Noord-Sentineleiland
Noord-Sentineleiland is een van die lede van die Andamaneilande in die Golf van Bengale. Die groep sluit ook Suid-Sentineleiland in. Die noordelike eiland is die tuiste van die Sentinelese, wat alle kontak met die buitewêreld beveg, soms met geweld. Hulle word beskou as een van die wêreld se geïsoleerde volke, wat basies onaangeraak deur die moderne beskawing is. Daarom is net beperkte inligting oor die eiland bekend.
| Noord-Sentineleiland | |
|---|---|
 'n Foto deur Nasa uit 2009 van die eiland. Die beskermende ring koraalriwwe kan duidelik gesien word. | |
| Geografie
| |
| Ligging | Golf van Bengale
|
| Argipel | Andamaneilande[1]
|
| Oppervlakte | 59,67 km2
|
| Administrasie | |
 Indië
| |
| Demografie | |
| Bevolking | Sowat 40[2]
|
| Bevolkingsgroepe | Sentinelese |
In naam is die eiland deel van die distrik Suid-Andaman van die Indiese uniegebied Andaman- en Nicobar-eilande.[3] In die praktyk erken die Indiese regering die eilandbewoners se begeerte om alleen gelaat te word en monitor hulle net die eiland vanaf ’n afstand; die Sentinelese word selfs nie vervolg as hulle ander mense vermoor nie.[4][5] Die eiland kan dus beskou word as ’n soewereine gebied onder Indiese beskerming.
Geografie
wysigNoord-Sentinel lê 36 km wes van die dorp Wandoor op Suid-Andamaneiland[1] en 59,6 km noord van Suid-Sentineleiland. Dit het ’n oppervlakte van sowat 59,67 km2 en ’n rofweg vierkantige buitelyn.[6]
Noord-Sentinel word deur koraalriwwe omring en het geen natuurlike hawens nie. Die hele eiland is bebos,[7] buiten ’n smal strand. Daarna styg die grond tot 20 m, en dan geleidelik tot tussen 46 m[8]:257 en 122 m[9] naby die middel. Die riwwe strek tot tussen 800 en 1 290 m van die kus af.[9] ’n Beboste eilandjie, Constance-eiland, is sowat 600 m van die suidoostelike kus af geleë.
Moderne geskiedenis
wysigDie aardbewing van 2004 in die Indiese Oseaan het die tektoniese plaat onder die eiland laat kantel en dit tussen 1 en 2 m opgelig. Groot dele van die omringende koraalriwwe is uit die water gelig en het permanente droë grond of vlak lagunes geword. Dit het die eiland se wes- en suidgrens met tot 1 km verleng en dit laat saamsmelt met Constance-eiland.[10]:347[11]
In Januarie 2006 is twee vissermanne wat onwettig naby die eiland visgevang het, deur die Sentinelese vermoor nadat hul boot te naby aan die eiland gedryf het. Niemand is vervolg nie.[4] In November 2018 is John Allen Chau, ’n Amerikaanse sendeling van Washington, vermoor kort nadat hy op die eiland aangekom het.[12] Die vissermanne wat hom tot naby die eiland gebring het, is vervolg.[13]
Verwysings
wysig- ↑ 1,0 1,1 Weber, George. "Chapter 8: The Tribes; Part 6. The Sentineli". The Andamanese (in Engels). Geargiveer vanaf die oorspronklike op 7 Mei 2013. Besoek op 20 September 2018.
- ↑ Andaman and Nicobar Islands Census 2011
- ↑ "Village Code Directory: Andaman & Nicobar Islands" (PDF). Sensus van Indië. Besoek op 16 Januarie 2011.
- ↑ 4,0 4,1 Foster, Peter (8 Februarie 2006). "Stone Age tribe kills fishermen who strayed onto island". The Telegraph (in Engels). Londen, VK. Geargiveer vanaf die oorspronklike op 20 Mei 2020.
- ↑ Bonnett, Alastair: Off The Map, page 82. Carreg Aurum Press, 2014
- ↑ http://ls1.and.nic.in/doef/WebPages/ForestStatistics2013.pdf
- ↑ Weber, George. "Chapter 2: They Call it Home". The Andamanese (in Engels). Geargiveer vanaf die oorspronklike op 2 April 2012.
- ↑ "North Sentinel". The Bay of Bengal Pilot. Admiralty. Londen: United Kingdom Hydrographic Office. 1887. p. 257. OCLC 557988334.
- ↑ 9,0 9,1 "The Andaman Islands and the Nicobar Islands § 9.8 North Sentinel Island". Bangladesh and the Bay of Bengal (PDF). Sailing Directions (Enroute). Pub. 173 (8ste uitg.). Springfield, Virginië: National Geospatial-Intelligence Agency. 2014. p. 266. Geargiveer vanaf die oorspronklike (PDF) op 2 April 2015.
{{cite book}}: AS1-onderhoud: ander (link) - ↑ Pandya, Vishvajit (2009). In the Forest: Visual and Material Worlds of Andamanese History (1858–2006). Lanham, Maryland: University Press of America. ISBN 978-0-7618-4272-9. LCCN 2008943457. OCLC 371672686. OL 16952992W.
- ↑ Weber, George (2009). "The 2004 Indian Ocean Earthquake and Tsunami" (in Engels). Geargiveer vanaf die oorspronklike op 24 Julie 2013.
- ↑ "'God, I don't want to die,' U.S. missionary wrote before he was killed by remote tribe on Indian island". Washington Post. 22 November 2018. Besoek op 22 November 2018.
- ↑ Withnall, Adam (21 November 2018). "American 'adventure tourist' killed by remote tribe after visiting protected Indian island". The Independent (in Engels). Delhi. Geargiveer vanaf die oorspronklike op 19 Mei 2019. Besoek op 21 November 2018.
Eksterne skakels
wysig
Wikimedia Commons het meer media in die kategorie Noord-Sentineleiland.
Hierdie artikel is vertaal uit die Engelse Wikipedia
