Porsche Carrera GT

Die Porsche Carrera GT is 'n middelslagsportmotor [4] wat van 2004 tot 2007 deur die Duitse motorvervaardiger Porsche vervaardig is.[5] Sports Car International het die Carrera GT as nommer een op sy lys van topsportmotors vir die 2000's aangewys, en agtste op die topsportmotors van alle tye. Vir sy gevorderde tegnologie en die ontwikkeling van sy onderstel, bekroon die tydskrif Popular Science dit in 2003 met die toekenning "Beste van wat nuut is". [6]

Porsche Carrera GT
Porsche Carrera GT - Goodwood Breakfast Club (July 2008).jpg
Oorsig
Vervaardiger Porsche AG
Produksie 2003–2007
(1 270 vervaardig)
Montering Vlag van Duitsland Duitsland: Leipzig
Ontwerper Harm Lagaay
Bakwerk en onderstel
Klas Sportmotor (S-segment)
Bakstyl 2-deur roadster
Uitleg Agtermidenjin, agterwielaandrywing[1]
Spesifikasies
Enjin(s) 5.7 L (5,733 cc) 980/01 DBNA V10[1][2]
Wringkrag 590 Nm
Ratkas slegs 6-gang handrat[2]
Lengte 4613 mm
Breedte 1921 mm
Hoogte 1166 mm
Massa 1380 kg[3]
Asafstand 2730 mm
Plek in geskiedenis
Opvolger Porsche 918 Spyder

GeskiedenisWysig

Die ontwikkeling van die Carrera GT kan teruggevoer word na die 911 GT1- en LMP1-98-renmotors. Weens die FIA- en ACO-reëlveranderinge in 1998, is albei se ontwikkeling gestaak. Porsche het destyds 'n nuwe Le Mans-prototipe vir die 1999-seisoen beplan.

Die motor was aanvanklik bedoel om 'n turboaangejaagde platsessilinderenjin te gebruik, maar is later herontwerp om 'n nuwe V10-enjin te gebruik, wat die projek tot 2000 sou uitstel. Die V10 was 'n eenheid wat in 1992 in die geheim deur Porsche vir die Formule Eenspan van Footwork gebou is, maar later op die langebaan geskuif is. Die enjin is weer afgestof vir die Le Mans-prototipe.

Die projek is na twee dae se toetsing van die eerste motor, middel 1999, gekanselleer, meestal as gevolg van Porsche se wens om die Cayenne-sportnutsvoertuig met betrokkenheid van Volkswagen en Audi te bou, wat vereis het dat ingenieurskundigheid uit die motorsportafdeling getrek moes word.

OntwerpWysig

Die Carrera GT word aangedryf deur 5.7 L (5,733 cc) V10-enjin wat 450 kW (603 hp) lewer, [7] terwyl die oorspronklike konsepmotor 'n 5,5 liter-weergawe gehad het wat 416 kW gelewer het. [5] 'n Padtoets in Junie 2004 deur Car and Driver het getoon dat die motor kan versnel van 0-60 mph (97 km/h) in 3.5 sekondes, 0-100 mpu (161 km/h) in 6.8 sekondes en 0-130 mpu binne 10,8 sekondes. Die amptelike topspoed was 330 km/h (205 mph).

Die Carrera GT het groot syinlate en lugdamme wat die groot V10-enjin help afkoel, omsoom deur die koolstofvesel-enjinkap. Die motor is toegerus met Porsche se nuutste Keramiek saamgestelde remstelsel van koolstofveselversterkte silikonkarbied. SGL Carbon-skyfremme is aan die voorste 19 duim en agterste 20 duim 5-speek-allooiwiele aangebring. Soortgelyk aan ander Porsche-modelle, soos die 911, het die GT 'n elektronies-bediende agtervlerk wat teen 'n snelheid van meer as 113 km/h ontplooi word.

 
5,7 L V10-enjin
 
Koolstofvesel skulpromp en onderstel
  • Enjin [8]
    • Uitleg: langsgeplaasde, middelagter-enjin, agterwielaandrywing-uitleg
    • Motortipe: 68° V10, aluminiumblok en silinderkoppe
    • Kode: 980/01
    • Klepstelsel: DBNA (kettinggedrewe), 4 kleppe per silinder (40 kleppe in totaal), veranderbare kleptydreëling op inlaatnokkasse, natriumgekoelde uitlaatkleppe
    • Boring × beroerte: 98 by 76 millimetres (3.86 in × 2.99 in), Nikasil- bedekte borings, gesmee titanium-verbindingsstawe, gesmee suiers
    • Verplasing: 5,733 cubic centimetres (5.7 L; 349.8 cu in)
    • Kompressieverhouding: 12,0:1
    • Nominale krag: 450 kilowatts (612 PS; 603 hp) @ 8.000 rpm [9]
    • Maks. wringkrag: 590 newton metres (435 lb⋅ft) @ 5
    • Spesifieke krag: 78.493 kilowatts per litre (105 hp/L)
    • Massa/kragverhouding: 3.23 kilograms per kilowatt (5.31 lb/hp)
    • Rooilyn: 8 400 rpm
  • Oordrag
    • Koppeling: tweeplaatkeramiek-droëkoppelaar
    • Type versnellingsbak: 6-gang handratkas
  • Bakwerk
    • Tenkkapasiteit: 92 liter
    • Vragvolume: 76 L
    • Maks. loonvrag: 180 kg
    • Grondvryhoogte: 86mm
    • Afmetings:
      • Lengte: 4613 mm
      • Breedte: 1921 mm
      • Hoogte: 1166 mm
    • Massa: 1380 kg[10]
    • Spoorbreedte: 1612–1587 mm
    • Asafstand: 2730 mm
    • Sleurkoëffisiënt: 0,39 [11]
  • Brandstofverbruik vir 2004-model
    • EPA
      • EPA-stad, snelweg: 26 L/100 km / 16 L/100 km [12]
      • Reikafstand: 388 km
      • Tenkkapasiteit: 92 L
    • NEFZ:
      • Verbruik: 28,3 / 11,7 / 17,8 L / 100 km
      • Koolstofdioksied-emissie: 429 g/km
      • Emissievlak: EURO 4
      • Geskatte reikafstand: 516 km
    • Outomotoriese en sporttoets:
      • Maks: 22,5 L / 100 km
      • Gem.: 19,7 L / 100 km
 
Die Porsche Carrera GT se koolstofkeramiek (silikonkarbied) skyfrem

Merkbare tegnologie sluit in 'n suiwer koolstofvesel skulpraam en onderstel vervaardig deur ATR Composites Group van Italië, droë-oliebak smering en binneboordvering. Teen snelhede bo 113 km/h (70 mpu), skuif die elektronies-bediende agtervleuel op in die lugstroom om die lig te verminder. Die verkoeler van die Carrera GT is ongeveer vyf keer so groot soos dié van 'n 911 Turbo van sy tyd. Die motor se voor- en agterveringstelsel bestaan uit drukstang-aangedrewe skokbrekers en dempers met teenrolstawe.

VerwysingsWysig

  1. 1,0 1,1 "RSsportscars: Porsche Carrera GT". RSsportscars. Besoek op 17 February 2015.
  2. 2,0 2,1 "Serious Wheels: Porsche Carrera GT". Serious Wheels. Besoek op 4 Mei 2007.
  3. "Porsche Carrera GT Specifications" (PDF). Geargiveer vanaf die oorspronklike (PDF) op 19 Februarie 2018. Besoek op 11 Desember 2017.
  4. Larry Webster (June 2004). "Porsche Carrera GT - Road Test Page 2: Handling Precision". Photography by Markus Leser. Caranddriver.com. Besoek op 30 April 2017.
  5. 5,0 5,1 "Porsche Carrera GT - Auto Shows". Car and Driver. Geargiveer vanaf die oorspronklike op 7 Mei 2008. Besoek op 22 Maart 2016.
  6. Mike Hanlon (11 May 2006). "Production ends on Porsche Carrera GT: the most successful supercar in history". Newatlas.com. Besoek op 30 April 2017.
  7. "Porsche Carrera GT - Road Test". Car and Driver. Besoek op 27 January 2016.
  8. "A Twist of Le Mans: Ferrari Enzo, the Porsche Carrera GT, and the Ford GT". motortrend.com. Besoek op 3 October 2010.
  9. https://newsroom.porsche.com/en/2020/history/porsche-klassik-20-years-carrera-gt-22823.html
  10. https://newsroom.porsche.com/en/2020/history/porsche-klassik-20-years-carrera-gt-22823.html
  11. "Porsche Carrera GT Specs". carsdirect.com. Besoek op 3 October 2010.
  12. "2004 Porsche Carrera GT". fueleconomy.gov. Geargiveer vanaf die oorspronklike op 14 Junie 2011. Besoek op 3 Oktober 2010.