Cuiabá

Cuiabá (Portugees: [kujaˈba]) is 'n stad in Brasilië en is die hoofstad van die deelstaat Mato Grosso. Die stad lê op die geografiese middelpunt van die Suid-Amerikaanse kontinent en is bekend as die "suidelike toegang na die Amasone". Dit het 'n bevolking van ongeveer 535 000 en 'n oppervlak van 3 538 km². Dit is een van die warmste stede in die land en die temperatuur is reëlmatig bokant 40°C, selfs in die winter. Die gemiddelde jaarlikse reënval is 1335 mm.

Cuiabá
Kaart	Wapen



	Vlag


Land	Brasilië
Deelstaat	Mato Grosso
Koördinate	15°36′S 56°06′W / 15.600°S 56.100°W / -15.600; -56.100
Gestig op	8 April 1719
Oppervlakte:
- Totaal	3 291 vk km
Hoogte bo seevlak	165 m
Bevolking:
- Totaal (2020)	618 124
- Bevolkingsdigtheid	190/vk km
Tydsone	UTC -4 (BRT)
Burgemeester	Emanuel Pinheiro (PMDB)
Amptelike Webwerf	cuiaba.mt.gov.br

Die stad is in 1719 gedurende die goudstormloop gestig.^[1] In 1818 is dit as die hoofstad van Mato Grosso verklaar. Dit dien ook as handelsentrum vir die omliggende beesboere en landbougebied. Ekonomiese ontwikkeling word deur die stad se isolasie en 'n tekort aan arbeid belemmer. Rivierbote bly steeds 'n belangrike metode van kommunikasie in die stad.

Die Federale Universiteit van Mato Grosso en die deelstaat se grootste sokkerstadion, Arena Pantanal is hier geleë.^[2] Cuiabá se Arena Pantanal is tydens die FIFA Sokker-Wêreldbekertoernooi in 2014 vir wedstryde ingespan.