Pous Konstantyn

Konstantyn was die 88ste pous van die Rooms-Katolieke Kerk.

Pous Konstantyn
Pontifikaat begin	25 Maart 708
Pontifikaat eindig	9 April 715
Voorganger	Sisinnius
Opvolger	Gregorius II
Gebore	Tyr, Sirië
Sterf	9 April 715 Rome, Italië

Biografie

Pous Konstantyn is gebore in Tyrus, Sirië. Op 25 Maart 708 volg hy Pous Sisinnius op en regeer tot sy dood op 9 April 715. Hy word opgevolg deur Pous Gregorius II. Die pous word ook Konstantyn I genoem om hom te onderskei van die Teenpous Konstantyn II. Die naam ‘Konstantyn’ beteken 'standvastig'.

Pontifikaat

Pous Konstantyn was die derde en laaste pous wat na Konstantinopel gereis het. Die reis is begin op 5 Oktober 710. Hy het ooreenstemming bereik oor die besluite van die Trullaanse sinode van 692. Na die moord op keiser Justinianus II weier die pous om die keiser se opvolger, Phillippicus Bardanes, wat die monotelitisme aangehang het, te erken en die breuk met die Ooste is nou finaal. Eers in 1964 sal 'n pous (Pous Paulus VI) weer Konstantinopel besoek.

Konstantyn kom in konflik met Felix die aartsbiskop van Ravenna wat nie aan die pous ondergeskik wil wees nie en met die aartsbiskop Benediktus van Milaan, wat self die biskoppe van Padua wil aanstel.

Konstantyn ontvang twee Anglo-Saksiese konings, Coenred van Mercia en Offa van die Oos-Sakse. Sint Egwin, biskop van Worcester het hulle vergesel.

Konstantyn het drie kardinale aangestel, waaronder sy opvolger Pous Gregorius II.

Bibliografie

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
• Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0-300-09165-6
• Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 47. ISBN 0-500-01798-0.
• Levillain, P.,1994. Dictionnaire Historique de la Papauté.
• Barth, R & Bedürftig, F., 2000 Taschenlexikon Päpste.

Eksterne skakels

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

Nota

Saamgestel en vertaal uit die Nederlandse, Engelse, Duitse en Franse wikipedia.

Opvolging

Voorafgegaan deur Sisinnius

Pous (Pontifex Maximus) 708 – 715

Opgevolg deur Gregorius II