" geskryf. Die eerste deel is ondertitel "Die uitdagings van transformasie" en gepubliseer op 9 Junie 2020.[24] Die tweede deel is op 10 Junie 2020 gepubliseer en het die titel "Die gevare om die gedagtepolisie toe te laat om oor te neem".[25]

Ander werk

wysig

Nattrass werk saam met die Verenigde Nasies se navorsingsinstituut vir maatskaplike ontwikkeling, waarvoor sy mede-outeur van die Suid-Afrikaanse studie was vir die projek "Armoedebeperking en beleidstelsels".[26] Nattrass was ook 'n besoekende professor aan die Jackson-instituut vir globale sake aan Yale-universiteit.[27]

Nattrass het 11 boeke gesrkyf, insuitend vyf in die gebiede van ekonomiese beleid, politieke ekonomie en die kulturele en gedragsaspekte van vigs.[28] In 2019 het sy die boek Inclusive Dualism: Labour-intensive development, decent work and surplus labour in Southern Africa saam met Jeremy Seekings geskryf.[29]

Toekennings

wysig
  • Nattrass se eerste boek oor die onderwerp van VIGS, "The Moral Economy of AIDS in South Africa", het die Universiteit van Kaapstad se 2005 boektoekenning[30] en die Bill Venter / Altron se 2008 Literêre toekenning gewen.[31]
  • Universiteit van Kaapstad het haar met die 2001 Toekenning vir Onderwysers bekroon.[5]

Kyk ook

wysig

Verwysings

wysig
  1. ↑ 1,0 1,1 "Nicoli Nattrass (0000-0002-8422-5631)". ORCID (in Engels). 25 Mei 2020. Geargiveer vanaf die oorspronklike op 6 Junie 2020. Besoek op 11 Junie 2020.
  2. ↑ "ICWA - Our team". Institute for Communities and Wildlife in Africa (in Engels). Geargiveer vanaf die oorspronklike op 3 Julie 2019. Besoek op 10 Junie 2020.
  3. ↑ "CSSR-ASRU - Overview - Researchers". Centre for Social Science Research (in Engels). Geargiveer vanaf die oorspronklike op 9 November 2017. Besoek op 10 Junie 2020.
  4. ↑ 4,0 4,1 "Prof Nicoli Nattrass". Centre for Social Science Research, University of Cape Town (in Engels). Geargiveer vanaf die oorspronklike op 4 Maart 2016. Besoek op 10 Junie 2020.
  5. ↑ 5,0 5,1 5,2 5,3 Nicoli Nattrass Research & Publications (Engels). School of Economics, University of Cape Town. Argief geskep van die oorspronklike op 17 Desember 2013. URL besoek op 10 Junie 2020.
  6. ↑ Seekings, J.; Nattrass, N. (2008). Class, Race, and Inequality in South Africa (in Engels). Yale University Press. ISBN 978-0-300-12875-8. Besoek op 10 Junie 2020.
  7. ↑ 7,0 7,1 Nattrass, Nicoli. Mortal combat: AIDS denialism and the struggle for antiretrovirals in South Africa (in Engels). University of KwaZulu-Natal Press. Geargiveer vanaf die oorspronklike op 7 Junie 2020.
  8. ↑ Rhodes Scholar List (Engels). Oxford University. Argief geskep van die oorspronklike op 23 Desember 2012. URL besoek op 6 September 2012.
  9. ↑ "Nicoli Nattrass". ResearchGate.com (in Engels). Geargiveer vanaf die oorspronklike op 24 September 2015. Besoek op 11 Junie 2020.
  10. ↑ "UCT ranked First in the World for HIV/AIDS Research". Centre for Social Science Research (in Engels). 1 Januarie 2010. Geargiveer vanaf die oorspronklike op 11 Junie 2020. Besoek op 11 Junie 2020.
  11. ↑ Nattrass, Nicoli (2004). The Moral Economy of AIDS in South Africa. Cambridge University Press. p. 224. ISBN 0521548640.
  12. ↑ Heywood, Mark (2004). "Preventing mother-to-child HIV transmission in South Africa" (PDF). South African Journal of Human Rights (in Engels). 19 (2). Geargiveer vanaf die oorspronklike (PDF) op 7 Junie 2020. Besoek op 11 Junie 2020.
  13. ↑ 13,0 13,1 Nattrass, Nicoli (2008). "AIDS and the Scientific Governance of Medicine in Post-Apartheid South Africa". African Affairs (in Engels). Oxford University Press. 107 (427): 157–176. doi:10.1093/afraf/adm087.
  14. ↑ Chigwedere, Pride; Essex, M. (8 Januarie 2010). "AIDS Denialism and Public Health Practice". AIDS and Behavior (in Engels). Springer Science and Business Media LLC. 14 (2): 237–247. doi:10.1007/s10461-009-9654-7. ISSN 1090-7165.
  15. ↑ Nattrass, Nicoli (2012). "The Social and Symbolic Power of AIDS Denialism". Skeptical Inquirer (in Engels). Committee for Skeptical Inquiry. 36 (July/August): 34–38.
  16. ↑ 16,0 16,1 Nattrass, Nicoli (2012). The AIDS Conspiracy: Science Fights Back (in Engels). Cambridge University Press. pp. 240. ISBN 0231149123.
  17. ↑ 17,0 17,1 Nattrass, Nicoli (27 Mei 2020). "Why are black South African students less likely to consider studying biological sciences?". South African Journal of Science (in Engels). 116 (5/6). doi:10.17159/sajs.2020/7864. ISSN 1996-7489. Besoek op 10 Junie 2020.
  18. ↑ Moholola, Elijah. Statement by the UCT executive on research paper by academic (Engels) (pdf). uct.ac.za. Communication and Marketing Department - UCT. Argief geskep van die oorspronklike op 6 Junie 2020. URL besoek op 10 Junie 2020.
  19. ↑ McCain, Nicole (6 Junie 2020). "UCT prof at centre of race storm hits back, accuses varsity of 'hatchet-job' response". News24 (in Engels). Geargiveer vanaf die oorspronklike op 6 Junie 2020. Besoek op 11 Junie 2020.
  20. ↑ Bozzoli, Belinda (7 Junie 2020). "UCT is on a slippery slope to censoring its own academics and must retract its ill-considered reaction to Professor Nattrass' research paper". Democratic Alliance (in Engels). Geargiveer vanaf die oorspronklike op 11 Junie 2020. Besoek op 11 Junie 2020.
  21. ↑ "I don't understand why anyone thinks this is dehumanising or racist - UCT Prof". 702 (in Engels). 10 Junie 2020. Geargiveer vanaf die oorspronklike op 10 Junie 2020. Besoek op 11 Junie 2020.
  22. ↑ 22,0 22,1 HOGARTH (7 Junie 2020). Mampara of the week: Prof Nicoli Natrass (Engels). TimesLIVE. The Sunday Times. Argief geskep van die oorspronklike op 7 Junie 2020. URL besoek op 10 Junie 2020.[inskrywing benodig]
  23. ↑ "ASSAf statement on Nattrass article". Home (in Engels). 1 Junie 2020. Geargiveer vanaf die oorspronklike op 9 Junie 2020. Besoek op 11 Junie 2020.
  24. ↑ Nattrass, Nicoli (9 Junie 2020). "Tumult at UCT Part 1 - the challenges of transformation" (in Engels). Geargiveer vanaf die oorspronklike op 15 Junie 2020. Besoek op 11 Junie 2020.
  25. ↑ Nattrass, Nicoli (10 Junie 2020). "Tumult at UCT Part 2: The dangers of allowing the thought police to take over" (in Engels). Geargiveer vanaf die oorspronklike op 14 Junie 2020. Besoek op 11 Junie 2020.
  26. ↑ United Nations Research Institute for Social Development. "Poverty Reduction and Policy Regimes" (in Engels). Geargiveer vanaf die oorspronklike op 20 Augustus 2014. Besoek op 11 Junie 2020.
  27. ↑ "Visiting Professor, Jackson Institute for Global Affairs" (in Engels). Yale-universiteit. Geargiveer vanaf die oorspronklike op 26 Mei 2013. Besoek op 11 Junie 2020.
  28. ↑ "Nicoli Nattrass". Office of Visiting Scholars, Exchanges, and Fellowships (in Engels). Geargiveer vanaf die oorspronklike op 11 Junie 2020. Besoek op 11 Junie 2020.
  29. ↑ Nattrass, N.; Seekings, J (2019). Inclusive Dualism: Labour-Intensive Development, Decent Work, and Surplus Labour in Southern Africa. Critical Frontiers of Theory, Research, and Policy in International Development Studies (in Engels). Oxford University Press. ISBN 978-0-19-884146-3. Besoek op 11 Junie 2020.
  30. ↑ "Book marries ethical and economic aspects of AIDS" (in Engels). University of Cape Town. 23 Mei 2005. Geargiveer vanaf die oorspronklike op 16 Maart 2017. Besoek op 6 September 2012.
  31. ↑ "Nicoli Nattrass Wins Top Academic Book Prize". University of Cape Town, School of Economics. 8 Julie 2008. Geargiveer vanaf die oorspronklike op 13 November 2012. Besoek op 6 September 2012.

Eksterne skakels

wysig
Ontsluit van "https://af.wikipedia.org/w/index.php?title=Nicoli_Nattrass&oldid=2619726"