Tempel van Baalsamin
Die Tempel van Baalsamin of Baal Sjamin was ’n antieke tempel in die antieke stad Palmyra, Sirië, wat gewy was aan die Kanaänitiese godheid Baalsamin. Die tempel se vroegste fases dateer van die laat 2de eeu v.C.[1] Dit is in 131 n.C. gebou, terwyl die altaar voor die gebou uit 115 n.C. dateer.[2] Met die kerstening van Palmyra in die 5de eeu is die tempel in ’n kerk omskep[3] en daarom was dit een van die bes bewaarde geboue op die terrein.[3] Switserse argeoloë het dit in 1954–'56 begin opgrawe. In 1980 is die hele antieke terrein tot ’n Unesco-wêrelderfenisgebied verklaar.
| Tempel van Baalsamin | ||
| ||
| Land |  Sirië
| |
| Streek | Siriese Woestyn | |
| Unesco-wêrelderfenisgebied | ||
| Tipe | Kultureel | |
| Kriteria | i, ii, iv | |
| Verwysing | 23 (1980, 4de sessie) | |
| Toestand | Verwoes | |
| Streek† | Arabiese State | |
| Beskrywing* | Terrein van Palmyra | |
| † Streek soos deur Unesco geklassifiseer. * Naam soos op die Wêrelderfenislys | ||
Die tempel is in Augustus 2015 verwoes deur die ekstremistiese militante groep Islamitiese Staat in Irak en die Levant (ISIL) nadat hulle die terrein in Mei 2015 beset het.
Argitektoniese styl
wysig.jpg)
Die tempel was aanvanklik ’n gebou met drie binnehowe in ’n mengsel van Oosterse en Romeinse argitektoniese style. Die boustyl was Romeins, terwyl bykomende elemente in die Oosters-Siriese styl was. Versierings het ook ’n Egiptiese invloed gehad.[3] Daar was ’n binnekamer en die mure was versier met suile.
Volgens ’n inskripsie in Grieks en Palmyreens is die tempel in 131 gebou.[4] Die inskripsie noem ook die besoek van keiser Hadrianus aan Palmyra omstreeks 129 n.C.[4]
Skade en verwoesting
wysig
Dele van die tempel is in 2013 vernietig deur bombarderings[6] tydens die Siriese Burgeroorlog. Die suidoostelike hoek is beskadig deur plunderaars wat twee openinge gemaak het om meubels daaruit te steel.[6]
In Julie 2015 het ISIL ’n groot hoeveelheid plofstof in die tempel geplaas en dit opgeblaas.[7] Daar is teenstrydige berigte oor of die verwoesting in Julie of op 23 Augustus 2015 plaasgevind het.[8]
Die verwoesting is deur die hoof van die Siriese direktoraat-generaal van oudhede en museums, Maamoun Abdulkarim, aangekondig[7] nadat ISIL volgens berigte gesê het hy wil nie wêrelderfenisgebied verwoes nie, maar gaan wel standbeelde beskadig wat hy as "politeïsties" beskou.[9] Unesco het die verwoesting van die tempel as ’n "oorlogsmisdaad" beskryf.[10][11]
Later in Augustus 2015 het ISIL ook Palmyra se Tempel van Bel minstens gedeeltelik verwoes.[12]
Verwysings
wysig- ↑ Trevor Bryce (2014). Ancient Syria: A Three Thousand Year History. p. 276.
- ↑ Stoneman, Richard (1994). Palmyra and Its Empire: Zenobia's Revolt Against Rome. University of Michigan Press. p. 65. ISBN 0-472-08315-5.
- ↑ 3,0 3,1 3,2 Diana Darke (2010). Syria. Bradt Travel Guides. p. 271. ISBN 1-84162-314-8.
- ↑ 4,0 4,1 Javier Teixidor (2015). The Pagan God: Popular Religion in the Greco-Roman Near East. Princeton University Press. p. 132. ISBN 1-4008-7139-5.
- ↑ "Islamic State photos 'show Palmyra temple destruction'" (in Engels). BBC. 25 Augustus 2015. Geargiveer vanaf die oorspronklike op 12 April 2019.
- ↑ 6,0 6,1 "Palmyra: Heritage Adrift" (PDF). American Schools of Oriental Research. Besoek op 24 Augustus 2015.
- ↑ 7,0 7,1 "Palmyra's Baalshamin temple 'blown up by IS'" (in Engels). BBC. 24 Augustus 2015. Geargiveer vanaf die oorspronklike op 10 Maart 2020. Besoek op 24 Augustus 2015.
- ↑ "IS Destruction of Ancient Syrian Temple Erases Rich History". The New York Times. 24 Augustus 2015. ISSN 0362-4331. Besoek op 25 Augustus 2015.
- ↑ "Syria: Isis releases footage of Palmyra ruins intact and 'will not destroy them'". The Guardian (in Engels). Geargiveer vanaf die oorspronklike op 17 Februarie 2020. Besoek op 29 Mei 2015.
- ↑ Unesco (24 Augustus 2015). "Director-General Irina Bokova firmly condemns the destruction of Palmyra's ancient temple of Baalshamin, Syria". Persberig. http://en.unesco.org/news/director-general-irina-bokova-firmly-condemns-destruction-palmyra-s-ancient-temple-baalshamin. Besoek op 25 Augustus 2015. "this destruction is a new war crime"
- ↑ Shaheen, Kareem (24 Augustus 2015). "Palmyra: destruction of ancient temple is a war crime, says Unesco chief". The Guardian (in Engels). Geargiveer vanaf die oorspronklike op 29 Oktober 2019. Besoek op 25 Augustus 2015.
- ↑ Westall, Sylvia (30 Augustus 2015). "Islamic State destroys part of Syria's Temple of Bel – monitors". Reuters UK. Geargiveer vanaf die oorspronklike op 31 Augustus 2015. Besoek op 31 Augustus 2015.
Eksterne skakels
wysig
Wikimedia Commons het meer media in die kategorie Tempel van Baalsamin.
Hierdie artikel is vertaal uit die Engelse Wikipedia
