Niell Jordaan
Niell Jordaan (* 13 Januarie 1992, Newcastle) is ’n Suid-Afrikaanse rugbyspeler wat in die Superrugbyreeks vir die Cheetahs, en in die Curriebeker vir die Vrystaat Cheetahs op agtsteman speel.
| |||||
| Volle naam | Daniel Niell Jordaan | ||||
|---|---|---|---|---|---|
| Geboortedatum | 13 Januarie 1992 | ||||
| Geboorteplek | Newcastle, Suid-Afrika | ||||
| Lengte | 1,90 m | ||||
| Massa | 103 kg | ||||
| Skool | Grey-kollege, Bloemfontein | ||||
| Universiteit | Universiteit van die Vrystaat | ||||
| Beroep | Professionele rugbyspeler | ||||
| Rugbyloopbaan | |||||
| Loopbaan as speler | |||||
| Posisie(s) | Flank, agtsteman | ||||
| Amateurspanne | |||||
| Jare | Klub / span | Weds | (pte) | ||
| 2013 | Shimlas | 18 | (40) | ||
| Provinsiale- / Staatspanne | |||||
| Jare | Klub / span | Weds | (pte) | ||
| 2013– 2014 |
Vrystaat →Griffons |
4 3 |
(0) (0) | ||
| Superrugby/Verenigde Rugbykampioenskap | |||||
| Jare | Klub / span | Weds | (pte) | ||
| 2015– | Cheetahs | 2 | (5) | ||
Loopbaan
wysigJeug
wysigJordaan is op laerskool by die Pumas se o/13-Cravenweekspan ingesluit. In 2008 is hy in die o/16-span vir die Grant Khomo week, ook vir die Pumas, ingesluit, waar hy by die Suid-Afrikaanse o/16 Elitespan ingesluit is.
In 2009 is hy na Bloemfontein om sy skoolloopbaan aan Grey-kollege te voltooi. Hy het die Vrystaat by die o/18 Cravenweek verteenwoordig, eers in 2009 in Oos-Londen en toe weer in 2010 in Welkom waar die Vrystaat die Westelike Provinsie met 42–21 in die hoofwedstryd geklop het.[1] Gevolglik is Jordaan in die Suid-Afrikaa se o/18 Hoëprestasiespan ingesluit wat wedstryde teen Frankryk, Engeland en Namibië gespeel het.
Vrystaat Cheetahs/Shimlas/Griffons
wysigNa sy hoërskoolloopbaan het Jordaan by die Vrystaat-akademie aangesluit en in 2011 vir die Vrystaatse o/19-span gespeel het in 7 wedstryde. In 2012 het hy vir die Vrystaatse o/21-span in elk van die dertien wedstryde gespeel en het hy drie drieë gedruk met die span wat na die halfeindronde deurgedring het.
In die volgende seisoen het Jordaan in twee wedstryde vir die Shimlas in die Varsitybekerreeks gespeel. Hy is daarna by die Vrystaatse Vodacombekerspan ingesluit vir die 2013-seisoen en het sy eersterangse debuut teen die Natalse Haaie gemaak waarin die Vrystaat met 33–34 verloor het. Later in die seisoen het hy weer vir die Vrystaatse o/21-span in sewe wedstryde gespeel. Gedurende 2014 het Jordaan in sewe wedstryde vir die Shimlas gespeel. Hy is ook as leenspeler vir die Griffons in twee wedstryde ingespan gedurende 2014 se Vodacombekerseisoen en in een wedstryd in die Curriebeker-kwalifiseringswedstryde.
In 2015 het Jordaan in al nege wedstryde vir die Shimlas gespeel. Die Shimlas het vir die eerste keer sedert die ontstaan van die toernooi, die kompetisie gewen met Jordaan wat vyf drieë in hierdie seisoen gedruk het. Die Shimlas het in die eindstryd teen die NWU-Puk gespeel en gemaklik met 63–33 gewen.
Cheetahs
wysigNa afloop van die 2015 Varsitybekerreeks is Franco Smith as hoofafrigter van die Cheetahs aangestel[2] en het hy vier Shimlaspelers in sy eerste wedstryd teen die Waratahs ingesluit met Jordaan wat as agtsteman opgedraf het.[3]
Eksterne skakels
wysigVerwysings
wysig- ↑ (en) "Wedstrydontleding: Vrystaat tn WP". Suid-Afrikaanse Rugbyunie. 3 Julie 2010. Besoek op 5 Junie 2015.[dooie skakel]
- ↑ (en) Cheetahs (8 Mei 2015). "Franco Smith neem oor as afrigter". Persberig. http://www.fscheetahs.co.za/News.aspx?newsid=2885. Besoek op 8 Mei 2015.
- ↑ "Toyota Cheetahs tn Waratahs" (in Engels). Cheetahs. 3 Junie 2015. Geargiveer vanaf die oorspronklike op 24 September 2015. Besoek op 3 Junie 2015.