Pionier-opelugmuseum
| Pionier-opelugmuseum | |
| |
Die huis by die Pionier-opelugmuseum is in 1848 gebou
| |
| Vorige naam | African Window |
|---|---|
| Plek | Pretoria; koördinate: 25°44′07″S 28°18′38″O / 25.73521°S 28.31059°O |
| Land |  Suid-Afrika
|
| Openingsjaar | 1975 |
| Tipe museum | Kultuurhistories |
| Webtuiste | Pionier-opelugmuseum |
Die Pionier-opelugmuseum is 'n kulturele museum by Silverton ('n oostelike voorstad van Pretoria) wat die lewenstyl van die vroeë pioniers of Voortrekkers van die vroeë 19de eeu weerspieël. Dit word gehuisves in die oudste gebou in Pretoria, die opstal wat in 1848 gebou is, en word deur Ditsong Museums van Suid-Afrika bestuur.[1]
Museum
wysigDie museum poog om besoekers die vroeë 19de eeu te laat herleef, met gidse geklee in klere van daardie tydperk. Aktiwiteite sluit in die maak van tradisionele brood en botter, asook demonstrasies van die voorlaaier ('n soort geweer). Die belangrikste besienswaardigheid is die plaasopstal wat in 1848 gebou is, en die geskiedenis van die mense wat op die oorspronklike plaas met die naam Hartebeestpoort gewoon het. Daar is 'n tradisionele kruietuin en 'n groentetuin waar 'n mens meer kan leer oor boererate, 'n boord, 'n wingerd en 'n gemeubileerde waenhuis uit daardie tydperk.
Die Opstal
wysigDie opstal, gebou in 1848, is die hoofgebou van die kompleks en is deur vroeë Voortrekkerpioniers gebou deur tradisionele boumetodes. Dit is die oudste mensgemaakte struktuur wat nog staan in Pretoria. Die huis is gebou van klei en plaaslike materiaal, met 'n grasdak en grondvloere, en is gemeubileer volgens die tradisionele 19de eeuse plattelandse styl.
Geskiedenis
wysigDawid Botha, 'n boer uit die Kaapkolonie, en sy familie, was die eerste mense om hulself te vestig op die plaas Hartebeespoort in 1846. Twee jaar later, in 1848, het hy die bestaande opstal gebou. Die Bothafamilie het vir 5 jaar op die plaas gewoon, todat hulle die plaas in 1851 aan 'n ene Vermeulen verkoop het. In 1874 is die plaas aan die Duitse immigrant Hans Mundt verkoop. Mundt het dit gebruik vir 'n halfwegstasie vir reisigers, aangesien die plaas geleë was op die hoofvervoerroete na Pelgrimsrus, toe die goudstormloop daarheen begin het. In 1900 is silwer op die plaas ontdek, en 'n gedeelte van die plaas is opgekoop deur die Silver Mining Company. In 1961 is die eiendom aan die Munisipaliteit van Silverton geskenk en in 1975 is dit as 'n museum vir die publiek geopen.[2]
Gereelde byeenkomste
wysig- 'n Nuwejaarsfees word elke jaar op 1 Januarie aangebied.[3]
- 'n Boeremark word elke Saterdag gehou.[4]
Verwysings
wysig- ↑ "Ditsong: Pioneer Museum" (in Engels). Ditsong Museums. Geargiveer vanaf die oorspronklike op 12 Maart 2017. Besoek op 3 Maart 2017.
- ↑ "Dinokeng: Pioneer Museum" (in Engels). www.gauteng.net. Geargiveer vanaf die oorspronklike op 9 Oktober 2019. Besoek op 3 Maart 2017.
- ↑ "Nuwejaarsfees: Ditsong Pionier Museum". showme.co.za. Geargiveer vanaf die oorspronklike op 9 Oktober 2019. Besoek op 3 Maart 2017.
- ↑ "Boeremark Pretoria". pretoriaboeremark.co.za. Geargiveer vanaf die oorspronklike op 5 Februarie 2017. Besoek op 3 Maart 2017.
Eksterne skakels
wysig- (en) Die Pionier-opelugmuseum se amptelike webwerf Geargiveer 12 Maart 2017 op Wayback Machine