Southwell

Southwell is 'n nedersetting gestig deur direkte afstammelinge van die Britse setlaars in die Oos-Kaap. Dit is geleë tussen die Kowierivier en die Kariegarivier, 23 km van Port Alfred en 35 km van Grahamstad.

Southwell
Dorp
Southwell  Southwell se ligging in Oos-Kaap
Koördinate: 33°32′09″S 26°41′19″O
Land	Suid-Afrika
Provinsie	Oos-Kaap
Distrik	Sarah Baartman
Munisipaliteit	Ndlambe

Reeds in 1849 is daar met 'n sendingstasie begin naby die plaas Lombard's Post. Toe was daar ook 'n Xhosaskool, maar dit is weens die Agtste Grensoorlog gesluit. In 1870 is die Anglikaanse kerkie van St. James gebou. Op 6 Desember 1871 is hierdie middelpunt van die gemeenskappie deur biskop Nathaniel James Merriman (die vader van John X. Merriman), biskop Robert Gray, eerw. Robert Washington Stumbles en eerw. Henry Waters ingewy. Die winkel en poskantoor het jare gelede reeds hul deure gesluit. Slegs die kerkie, skool en krieketveld met sy klubhuis het van Southwell oorgebly. John Lomax is op die dorpie gebore.

Southwell se Anglikaanse St. James Kerk

Bibliografie

• Logie, Bartle: Dusty road to long ago. Port Elizabeth: Bluecliff, 2008.
• www.albanyanglicans.org