Sauroposeidon ("aardbewinggod-akkedis", na die Griekse god Poseidon[1]) was ’n genus souropode-dinosourusse wat bekend is uit verskeie onvolledige fossiele wat in die Amerikaanse state Oklahoma, Wyoming en Texas gevind is. Dit kom uit rotse uit die Vroeë Kryt-periode, ’n tyd toe die diversiteit van souropodes in Noord-Amerika grootliks afgeneem het. Dit was die laaste bekende Noord-Amerikaanse souropode voor ’n afwesigheid van sowat 40 miljoen jaar van die groep op die kontinent – tot met die verskyning van Alamosaurus tydens die Maastricht-tydsnede.

Nekwerwels van ’n Sauroposeidon.

Sauroposeidon
Tydperk: Vroeë Kryt 112 m. jaar gelede
Die grootte in vergelyking met dié van ’n mens. Die geïsoleerde nekwerwels is in wit. Elke vierkant = 1 m.
Wetenskaplike klassifikasie
Koninkryk:
Klas:
Superorde:
Orde:
Suborde:
Superfamilie:
Familie:
Genus:
Sauroposeidon

(Wedel, Cifelli & Sanders, 2000)
Binomiale naam
Sauroposeidon proteles
(Wedel, Cifelli & Sanders, 2000)
Sinonieme

Paluxysaurus jonesi ( Rose, 2007)

Sauroposeidon
Kladistiese klassifikasie
Koninkryk: Animalia
Filum: Chordata
Klade: Dinosauria
Suborde: Sauropodomorpha
Klade: Titanosauriformes
Klade: Somphospondyli
Genus: Sauroposeidon
(Granger & Gregory, 1923)

Hoewel die holotipe aanvanklik in 1994 ontdek is, is dit vir versteende hout aangesien vanweë die onverwagte ouderdom en besondere grootte daarvan. ’n Vollediger ontleding in 1999 het die ware aard daarvan onthul en ’n klein media-opskudding veroorsaak. Die amptelike bekendmaking daarvan het in 2000 gevolg.[2]

Grootte en verwantskap wysig

Vergelykings met die vollediger Brachiosaurus het daarop gedui dat Sauroposeidon se kop tot 17 m hoog kon gewees het, wat dit die hoogste bekende dinosourus maak. Die lengte word op 34 m geraam en die massa op 50 tot 60 ton – dit is dus ook een van die langstes en swaarstes. Dié ramings kan dalk verkeerd wees, want dit is dalk nie so na verwant aan Brachiosaurus as wat voorheen geglo is nie.

Hoewel dit aanvanklik beskryf is as ’n brachiosouride wat na verwant is aan Brachiosaurus en Giraffatitan, het die ontdekking van nog oorblyfsels in Wyoming daarop gedui dat dit nader verwant was aan die titanosourus, in die groep Somphospondyli. Verdere ondersoeke het dié bevinding bevestig en daarop gedui ’n vollediger skelet wat voorheen Paluxysaurus jonesi genoem is, behoort ook aan Sauroposeidon.[3]

Naam wysig

Die genusnaam kom van sauros (Grieks vir "akkedis") en Poseidon, die seegod in die Griekse mitologie wat ook met aardbewings verbind word. Dit is ’n verwysing na die idee dat Sauroposeidon so swaar was dat die aarde geskud het wanneer hy loop.

Verwysings wysig

  1. Wedel, Mathew J.; Cifelli, Richard L. (Summer 2005). "Sauroposeidon: Oklahoma's Native Giant" (PDF). Oklahoma Geology Notes. 65 (2): 40–57. Geargiveer vanaf die oorspronklike op 20 September 2008. Besoek op 12 April 2014.{{cite journal}}: CS1 maint: bot: original URL status unknown (link)
  2. Wedel, Mathew J.; Cifelli, R.L.; Sanders, R.K. (2000). "Osteology, paleobiology, and relationships of the sauropod dinosaur Sauroposeidon" (PDF). Acta Palaeontologica Polonica. 45: 343–3888.
  3. D'Emic, M.D. and B.Z. Foreman, B.Z. (2012). "The beginning of the sauropod dinosaur hiatus in North America: insights from the Lower Cretaceous Cloverly Formation of Wyoming." Journal of Vertebrate Paleontology, 32(4): 883-902. doi:10.1080/02724634.2012.671204