Maak hoofkeuseskerm oop

Sasolburg is 'n groot dorp in die Noord-Vrystaat en ook deel van die Vaaldriehoek (wat insluit: Vereeniging, Meyerton en Vanderbijlpark). Die dorp is slegs 5 km suid van die Vaalrivier. Omringende dorpe sluit ook in: Oranjeville, Deneysville, Heilbron, Parys en Vredefort.

Sasolburg
Ligging van Sasolburg op 'n kaart (Vrystaat)
Sasolburg
Sasolburg
 Sasolburg se ligging in Vrystaat
Koördinate: 26°48′51″S 27°49′43″O / 26.81417°S 27.82861°O / -26.81417; 27.82861Koördinate: 26°48′51″S 27°49′43″O / 26.81417°S 27.82861°O / -26.81417; 27.82861
Land Vlag van Suid-Afrika Suid-Afrika
Provinsie Vrystaat
Distrik Fezile Dabi
Munisipaliteit Metsimaholo
Stigting 1954
Oppervlak[1]
 - Dorp 58,56 km²  (22,6 vk m)
Hoogte 1 500 m (4 921 vt)
Bevolking (2011)[1]
 - Dorp 30 699
 - Digtheid 524/km² (1 357,2/myl2)
Rasverdeling (2011)[1]
 • Blank 66.1%
 • Indiër/Asiër 1.0%
 • Kleurling 1.6%
 • Swart 31.0%
 • Ander 0.3%
Taal (2011)[1]
 • Sotho 16.4%
 • Afrikaans 64.0%
 • Engels 9.0%
 • Zoeloe 2.8%
 • Ander 7.7%
Poskode (strate) 1947
Poskode (posbusse) 1947
Skakelkode(s) 016
Webwerf: http://www.sasolburg.net/

Inhoud

GeskiedenisWysig

Die dorp is in 1954 gestig om werknemers te huisves van SASOL 1 en ander chemiese nywerhede soos Natref, Karbochem, Safripol en Polifin. Die aanvanklike fokus van die aanleg was op die vervaardiging van vloeibare brandstof uit steenkool, wat maar een van die hoofprodukte was. Die stad is beplan met behulp van moderne stadsbeplanningsbeginsels. Meer as 72 000 bome is aangeplant.

DistrikWysig

Die distrik is in 1957 geproklameer en is 1 000 km2 groot. Gemengde boerdery word beoefen. Sasolburg val nou onder die Metsimaholo Plaaslike Munisipaliteit. Wat die dorp besonders maak is sy boomrykheid. Dit is die dorp met die meeste eikebome in die land - 26 verskillende spesies - en 'n groot verskeidenheid ander inheemse, sowel as uitheemse boomspesies.

Coalbrook-rampWysig

Op 21 Januarie 1960 het Suid-Afrika se grootse mynramp by die Coalbrook-steenkoolmyn plaasgevind toe die myn ineengestort en 435 myners lewend begrawe is. Die gebeure is deur Die Briels in hulle liedjie Ter nagedagtenis aan 435 mynwerkers beskryf.

Sien ookWysig

BronneWysig