Waratahs (Superrugbyspan)

Die Waratahs (voorheen bekend as die Nieu-Suid-Wallis Waratahs en nou as die HSBC Waratahs) is ’n Australiese rugbyspan wat as ’n konsessie aan Superrugby deelneem sedert 1996. Die konsessie sluit die grootste gedeelte van Nieu-Suid-Wallis in (die Riverina en ander suidelike dele maak deel van die Brumbies se konsessiearea uit). Die Waratahs se tuiswedstryde word op die Sydney Voetbalstadion in Sydney gespeel. Die huidige kaptein van die span is Michael Hooper.

Waratahs
Bynaam(e) ’Tahs
Embleem Protea
Stigting 1997
Ligging Sydney, Australië
Streek Nieu-Suid-Wallis
Stadion Sydney Voetbalstadion
Kapasiteit 45 500
Afrigter(s) Daryl Gibson
Kaptein(s) Michael Hooper
Liga(s) Superrugby
2018 Kwarteind
(3de na rondomtalie)
Tuiskleure


Weg kleure

Statistiek
Meeste wedstryde 136 Phil Waugh
Meeste punte 1 172 Matt Burke
Meeste drieë 25 Lote Tuqiri
Eerste wedstryd
NSW Waratahs 32 – 11 Transvaal
(1 Maart 1996)
Grootste oorwinning
Waratahs 73 – 12 Lions
(12 Maart 2010)
Grootste nederlaag
Crusaders 96 – 19 Waratahs
(11 Mei 2002)
Amptelike webwerf
www.waratahs.com.au

Geskiedenis wysig

Amateur era wysig

Die NSWRU (of die Suidelike Rugbyunie (SRU) soos dit toe geheet het) is in 1874 gestig en die eerste klubkompetisie het in daardie jaar plaasgevind. Teen 1880 het die SRU meer as 100 klubs geregistreer in die metropolitaanse area. In 1982 is die eerste verteenwoordigende span van Nieu-Suid-Wallis gekies om teen die span van Queensland te speel in twee wedstryde. NSW het albei die wedstryde gewen.

In dieselfde jaar is die eerste NSW-toerspan gekies om na Nieu-Seeland te reis om daar te speel. Gedurende die Eerste Wêreldoorlog het NSW en Queensland die kompetisie tussen hulle gestaak. Die Queensland rugbyliggaam is egter eers weer in 1929 gestig wat beteken het dat NSW meer verantwoordelikhede teenoor Australiese rugby gehad het. In 1921 het die Waratahs weer na Nieu-Seeland getoer en het nege van hul tien wedstryde gewen, waaronder een teen die All Blacks.

Die bekendste Waratah-span was die span wat in 1927-’28 na Brittanje, Frankryk en Noord-Amerika getoer het. Hulle het 24 van hul amptelike 31 wedstryde gewen. Kort na hul terugkeer na Australië het wedstryde teen Queensland weer pos gevat. Die 1930’s was ’n besonder suksesvolle periode vir NSW. Die hoogtepunt in hierdie era was toe die verteenwoordigende span van NSW die toerspan van Suid-Afrika in 1937 op die SCG geklop het.

In 1963 is die Sydney Rugbyunie gestig om die sport in die stad te help uitbrei. Die NSW Rugbyunie het in 1974 hul eeufeesvieringe gehad en as deel van die feestelikhede is ’n wedstryd op 18 Mei teen die All Blacks op die SCG gespeel. Die Waratahs het met 20 - 0 verloor.

Professionele era wysig

 
Die Waratahs speel teen die Brumbies

In die eerste seisoen van die Super 12 in 1996 kon die Waratahs slegs vyf wedstryde wen en het hulle in die middel van die punteleër geëindig met die ander twee Australiese spanne bo hulle. Die volgende seisoen het nog slegter verloop en die Waratahs kon slegs vier wedstryde wen om uiteindelik negende te eindig.

1998 was ’n beter seisoen vir die Waratahs nadat hulle ses wedstryde gewen het en sesde op die punteleer geëindig het. In 1999 het die Waratahs egter teruggesak na die agtste plek op die punteleër nadat hulle slegs vier wedstryde kon wen. Hulle het effens verswak vir die volgende seisoen en het in 2000 vyf wedstryde gewen maar kon slegs negende eindig. In 2001 het hulle weer slegs vyf wedstryde gewen maar hierdie keer het hulle weer opgeskuif na die agtste plek op die punteleër.

2002 was ’n drastiese verbetering op al die vorige seisoene vir die Waratahs. Hulle was aan die einde van die rondomtaliewedstryde tweede op die punteleër (hulle het agt wedstryde gewen), wat beteken het dat hulle na die uitspeelrondes deurgedring het. Die Waratahs het egter in hul laaste rondomtaliewedstryd met ’n yslike 96 - 19 verloor teen die Crusaders. Hulle het ook in die halfeindstryd teen die Brumbies verloor met 51 - 10. Die gekombineerde telling vir die twee weke was Brumbies/Crusaders 147 teen die 29 van die Waratahs.

In 2003 het die Waratahs weer teruggesak na die middel van die punteleër en hulle het sesde geëindig. Die volgende seisoen (2004) het belowend begin met drie agtereenvolgende seges. Hulle kon egter vir die res van die seisoen nog net twee wedstryde wen en het uiteindelik agtste geëindig. In daardie jaar het die afrigter, Ewen McKenzie, die toer aan die einde van die seisoen ingestel en die Waratahs het na Argentinië gereis. In 2005 het die Waratahs hul beste seisoen tot dusver gehad nadat hulle tweede op die punteleër geëindig het en weer deurgedring het na die uitspeelrondes. Hierdie keer het hulle Bulls in die haldeindstryd in Sydney met 23 - 13 geklop. Hulle het teen die Crusaders in die eindstryd te staan gekom en het die wedstryd met 35 - 25 geklop.

In 2006 is die kompetisie uitgebrei na 14 spanne met die toevoeging van die Western Force van Australië en die Cheetahs van Suid-Afrika. Die Waratahs het goed gevaar in 2006 en het derde op die punteleer geëindig. In die laaste wedstryd van die rondomtalie het die Waratahs teen die Hurricanes met 29 - 14 verloor. Die nuus dat Wendell Sailor positief getoets het vir verbode middels en moontlike skorsing van rugby in die gesig gestaar het, het die Waratahs se voorbereiding vir die halfeindronde negatief beïnvloed. Hulle het na Nieu-Seeland gereis om weer teen die Hurricanes te speel in die halfeindronde en het die wedstryd verloor met 16 - 14. Wendell Sailor is later ’n tweejaar skorsing uit professionele rugby opgelê.[1]

Die 2007-seisoen was die mees teleurstellende nog vir die Waratahs. Hulle kon slegs drie wedstryde wen (teen die Lions, Reds en Hurricanes) en het die seisoen in die dertiende plek afgesluit. Die 2008-seisoen het goed begin vir die Waratahs nadat hulle hul voorseisoenwedstryde gewen het en nadat hulle die Hurricanes in hul eerste wedstryd met 20 - 3 geklop het. Die oorwinning oor die Brumbies in die vierde ronde van die kompetisie was die Waratahs se 500ste oorwinning sedert hul eerste wedstryd in 1882. Die Waratahs het vir die res van die seisoen goed vertoon en het uiteindelik nege wedstryde gewen wat aan hulle ’n tweede plek op die punteleer besorg het. Hulle het ’n tuishalfeindstryd gehad teen die Sharks en het met 28 - 13 geseëvier. Hulle moes weer na Nieu-Seeland reis vir die eindstryd teen die Crusaders maar het weer vasgeval en die wedstryd met 20 - 12 verloor.

In 2009 het die Waratahs die uitspeelrondes net-net gemis. Hulle en die Crusaders het albei 41 ligapunte gehad maar die Crusaders het met vier punte ’n beter punteverskil as die Waratahs gehad, wat aan die Crusaders ’n plek in die uitspeelrondes besorg het.

Logo en kleure wysig

 
’n Ouer NSW logo
 
’n Ouer NSW logo

Die span van Nieu-Suid-Wallis speel in ’n ligblou trui en vlootblou broek. Die blou kleur het ’n lang sportgeskiedenis in Nieu-Suid-Wallis en is in ’n bekende tweestryd met die rooi/maroen van Queensland. HSBC, die borg vir ’n aantal jare, pryk op die voorkant van die trui. Daar word soms ook van ’n alternatiewe trui gebruikgemaak. In die 2006-voorseisoen het die Waratahs ’n nuwe truiskema gebruik in ’n wedstryd teen die Crusaders. Hierdie stelsel het die tradisionele nommers agter op die truie vervang met die spelers se voorletters. Die alternatiewe truie is ’n wit-en-blou gestreepte trui.

Tot 1885 het Nieu-Suid-Wallis ‘heide groen’ drag gedra. Van 1891 tot 1897 het Nieu-Suid-Wallis in skarlakenrooi truie gespeel. Die volgende seisoen het die span in Cambridge blou truie uitgedraf. Die ligblou trui en vlootblou broek is in 1897 vir die eerste keer gebruik en word sedertdien gebruik vir Nieu-Suid-Wallis. Die rugbyspan van Nieu-Suid-Wallis was reeds voor die aanvang van die Super 12 bekend as die Waratahs aangesien die waratah (telopea) die staatsblom van Nieu-Suid-Wallis is.

Tuisstadion wysig

 
Die Waratahs speel op die Sydney Voetbalstadion

Die Waratahs speel hul tuiswedstryde op die Sydney Voetbalstadion in Moore Park, reg langs die Sydney Cricket Ground. Die stadion het sitplek vir 45,500 mense. De Waratahs deel hierdie stadion met die Sydney Voetbalklub se sokkerspan en die Sydney Roosters rugbyligaspan.

In 2009 het die Waratahs ’n multi-miljoendollar kontrak geteken met die ANZ-stadion wat beteken dat hulle ten minste een wedstryd per seisoen in die stadion in Sydney Olimpiese Park moet speel tot 2015.[2] Al die Waratahs se tuiseindstryde word ook op die ANZ-stadion gespeel.

Die Waratahs het ook al per geleentheid op ander stadions regoor Nieu-Suid-Wallis gespeel. Gedurende die Australiese Provinsiale Kampioenskap waarin die Waratahs twee wedstryde gespeel het, is die wedstryde in onderskeidelik in Bathurst en op die Sentrale Kusstadion in Gosford gespeel. Die Waratahs het ook van hul proewe in 2008 op die Campbelltown-stadion gespeel.

Seisoenbepalings wysig

Super 12 wysig

Die volgende tabel som die Waratahs se Super 12-uitslae op:[3]

Seisoen Pos Gespeel Gewen Gelyk Verloor Punte vir Punte teen +/- BP Pte Notas
1996 6de 11 5 0 6 312 290 +22 8 28
1997 9de 11 4 0 7 255 296 -41 4 20
1998 6de 11 6 1 4 306 276 +30 4 30
1999 8ste 11 4 1 6 246 248 -2 6 24
2000 9de 11 5 0 6 273 258 +15 5 25
2001 8ste 11 5 0 6 306 302 +4 5 25
2002 3de 11 8 0 3 337 284 +53 7 39 Verloor in halfeindronde teen Brumbies
2003 5de 11 6 0 5 313 344 -31 7 31
2004 8ste 11 5 0 6 342 274 +68 7 27
2005 2de 11 9 0 2 322 174 148 5 41 Verloor in eindronde teen Crusaders

Super 14 wysig

Die volgende tabel som die Waratahs se Super 14-uitslae op:[3]

Seisoen Pos Gespeel Gewen Gelyk Verloor Punte vir Punte teen +/- BP Pte Notas
2006 3de 13 9 0 4 362 192 170 9 45 Verloor in halfeindronde teen Hurricanes
2007 13de 13 3 1 9 266 317 -51 7 21
2008 2de 13 9 1 3 255 168 +69 5 43 Verloor in eindronde teen Crusaders
2009 5de 13 9 0 4 241 212 +29 5 41
2010 3de 13 8 0 5 366 308 58 7 43

Superrugby wysig

Die volgende tabel som die Waratahs se Superrugby-uitslae op:

Seisoen Pos Gespeel Gewen Gelyk Verloor Punte vir Punte teen +/- BP1 Pte Notas
2011 5de 16 10 0 6 398 252 +146 9 57 Verloor teen Blues in kwalifiserende ronde
2012 11de 16 4 0 12 346 407 −61 11 35
2013 9de 16 8 0 8 411 371 +40 5 45
2014 1ste 16 12 0 4 481 272 +209 10 58 Wen teen Crusaders in eindronde
2015 2de 16 11 0 5 409 313 +96 8 52 Verloor teen Highlanders in halfeindronde

1 Punte toegeken vir ’n loslootjie is nie hierby ingereken nie.

Die volgende tabel som die Waratahs se Superrugby-uitslae vir die uitgebreide toernooi van agtien spanne op:

Seisoen Pos Alg Pos Groep Gespeel Gewen Gelyk Verloor Punte vir Punte teen +/− BP1 Pte Notas
2016 10de 6de 15 8 0 7 413 317 +96 8 40
2017 16de 9de 15 4 0 11 396 522 –126 3 19

Huidige span wysig

Waratahs 2017 Superrugbyspan[4]

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Afrigters wysig

  • Chris Hawkins – 1996
  • Matt Williams – 1996 tot 1999
  • Ian Kennedy – 2000
  • Bob Dwyer – 2001 tot 2003
  • Ewen McKenzie – 2004 tot 2008
  • Chris Hickey – 2009 tot 2011
  • Michael Foley – 2012
  • Michael Cheika – 2013 tot 2015

Statistiek wysig

Span wysig

  • Grootste sege - 73-12 vs Lions, 2010
  • Grootste wenmarge - 61 vs Lions, 2010
  • Meeste drieë in een wedstryd - 11 vs Lions, 2010
  • Grootste loesing - 19-96 vs Crusaders, 2002

Individueel wysig

  • Meeste wedstryde - 119 - Phil Waugh
  • Meeste wedstryde as kaptein - 41 - Phil Waugh
  • Meeste punte - 957 - Matt Burke
  • Meeste drieë - 25 - Lote Tuqiri
  • Meeste drieë in ’n wedstryd - 4 - Drew Mitchell (vs Lions, 2010)
  • Meeste doelskoppe in ’n wedstryd - 9 - Berrick Barnes (vs Lions, 2010)
  • Meeste punte in ’n seisoen - 184 - Peter Hewat (2006)
  • Meeste drieë in ’n seisoen - 10 - Peter Hewat (2005)
  • Meeste punte in ’n wedstryd - 34 - Peter Hewat (v Bulls, 2005)

Sien ook wysig

  • Nieu-Suid-Wallis Rugbyunie

Eksterne skakels wysig

Verwysings wysig

  1. (en) Cocaine use ends Wendell Sailor’s career The Age
  2. Rugby Heaven [dooie skakel]
  3. 3,0 3,1 "Superrugby spanbesonderhede (Waratahs)" (in Engels). Lassen Creative Technologies Ltd. Geargiveer vanaf die oorspronklike op 2 November 2019. Besoek op 10 Desember 2007.
  4. (en) Spelerprofiele Geargiveer 21 Maart 2012 op Wayback Machine NSW Waratahs