Río Paraguay
Die Río Paraguay (Guaraní: Ysyry Paraguái, Portugees: Rio Paraguai), is 'n groot suid-vloeiende rivier in Suid-Amerika. Die rivier, met 'n lengte van 2 621 km, is die grootste sytak van die Río Paraná. Die naam van die rivier beteken "water wat na die oseaan vloei" en is afgelei van die Guarianiaanse woord pará (oseaan), gua (na) en y (water). Die Río Paraguay is die langste en grootste rivier van Paraguay, die belangrikste hawestad is Asunción.
| Río Paraguay – Rio Paraguai | |
|---|---|
| Die Río Paraguay naby Asunción, Paraguay. | |
 Die stroomgebied van die Río Paraguay. | |
| Oorsprong | Serra dos Parecis, Mato Grosso (Brasilië) |
| Monding | Río Paraná naby Corrientes en Resistencia, Argentinië |
| Stroomgebied | Brasilië, Bolivië, Paraguay en Argentinië |
| Lengte | 2 621 km (1 629 myl)[1] |
| Mondinghoogte | 50 m (164 voet) |
| Gemiddelde afloop | 2 700 m³/s (95 000 ft³/s)[1] |
| Stroomgebiedopp. | 365 592 km² (141 156 myl²)[1] |
 Kaart van die Río de la Plata-bekken in Suid-Amerika.
| |
Die Río Paraguay ontspring in die Parecis-plato in die deelstaat Mato Grosso, sowat 115 km noord van Cuiabá. Aansluitend vloei die rivier in suidelike rigting, net oos van die grens tot Bolivië. Dit vorm aansluitend die grens tussen Brasilië en Paraguay. Later vloei die rivier vir 400 km van noord tot suid deur Paraguay. In die hoofstad Asunción mond die Río Pilcomayo in die Río Paraguay uit. Aansluitend vorm die rivier die grens tussen Paraguay en Argentinië. Net noord van Corrientes en Resistencia mond die rivier in die Río Paraná uit. Hier is die laagste punt van die land Paraguay geleë.
Verwysings wysig
Wikimedia Commons het meer media in die kategorie Río Paraguay.
- ↑ 1,0 1,1 1,2 (en) Varis, Olli; Tortajada, Cecilia; Biswas, Asit K. (2008). Management of Transboundary Rivers and Lakes. Springer. p. 271. ISBN 978-3-540-74926-4.
