Outremont

Outremont is 'n arrondissement (stadswyk) van die Kanadese metropool Montreal (Quebec) wat uit die gelyknamige voormalige stad bestaan. Dit is die tradisionele woonbuurt van Franssprekende welgesteldes (net soos Westmount 'n gunstelingkwartier van die Engelssprekende hoërklas is) en van 'n groot deel van die plaaslike Hasidiese Joodse gemeenskap. Outremont is die kleinste arrondissement van Montreal met 'n oppervlakte van 3,84 vierkante kilometer en 'n bevolking van 23 566 (in 2011).

Outremont
Stad
Rue Bernard in Outremont
Ligging van Outremont op die Montréal-eiland
Koördinate: 45°30′51″N 73°36′38″W
Land	Kanada
Provinsie	Quebec
Region	Montréal
Stigting	1833
Geïnkorporeer op	1 Januarie 2002
Regering
• Burgemeester	Marie Cinq-Mars
Oppervlak
• Land	3,86 km2 (1,49 vk. myl)
Bevolking
• Totaal	23 566
• Digtheid	6 105,2/km2 (15 812/vk. myl)
Tydsone	UTC-05:00 (EST)
• Somertyd	UTC-04:00 (EDT)
Skakelkodes	514/438
Webwerf	outremont.ville.montreal.qc.ca

Geografie

Outremont was oorspronklik 'n selfstandige stad wat eers in 2002 saam met ander stede by Montreal ingesluit is. Die buurt lê noord van Montreal se middestad en aan die noordelike kant van die Mont-Royal (die buurt se naam beteken in Frans letterlik "anderkant die berg"). Die bergspits vorm ook Outremont se noordwestelike grens, terwyl dit in die noordooste deur Villeray-Saint-Michel-Parc-Extension en Rosemont-La Petite Prairie, in die ooste deur Le Plateau-Mont-Royal en die Mile-End-distrik, in die suide deur Ville-Marie en in die weste deur Côte-des-Neiges-Notre-Dame-de-Grâce begrens word. Die Mont-Royal-begraafplaas lê in die suidooste van Outremont.

Eksterne skakels

Toerisme

---

• Tourisme Montréal: All about Outremont and Westmount