Eon Era Periode Ouderdom  Ma.
Proterosoïkum Paleoproterosoïkum later
Argeïkum Neoargeïkum Siderium[1][2] 2630 -2420
Metanium 2780 – 2630
Mesoargeïkum Pongolium 3020 – 2780
Vaalbarium 3490 -3020
Paleoargeïkum 3810 – 3490
Eoargeïkum 4000 – 3810 ?
Hadeïkum Neohadeïkum Prometium vroeër

Die Pongolium is 'n deur Gradstein hulle voorgestelde periode van die Mesoargeïese Era. Die Pongolium is die einde van die Mesoargeïkum.

Ystydperke?Wysig

Die klimaat van die Argeïkum is steeds 'n omstrede saak. Die Pongolium is die eerste periode waarin dalk glasiasie plaasgevind het, maar dit is ook omstrede. Die periode is vernoem na die Suid-Afrikaanse dorp Pongola. Daar is gegewens uit die Pongola- en Witwatersrandbekkens van Suid-Afrika en die Brooklands-formasie van die Belingwe groensteengordel van Zimbabwe wat geïnterpreteer kan word as aanwysings van 'n ystydperk omtrent 2,9 Ga gelede, maar ander interpretasies is ook moontlik. Daar is kerogene van 2,7 Ga wat 'n baie lae δ13C-waarde besit. Dit wys dalk dat metanogene en metantotrofe organismes reeds 'n belangrike kweekhuisgas, metaan, vrygestel het terwyl die atmosfeer reeds baie koolstofdioksied bevat het. Die son het nogtans minder sterk geskyn. Metaan word vandag in die atmosfeer vinnig geoksideer, maar in die Argeïese atmosfeer was sy halfleeftyd omtrent 1000 keer langer. Daar is ook veranderings in die isotoopverhoudings van swawel. Voor hierdie tydperk vertoon hulle sogenaamde massa-onahanklike fraksionering, maar in hierdie tyd hou dit op. Die presiese betekenis hiervan is nie heeltemal duidelik nie.[3]

VerwysingsWysig

  1. The Geologic Time Scale 2012, Deel 2 F M Gradstein, J G Ogg, Mark Schmitz, Gabi Ogg Elsevier, 2012 ISBN 0-444-59425-6, ISBN 978-0-444-59425-9
  2. Hierdie indeling volg F M Gradstein, J G Ogg, Mark Schmitz, Gabi Ogg s'n. Hierdie indeling kom nie heeltemal met Golblatt s'n vir die Hadeïkum ooreen nie: die grens tussen die twee eone is nie dieselfde nie
  3. Palaeoclimates: the first two billion years James F Kasting, Shuhei Ono Philos Trans R Soc Lond B Biol Sci. 2006 Jun 29; 361(1470): 917–929.