Wikipedia

Ospreys

(Aangestuur vanaf Ospreys (rugbyspan))

Die Ospreys ((cym) Y Gweilch), voorheen die Neath-Swansea Ospreys, is een van die vier professionele rugbyspanne van Wallis. Hulle ding mee in die Guiness Pro14 en die Europese Rugbykampioenebeker. Die span is gevorm nadat Neath RVK en Swansea RVK saamgesmelt het, as deel van die nuwe plaaslike struktuur van Walliese rugby sedert 2003. Hulle word ook verbind met ’n aantal plaaslike semi-professionele en amateurklubs, insluitend Aberavon RVK, Bridgend Ravens, en die oorspronklike stigtersklubs Neath en Swansea, wat in die Walliese Premierliga speel. Die streek wat deur die span verteenwoordig word, staan wyd bekend as ‘Ospreylia’, vir rugbydoeleindes.[1]

Ospreys
Unie Walliese Rugbyunie
Embleem Visvalkmasker
Stigting 2003
Stadion Liberty-stadion, Swansea
Kapasiteit 20 750
Afrigter(s) Vlag van Wallis Steve Tandy
Kaptein(s) Alun Wyn Jones
Liga(s) Guiness Pro14
2017-’18 10de
Spankleure
Alt. kleure
Statistiek
Meeste wedstryde 223 Duncan Jones
Meeste punte 2 002 Dan Biggar
Meeste drieë 57 Shane Williams
Amptelike webwerf
www.ospreysrugby.com
Die Liberty-stadion in Swansea.

Hul belangrikste tuisveld is die Liberty-stadion in Swansea maar wedstryde ook op die Breweryveld, Bridgend, gespeel. Ospreys speel in ’n swart trui tuis en ’n wit-en-oranje trui weg. Die Ospreylogo bestaan ​​uit ’n beeld van ’n visvalkmasker.

Die Ospreys is die suksesvolste Walliese span in die Keltiese Ligabeker of Pro12-toernooi, wat die kompetisie vier keer gewen het. Hulle is ook die eerste en enigste Walliese streekspan wat ’n groot toerspan kon klop toe hulle Australië in 2006 met 24-16 gewen het.[2]

Geskiedenis wysig

Kinderskoene wysig

 
Wallis se rugbyunies, die swart gedeelte is Ospreys.

Op 24 Julie 2003 is aangekondig dat die nuwe span wat Neath RVK en Swansea RVK verteenwoordig, as die Neath-Swansea Ospreys (Visvalke) bekend sou staan.[3] Die Ospreys-gedeelte van die naam is geïnspireer deur die gebruik van dié voël as Swansea RVK se eeufeeswapen.[4] Lyn Jones, voormalige afrigter van Neath RVK is as hoofafrigter aangewys en hy het Scott Gibbs as eerste kaptein aangewys.[5] Op 5 September 2003 het die span hul eerste kompeterende wedstryd, ’n Keltiese Ligabeker-wedstryd met ’n oorwinning van 41–30 oor Ulster op The Gnoll in Neath gespeel.[6] Leeds Tykes was die Ospreys se eerste opponent in die Heinekenbeker in ’n wedstryd wat die Ospreys op 7 Desember 2003 met 29–20 verloor het.[7] Hulle het gesukkel om na hierdie verlies te herstel en het onderaan hul poel geëindig met hul enigste oorwinning teen Tykes in die laaste ronde op Tykes se tuisveld, St. Helens.[8] In Wallis het hulle nie alle aansien verloor nie deur Cardiff Blues vir die vyfde plek in die Keltiese Ligabeker uit te knikker.[9]

Na die val van die Celtic Warriors op 1 Junie 2004[10] is Neath-Swansea Ospreys se grense uitgebrei om ’n groot gedeelte van die Bridgend- en Ogmore-areas ten ooste in te sluit.[11] Weens logistieke redes is egter besluit dat tuiswedstryde op Bridgend RVK se Breweryveld gespeel sou word.[12] David Bishop, Brent Cockbain, Ryan Jones en Sonny Parker wat voorheen vir die Warriors gespeel het, het kontrakte met die Ospreys onderteken.

2004-2007 wysig

Die 2004-’05-seisoen was heelwat beter vir die span. ’n Volgepakte stadion was op 26 Maart 2005 ooggetuie van Ospreys se sege vir silwerware. ’n Oorwinning van 29–12 oor Edinburgh met twee rondtes oor, was genoeg om as kampioen gekroon te word.[13] Twee indrukwekkende oorwinnings oor Harlequins was nie genoeg om Munster in die poelfase van die daardie jaar se Heinekenbeker te klop nie. Op 14 Mei 2005 is aangekondig dat die ‘Neath-Swansea’-deel van die naam laat vaar sou word en dat die span voortaan slegs as Ospreys bekend sou staan. In die volgende seisoen het hulle in ’n teleurstellende sewende plek in die Keltiese Ligabeker geëindig. In die Heinekenbeker het hulle teen Leicester Tigers, Stade Français en ASM Clermont Auvergne en het derde in hulle poel geëindig met oorwinnings oor Stade Français en Leicster. Aan die einde van 2006 is aangekondig dat Justin Marshall ’n kontrak met Ospreys onderteken het.

Die Ospreys het weer die 2006-’07-seisoen gewen. Hierdie toernooisege het beteken dat hulle die eerste span was wat vir ’n tweede keer die Keltiese Ligabeker kon wen. In Februarie 2008 was 13 van die spelers vir Wallis se nasionale rugbyspan by Ospreys gekontrakteer. Dit was ’n rekordaantal spelers van een streek vir die Walliese span. In die 2007-’08-seisoen het die Ospreys vir die eerste maal die kwarteindrondte van die Heinekenbeker gehaal maar op verrassende wyse teen Saracens verloor. Die volgende week het hulle egter EDF Energy-beker gewen toe hulle teen Leicester Tigers op Twickenham gewen het.

Toe dit in November 2006 duidelik word dat Wallis ‘A’ nie teen die Australiese ‘A’-span sou speel tydens laasgenoemde se Europese toer sou speel nie, het die Ospreys die eerste Walliese streekspan geword wat teen ’n groot internasionale span gespeel het sedert streekrugby in Wallis begin het. Die Ospreys het hierdie wedstryd met 24–16 gewen.[14] Na hul oorwinning oor die Wallabies het die term Ospreylië in die omgangstaal gebruiklik geword[15][16] en ondersteuners het dit begin gebruik as die geografiese gebied wat deur die span gedek word en na hulself as ‘Ospreyliërs’ begin verwys. Peter Black, Lid van die Vergadering vir suidwes Wallis, het hom op sy woernaal as die LV vir Ospreylië verklaar.[17]

Op 23 Februarie 2007 het die Ospreys hul eerste ‘A’-spanwedstryd teen Newport-Gwent Dragons ‘A’ op Bridgend gespeel. Dit was die eerste ‘A’-spanwedstryd tussen Walliese streekspanne. Die Ospreys het die wedstryd met 22–10 verloor. Hulle het in April ook teen Worcester ‘A’ gespeel en met 24–23 verloor.

2008-2011 wysig

Na ’n teleurstellende 2007-’08-seisoen het Lyn Jones as afrigter bedank. Hy is deur Scott Johnson, voormalige hoofafrigter van die Walliese nasionale span en aanvalsafrigter toe Wallis in 2005 die Sesnasies-toernooi vir die eerste keer in 27 jaar gewen het, opgevolg. Op 21 April 2009 is ses van die Ospreys se spelers in die toerspan van die Britse en Ierse Leeus na Suid-Afrika ingesluit; Lee Byrne, Tommy Bowe, Shane Williams, Mike Phillips, Alun Wyn Jones en Adam Jones. Een noemenswaardige weglating was dié van Ryan Jones, kaptein van die Ospreys en Wallis. Voorts is aangekondig dat die voormalige All Black-kaptein, Jerry Collins wat aan die einde van 2008 uit internasionale rugby getree het, hom by die Ospreys sou aansluit.[18]

’n Nederlaag van 29–28 teen Biarritz op 10 April 2010 het die Ospreys van ’n eerste halfeindstryd in die Heinekenbeker ontneem.[19] Op 29 Mei 2010 het die Ospreys egter die Keltiese Ligabeker gewen deur Leinster met 17–12 in die eindstryd op die RDS Arena te klop.[20] In die volgende seisoen kon die Ospreys nie weer dieselfde hoogtes bereik nie. Hoewel hulle in die Heinekenbeker al hul tuiswedstryde gewen het, kon hulle geen wegwedstryde wen nie. Hulle het ook op Thomond Park teen Munster in die kwarteindstryd van die Keltiese Ligabeker vasgeval.[21]

2012– wysig

In 2012 is Steve Tandy, vroeër ’n speler vir die Ospreys, as nuwe hoofafrigter aangewys. Hy het Sean Holley vervang, wie se laaste wedstryd ’n wegnederlaag teen Biarritz was. Die nederlaag was die einde van nog ’n Heinekenbekertoernooi waarin die Ospreys geen wegwedstryde kon wen nie. Tandy se loopbaan as afrigter van die Ospreys het goed begin met ag seges in sy eerste tien wedstryde, insluitend die titel van Pro12-kampioene na ’n 31–30-oorwinning oor Leinster. Shane Williams het in sy laaste wedstryd vir die Ospreys ’n drie gedruk om die telling 29–30 te maak met Dan Biggar was suksesvol was met ’n moeilike doelskop.[22]

Seisoenbepalings wysig

Keltiese Beker wysig

Seisoen Rondte Wedstryd
2003-’04 1ste Leinster 35–21 Neath-Swansea Ospreys

Keltiese Liga/Pro12/Pro14 wysig

Seisoen Pos Gespeel Gewen Gelyk Verloor BP Punte Notas
2003-’04 5de 22 11 1 10 9 55
2004-’05 1ste 20 16 1 3 10 76
2005-’06 7de 20 11 0 9 3 55
2006-’07 1ste 20 14 0 6 8 64
2007-’08 7de 18 6 1 11 11 37
2008-’09 4de 18 11 0 7 8 52
2009-’10 2de 18 13 0 5 6 52 Wen in eindstryd teen Leinster
2010-’11 4de 22 12 1 9 13 63 Verloor in eindstryd teen Munster
2011-’12 2de 22 16 1 5 5 71 Wen in eindstryd teen Leinster
2012-’13 5de 22 14 1 7 4 62
2013-’14 5de 22 13 1 8 6 66
2014-’15 3de 22 16 1 5 8 74 Verloor in halfeindstryd teen Munster
2015-’16 8ste 22 11 1 10 9 55
2016-’17 4de 22 14 0 8 13 69 Verloor in halfeindstryd teen Munster
2017-’18 10de 21 9 0 12 8 44
2018-’19 6de 21 12 0 9 10 58

Heinekenbeker/Rugbykampioenebeker wysig

Seisoen Poel/Rondte Pos Gespeel Gewen Gelyk Verloor BP Punte Notas
2003-’04 Poel 2 4de 6 1 0 5 0 4
2004-’05 Poel 4 3de 6 3 0 3 2 14
2005-’06 Poel 4 3de 6 2 0 4 1 9
2006-’07 Poel 3 2de 6 4 1 1 2 20
2007-’08 Poel 2 2de 6 5 0 1 1 21 Verloor in kwarteindstryd teen Saracens
2008-’09 Poel 3 2de 6 4 0 2 4 20 Verloor in kwarteindstryd teen Munster
2009-’10 Poel 3 2de 6 4 1 1 2 20 Verloor in kwarteindstryd teen Biarritz
2010-’11 Poel 3 3de 6 3 0 3 2 14
2011-’12 Poel 5 3de 6 2 1 3 3 13
2012-’13 Poel 2 3de 6 2 1 3 2 12
2013-’14 Poel 1 4de 6 1 0 5 1 5
2014-’15 Poel 5 3de 6 1 0 5 0 4
2015-’16 Poel 2 3de 6 3 0 3 4 16

Europese Rugbyuitdaagbeker wysig

Seisoen Poel/Rondte Pos Gespeel Gewen Gelyk Verloor BP Punte Notas
2016-’17 Poel 2 1ste 6 6 0 0 6 30 Verloor in kwarteindstryd teen Stade Français

Huidige span wysig

Ospreys se span vir die 2017-’18-seisoen:[23]

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Eksterne skakel wysig

Verwysings wysig

  1. ↑ (en) "Rugby plaas Ospreylia op die kaart - Rugby Columnists - Rugby". WalesOnline. 26 Oktober 2006.
  2. ↑ (en) "Ospreys 24-16 Australië". BBC News. 1 November 2006.
  3. ↑ "Ospreys gereed om te vlieg" (in Engels). BBC News. 24 Julie 2003. Geargiveer vanaf die oorspronklike op 8 September 2017. Besoek op 2 November 2012.
  4. ↑ "Die nag waarop die Ospreys gereed was om op te styg in rugby" (in Engels). London: Dailymail.co.uk. 3 April 2008. Geargiveer vanaf die oorspronklike op 8 September 2017. Besoek op 2 November 2012.
  5. ↑ (en) Administrator, Sotic (2 September 2003). "Nuus: Wie Is Die Ospreys?". Ulster Rugby. Besoek op 2 November 2012.
  6. ↑ "Ospreys vlieg met debuut" (in Engels). BBC News. 5 September 2003. Geargiveer vanaf die oorspronklike op 8 September 2017. Besoek op 2 November 2012.
  7. ↑ (en) http://www.ercrugby.com/eng/matchcentre/16651.php Geargiveer 7 April 2014 op Wayback Machine
  8. ↑ Sport (1 Februarie 2004). "Heinekenbeker Opsomming" (in Engels). London: Telegraph. Geargiveer vanaf die oorspronklike op 9 Oktober 2019. Besoek op 2 November 2012.
  9. ↑ (en) "Wedstrydsentrum: Ospreys Lag Laaste". RaboDirectPRO12. Geargiveer vanaf die oorspronklike op 14 Julie 2020. Besoek op 2 November 2012.
  10. ↑ "WRU valbyl land op Warriors" (in Engels). BBC News. 1 Junie 2004. Geargiveer vanaf die oorspronklike op 8 September 2017. Besoek op 2 November 2012.
  11. ↑ "Streke roep na oud-Warriors" (in Engels). BBC News. 7 Julie 2004. Geargiveer vanaf die oorspronklike op 11 Julie 2004. Besoek op 2 November 2012.
  12. ↑ "Ospreys vermy Breweryveld" (in Engels). BBC News. 3 Augustus 2004. Geargiveer vanaf die oorspronklike op 8 September 2017. Besoek op 2 November 2012.
  13. ↑ "Ospreys 29-12 Edinburgh" (in Engels). BBC News. 26 Maart 2005. Geargiveer vanaf die oorspronklike op 8 September 2017. Besoek op 2 November 2012.
  14. ↑ (en) "Wallabies speel teen Ospreys". Sky Sports. Besoek op 16 Augustus 2006.[dooie skakel]
  15. ↑ (en) Rugby maak Ospreylië bekend WalesOnline, 28 Oktober 2006
  16. ↑ (en) Ordnance Survey karteer spesiale uitgawe vir ‘Ospreylië’ WalesOnline, 27 Oktober 2006
  17. ↑ "Waarskynlik die beste streek ter wêreld". Peter Black AM (in Engels). Geargiveer vanaf die oorspronklike op 9 Oktober 2019. Besoek op 6 September 2007.
  18. ↑ Club (10 Mei 2009). "Jerry Collins gaan na Ospreys" (in Engels). London: Telegraph. Geargiveer vanaf die oorspronklike op 9 Oktober 2019. Besoek op 2 November 2012.
  19. ↑ "BBC Sport - Rugby - Biarritz 29-28 Ospreys" (in Engels). BBC News. 10 April 2010. Geargiveer vanaf die oorspronklike op 8 September 2017. Besoek op 2 November 2012.
  20. ↑ Petrie, Richard (29 Mei 2010). "Leinster 12–17 Ospreys". BBC Sport (in Engels). Geargiveer vanaf die oorspronklike op 9 Oktober 2019. Besoek op 31 Mei 2010.
  21. ↑ (en) "Wedstrydsentrum : Munster stel Limerick-aanslag teen Leinster op". RaboDirectPRO12. 14 Mei 2011. Geargiveer vanaf die oorspronklike op 14 Julie 2020. Besoek op 2 November 2012.
  22. ↑ (en) http://www.bbc.co.uk/sport/0/rugby-union/18169721
  23. ↑ "Squad Ospreys Rugby". Ospreys Rugby (in Engels). Geargiveer vanaf die oorspronklike op 19 Oktober 2019. Besoek op 6 Augustus 2017.
Ontsluit van "https://af.wikipedia.org/w/index.php?title=Ospreys&oldid=2465793"