Reisigerspalm
Die reisigerspalm (Ravenala madagascariensis) is die enigste spesie van die genus Ravenala en endemies aan Madagaskar. Dit is nie ’n ware palm (familie Arecaceae) nie, maar lid van die blomplantfamilie Strelitziaceae. Die genus is naby verwant aan die Suider-Afrikaanse genus Strelitzia en die Suid-Amerikaanse genus Phenakospermum. Volgens sommige klassifikasies val hierdie genera in die piesangfamilie (Musaceae).
| Reisigerspalm | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | Ravenala
|
| Spesie: | R. madagascariensis
|
| Binomiale naam | |
| Ravenala madagascariensis | |
| Sinonieme | |
| |
Hoewel dit gewoonlik as ’n enkele spesie beskou word, is vier verskillende vorms al onderskei.[1][2]
Naam
wysig
Die plant het die naam "reisigerspalm" gekry omdat die skedes van die stam reënwater hou wat veronderstel is om nuttig te pas te kom vir dors reisigers.[3] Die water in die plant is egter swart en ruik sleg en behoort nie gedrink te word nie. Nog ’n moontlike rede vir die naam is dat die waaier geneig is om op ’n oos-wes-lyn te groei, en dit kan ’n ruwe kompas uitmaak.[4]
Die wetenskaplike naam Ravenala kom van die Malgassiese woord ravinala, wat "woudblare" beteken.[5]
Beskrywing
wysigDie enorme roeispaanvormige blare word gedra aan lang blaarstele in ’n kenmerkende waaiervorm en lê op ’n enkele vlak. Die groot, wit blomme lyk soos dié van verwante Strelitzia reginae en Strelitzia nicolai. Hulle word egter gewoonlik as minder mooi beskou en het ’n groen skutblaar.[6] Die blomme produseer helderblou sade wanneer hulle bestuif word; dit is moontlik die enigste blou sade in die natuur.[7]
In tropiese en subtropiese streke word die plant algemeen gegroei vanweë sy kenmerkende voorkoms. Namate die plant ouer word, verloor dit sy laagste en oudste blare en dan is ’n stewige grys stam sigbaar. Van die vier vorms, of subspesies, is die "Bemavo" van die heuwels van Oos-Madagaskar die grootste – hulle kan tot 30 m hoog word, met ’n stam van 60 cm dik. Die waaierdeel bestaan uit 20 tot 35 blare, wat elk tot 11 m lank kan wees.[8]
Voorkeure
wysigDie plant het ’n sonnige plek nodig (nie volle son nie tot hulle groter is). Dit reageer goed op kunsmis, veral met baie stikstof, in die groeiseisoen. Dit het beter groei en blare tot gevolg.
Die gemiddelde hoogte is 77 m en dit het ’n gemiddelde hoeveelheid water nodig.
Galery
wysig-
In ’n stedelike omgewing -
In ’n park van Phnom Penh -
’n Reisigerspalm en blom, Indië -
Detail van ’n blaar -
Sade -
Die stam
Verwysings
wysig- ↑ Patrick Blanc; Nelson Rabenandrianina; Annette Hladik; Claude Marcel Hladik (1999). "Les formes sympatriques et allopatriques du genre Ravenala dans les forêts et les milieux ouverts de l'est de Madagascar". Revue d'Ecologie, Terre et Vie. 54: 201–223.
{{cite journal}}: Onbekende parameter|last-author-amp=geïgnoreer (hulp) - ↑ P. Blanc; A. Hladik; N. Rabenandrianina; J.S. Robert; C.M. Hladik (2003). "Strelitziaceae: The variants of Ravenala in natural and anthropogenic habitats". In Goodman, S.M.; Benstead, J. (reds.). The Natural History of Madagascar (PDF). The University of Chicago Press, Chicago & Londen. pp. 472–476.
- ↑ McLendon, Chuck (16 Mei 2000). "Ravenala madagascariensis". Floridata.com. Geargiveer vanaf die oorspronklike op 18 Mei 2020. Besoek op 14 September 2009.
- ↑ "Botanical Journeys Plant Guides" (in Japannees). www.botanical-journeys-plant-guides.com. 2008–2010. Geargiveer vanaf die oorspronklike op 17 Februarie 2020. Besoek op 28 Februarie 2011.
- ↑ Sargent, Charles Sprague (1893). "Garden and Forest: A Journal of Horticulture, Landscape Art and Forestry". 6 (282). Garden and Forest Publishing Company.
{{cite journal}}: Cite journal requires|journal=(hulp) - ↑ M. Calley, R. W. Braithwaite and P. G. Ladd (1993). "Reproductive Biology of Ravenala madagascariensis Gmel. as an Alien Species". Biotropica. 25 (1): 61–72. doi:10.2307/2388979.
- ↑ http://www.kew.org/news/kew-blogs/millenium-seed-bank/blue-seeds-of-madagascar.htm[dooie skakel]
- ↑ "Archived copy". Geargiveer vanaf die oorspronklike op 4 Mei 2010. Besoek op 21 April 2010.
{{cite web}}: CS1 maint: archived copy as title (link) Klik dan op "Ravenala madagascariensis
Eksterne skakels
wysig
Wikimedia Commons het meer media in die kategorie Reisigerspalm.
Hierdie artikel is vertaal uit die Engelse Wikipedia- Floridata.com: Ravenala madagascariensis
- Madacamp.com/Ravinala
- University of Florida — Ravenala madagascariensis
