Perth Ovaal
Die Perth Ovaal (ook nib-stadion weens borgskapredes) is 'n sportstadion in Perth, Australië. Dit is sedert 1996 die tuisveld van die A-ligaklub (sokker) Perth Glory en is sedert 2003 die Wes-Australiese Rugbyleague se administratiewe fasiliteite. Tussen 1906 en 1910 was die stadion bekend as Lotonpark (hierdie naam verwys steeds na die aangrensende tennisbane asook 'n klein stuk oop grond langs die stadion).[2]
| Perth Ovaal | ||
| ||
Buiteaansig van die Perth Ovaal in 2009
| ||
| Bynaam | nib-stadion | |
|---|---|---|
| Ligging | Lordstraat, Perth, Wes-Australië | |
| Koördinate | 31°56′45″S 115°52′12″O / 31.94583°S 115.87000°O | |
| Eienaar | VenuesWest | |
| Operateur | VenuesWest | |
| Kapasiteit | 20 500 (rugby/sokker) 25 000 (musiekkonserte)[1] | |
| Oppervlak | Gras | |
| Konstruksie | ||
| Gebou | 1910 | |
| Renovasie | 2004 en 2012 | |
| Huurders | ||
| East Perth Royals (Australiese voetbal) (1910–2002) Perth Glory Voetbalklub (Sokker) (1996–huidig) WA Reds (Rugbyliga) (2008–huidig) Western Force (Superrugby) (2010–huidig) | ||
Huidige gebruik
wysig
In die stadion se huidige opset kan daar soveel as 18 156 mense sit en word dit tans gebruik vir sokker-, rugbyliga- en rugbywedstryde weens die reghoekige vorm van die speeloppervlak. Wanneer musiekkonserte aangebied word kan daar soveel as 25 000 mense gehuisves word. Die stadion is die tuisveld van die Perth Glory-sokkerklub en van die voormalige Australiese Rugbykampioenskapspan Perth Spirit. Die Western Force, die plaaslike Superrugby-span gaan die Perth Ovaal as tuisveld gebruik wanneer die Subiaco Ovaal uitgebrei word.[3] Die Subiaco Ovaal ervaar dalende toeskouergetalle weens die ovaalvormige speelveld (nie noodwendig geskik vir rugby en die toeskouers daarvan nie) en die Force het in 2010 na die Perth Ovaal verhuis.[4] Die stadion sal 'n mate van modernisering ondergaan waaronder die uitbreiding na 'n kapasiteit van 20 500 vir gebruik deur die Force.
Die stadion is ongewoon onder Australiese stadions omdat dit 'n staanterras aan die noordekant van die speelveld het. 'n Bedekte terras bekend as Die Skuur is die tuiste van die luidrugtige ondersteuners van Perth Glory.
Vanaf 2008 is die stadion ook die tuisveld van die WA Reds (Australiese voetbalspan) in die Jim Beambeker.
In die Nasionale Rugbyligaseisoen van 2009 het die South Sydney Rebbitohs hier teen Melbourne Storm en die St. George Illawarra Dragons teen die Sydney Roosters gespeel.[5]
Geskiedenis
wysigVroeë Geskiedenis
wysigDie grond waarop die stadion gebou is was bekend as Loton's Paddock (genoem na die vorige eienaar, William Loton, burgemeester van Perth).[6] Dit is herwin van 'n deel van Stone se Meer wat deel was van 'n meerstelsel genaamd Die Groot Meredistrik wat die Mongermeer en die Herdsmanmeer ingesluit het.[2]
Die grond is in 1904 aan die stad Perth verkoop met die doel om ontspanningsfasiliteite vir die inwoners van die gebied te voorsien.[2] Na die herontwikkeling in 2004 is 'n deel van die grond omskep in 'n openbare park en is die mede-naam van Lotonpark en Yoordgoorading gegee ter herinnering aan Loton en as verwysing na die oorspronklike bewoners van die grond.[6]
Vroeg in die 1930s is 'n groot wit ingangspoort aan die noordwestelike hoek van die gronde gebou. Dit is sedertdien as 'n erfenis gelys.[2]
Australiese voetbal
wysig
Die Oos-Perth Voetbalklub, 'n Australiese voetbalklub het in 1910 vanaf die Wellington Vierkant na die Perth Ovaal verskuif.[2] Hulle het in 1999 hul laaste wedstryd op die Ovaal gespeel voordat hulle in 2003 verhuis het.[7]
In 1956 is die F.D. Book-pawiljoen as deel van die Oos-Perth Voetbalklub se goue jubileum gebou. Dit is genoem na administrateur Fred Book, wie 'n belangrike rol gespeel het in die voortbestaan van die Perth Ovaal as 'n sportterrein tydens die Tweede Wêreldoorlog.[8]
Die stadion is vir 'n kort tydjie gebruik as die basis vir Oos-Perth se aartsteenstanders in die Wes-Australiese Voetballiga, die Wes-Perth Voetbalklub.[2] Ses eindrondes is op die Perth Ovaal gespeel met die eerste in 1912 en die laaste in 1935.[9]
Krieket
wysigDie Perth Ovaal was die tuisveld van Noord-Perth en Universiteit, twee semi-professionle krieketspanne in Perth. Noord-Perth het tussen 1910 en 1975 daar gespeel en Universiteit tussen 1913 en 1929.[8]
Sokker
wysig
Sokker was een van die eerste sportsoorte wat op Lotonpark gespeel is, met gereelde wedstryde wat van so vroeg as 1903 plaasgevind het toe meer as 2 000 toeskouers 'n Charitybekerwedstryd tussen Olympic VK en die Openbare Dienste bygewoon het.[8]
In 1905 is die grond aan die Wes-Australiese Voetbalvereniging gebied maar die prys was te hoog.[8]
Die Perth Ovaal moes in 1927 aanskou hoe die staatspan met 11–3 verloor het teen 'n span wat Tsjeggo-Slowakye verteenwoordig het.[8][10]
Voor die herontwikkeling in 2004 was die Perth Ovaal ovaalvormig en toe Perth Glory die Nasionale Sokkerliga betree het in 1996, is tydelike pawiljoene op die speeloppervlak geplaas sodat ondersteuners nader aan die aksie kon wees. Na vier jaar van tydelike pawiljoene het dit duidelik geword dat Perth Glory hul eie reghoekige veld nodig gehad het. Nadat Glory se voorgestelde herontwikkeling van die Leederville Ovaal afgeskiet is, het die Stad Vincent die stadion in 'n reghoekige stadion omskep.
Rekords
wysigDie grootste toeskouergetal vir die stadion was 26 760 vir die plaaslike derbywedstryd tussen die Australiese Voetbalspanne van Oos-Perth en Wes-Perth op 31 Mei 1969. Die grootste getal mense wat 'n sokker wedstryd gaan kyk het was 18 067 in die 1998–99 seisoen toe Suid-Melbourne VK teen Perth Glory. Die grootste getal mense wat 'n sportwedstryd bygewoon het sedert die stadion herontwikkel is, was 19 279 vir 'n Super 14-wedstryd tussen die Western Force en die Crusaders op 24 April 2010.
As 'n plek vir konserte
wysig
Die Perth Ovaal het reeds verskeie konserte aangebied waaronder die volgende:
| Konserte | ||
|---|---|---|
| Jaar | Datum | Kunstenaar/s |
| 2005 | 15 Februarie | Tom Jones & John Farnham |
| 19 Februarie | Moonlight Music and Wine Festival | |
| 29 Oktober | Luciano Pavarotti | |
| 2007 | 9 Februarie | Roger Waters |
| 11 Februarie | Eric Clapton | |
| 2008 | 1 Februarie | The Police |
| 2 Februarie | ||
| 5 Maart | Rod Stewart | |
| 29 Maart | Jack Johnson | |
| 8 April | Céline Dion | |
| 10 Mei | Elton John | |
| 31 Oktober | Def Leppard | |
| 1 November | Eros Ramazzotti | |
| 23 November | Billy Joel | |
| 2009 | 4 April | The Who |
| 14 November | Pearl Jam | |
| 11 Desember | Fleetwood Mac | |
| 12 Desember | ||
| 2010 | 25 Januarie | Raggamuffin |
| 18 April | Supafest | |
| 24 November | Leonard Cohen | |
| 4 Desember | Jack Johnson | |
| 10 Desember | Eagles | |
| 2011 | 29 Maart | Neil Diamond |
| 6 April | Lionel Richie | |
| 15 Oktober | Def Leppard | |
| 22 Oktober | Meat Loaf | |
| 19 November | Kings of Leon | |
| 28 November | Foo Fighters | |
| 2012 | 4 Februarie | Rod Stewart |
| 2013 | 11 Desember | Taylor Swift |
| 2015 | 8 Maart | Foo Fighters |
| 2 Desember | Ed Sheeran | |
Verwysings
wysig- ↑ (en) "Stadium Hire". ME Bank Stadium. Geargiveer vanaf die oorspronklike op 15 Oktober 2009. Besoek op 30 April 2009.
- ↑ 2,0 2,1 2,2 2,3 2,4 2,5 (en) "Register of Heritage Places" (PDF). Heritage Council of Western Australia. Geargiveer (PDF) vanaf die oorspronklike op 1 September 2007. Besoek op 28 April 2009. Verwysingfout: Invalid
<ref>tag; name "heritage1" defined multiple times with different content - ↑ (en) "Upgrade stadium now: Force, Glory". WA Business News. 24 April 2009. Besoek op 30 April 2009.[dooie skakel]
- ↑ Taylor, Nick (20 Oktober 2008). "Western Force refuse to re-sign Subiaco Oval contract" (in Engels). Perth Now. Geargiveer vanaf die oorspronklike op 19 Maart 2009. Besoek op 30 April 2009.
- ↑ (en) "South Sydney Rabbitohs to play Melbourne Storm in Perth in 2009". Geargiveer vanaf die oorspronklike op 8 Januarie 2009. Besoek op 16 Mei 2010.
- ↑ 6,0 6,1 "New public land surrounding Perth Oval to be co-named after original" (PDF) (in Engels). Town of Vincent. 9 April 2003. Geargiveer vanaf die oorspronklike (PDF) op 29 Maart 2011. Besoek op 28 April 2009.
- ↑ "History" (in Engels). Oos-Perth Voetbalklub. Geargiveer vanaf die oorspronklike op 16 Mei 2020. Besoek op 28 April 2009.
- ↑ 8,0 8,1 8,2 8,3 8,4 (en) "Brief History of Perth Oval". Fight On East Perth. Besoek op 28 April 2009.[dooie skakel]
- ↑ "History" (in Engels). West Australian Football League. Geargiveer vanaf die oorspronklike op 21 Oktober 2008. Besoek op 30 April 2009.
- ↑ "why is there a kangaroo in the emblem of the central european club???" (in Engels). oleole.com. 15 Mei 2008. Geargiveer vanaf die oorspronklike op 15 Februarie 2012. Besoek op 28 April 2009.
Eksterne skakels
wysig| Wikimedia Commons bevat media in verband met Perth Oval. |
- (en) Amptelike webblad
- (en) Members Equity Bank se stadionblad
- (en) Perth Ovaal by austadiums.com.au