Is daar dalk 'n Zoeloesprekende op die Raad van WikimediaZA? Of is daar dalk iemand wat weet van iemand wat weet?
Ek lees vanoggend in E.J. du Plessis se '' 'n Ondersoek na die oorsprong en betekenis van Suid-Afrikaanse berg- en riviername'' (1973). Slangapiesberg is 'n vervorming van die verkorting Hlangampisi (die ''Hl'' klink soos 'n sagte s in ons ore). Ook [https://upjournals.co.za/index.php/EUSA/article/download/5435/3270 Raper se artikel uit 1978] beaam dit. Ek het op Google Maps gaan kyk, en eers kwaMandlangampisi ingetik. 'n Mens sien duidelik 'n stat op die randjie van 'n kloof of afgrond. Toe tik ek "Slangapies Berg" in, en... die speld op die kaart verroer nie 'n aks nie. Dis nou op my foon. Toe ek pas op die rekenaar kyk, kry ek pleks van 'n speld, 'n vraagteken.
Nou volgens 'n [https://www.brandsouthafrica.com/people-culture/people/water-021112 webwerf] beteken die Zoeloenaam "plek van die hiëna", maar ek sou by 'n Zoeloespreker hiervan wil doodseker maak, hoewel dit waarskynlik lyk. "Wolf" het vroeër in Afrikaans sowel "erdwolf", "hiëna" as ons "wolf in die Noordelike Halfrond" beteken. "Impisi" beteken tans in Zoeloe sowel "hiëna" as "wolf in die Noordelike Halfrond", as ek dit reg het. [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 05:34, 17 April 2021 (UTC)
Nota: Dit verwys blykbaar eerder na 'n Swazi-koninklike! [https://books.google.co.za/books?id=KtNZnqZEuEIC&pg=PA181&lpg=PA181&dq=kwaMandlangampisi+hyena&source=bl&ots=YkKM5AKVe2&sig=ACfU3U1DiZwCxWhuZZX288921hWKMFoK_Q&hl=de&sa=X&ved=2ahUKEwjrqvGgwoTwAhWeQkEAHb14Do0Q6AEwA3oECAEQAw#v=onepage&q=kwaMandlangampisi%20hyena&f=false Dit is algemene praktyk om nie direk na 'n stamhoof te verwys nie]: Plek van die persoon wat so sterk soos die hiënas is.[[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 05:51, 17 April 2021 (UTC)
