Roseacre
Roseacre is 'n voorstad van Johannesburg, Suid-Afrika. Dit is in Johannesburg se F-streek geleë, sowat 5 km suidoos van die stadsaal, oos van Regents Park en noordwes van Moffat View.
Roseacre | |
|---|---|
  Roseacre Roseacre se ligging in Gauteng | |
| Koördinate: 26°14′20″S 28°4′52″O / 26.23889°S 28.08111°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Oppervlak | |
| • Totaal | 0,60 km2 (0,23 vk. myl) |
| Bevolking (2011)[1] | |
| • Totaal | 1 709 |
| • Digtheid | 2 848/km2 (7 380/vk. myl) |
| Rasverdeling (2011) | |
| • Wit mense | 37.4% |
| • Indiërs/Asiërs | 6.9% |
| • Bruin mense | 14.0% |
| • Swart mense | 35.9% |
| • Ander | 5.7% |
| Taal (2011) | |
| • Engels | 50.6% |
| • Afrikaans | 17.0% |
| • Zoeloe | 8.7% |
| • Xhosa | 2.7% |
| • Ander | 21.0% |
| Poskode (strate) | 2197 |
Roseacre is een van die laaste voorstede van minstens 10 wat op die Transvaalse Volksraadslid J.H. Meyer, na wie Meyerton genoem is, se plaas Klipriviersberg aangelê is. Roseacre is op 14 Mei 1947 op 'n noordwestelike deel van die plaas geproklameer, en Linmeyer in die suidweste van die plaas sowat ses weke later op 25 Junie daardie jaar. In 1955 het ook nog Elladoone aan die beurt gekom en die jaar daarna Unigray. Roseacre is volgens oorlewering genoem na Roseacre in Noord-Lancashire, waarvandaan die eienaar van die dorpsgebied, William Harrison, gekom het.
Bron
wysig- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
Verwysings
wysig- ↑ 1,0 1,1 1,2 1,3 "Subplek Roseacre". Sensus 2011.
Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.