Sapotaceae

Sapotaceae is die melkhout- en stamvrugfamilie wat hoort tot die orde Ericales. Dit is 'n groot familie van tropiese en subtropiese plante en daar kom sewe genera in Suid-Afrika voor. Die meeste spesies is immergroen het melksap in die bas, takke, blare en vrugte - wat aanleiding gee tot die naam 'melkhout'. Die sap van dié familie is nie giftig nie anders as by die families Euphorbiaceae en Apocynaceae. Plante van die familie het enkelvoudige en leeragtige blare. Die blare kan teenoorstaande wees of afwisselend. Die meeste vrugte is heldelkleurig en eetbaar en sommige smaak aangenaam.

Sapotaceae
Pouteria sapota
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Ericales
Familie:	Sapotaceae
Tipegenus
Manilkara Adans.
Subfamilies
Chrysophylloideae Sapotoideae Sarcospermatoideae

Madhuca longifolia var. latifolia in Indië.

Spesies

Van die Suid-Afrikaanse spesies is:

• Bosmelkbessie (Manilkara discolor)
• Bosmelkhout (Vitellariopsis marginata)
• Bosrooimelkhout (Mimusops obovata)
• Bosstamvrug (Chrysophyllum viridifolium)
• Kusrooimelkhout (Mimusops caffra)
• Laeveldmelkbessie (Manilkara mochisia)
• Melkpeer (Inhambanella henriquesii)
• Moepel (Mimusops zeyheri)
• Silwerblaarmelkpruim (Englerophytum natalense)
• Stamvrug (Englerophytum magalismontanum)
• Witmelkhout (Sideroxylon inerme)
• Zulumelkbessie (Manilkara concolor)

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8