USS Missouri (BB-63)
USS Missouri (BB-63) is 'n Iowa-klas slagskip en is die derde skip van die Amerikaanse Vloot wat na die deelstaat Missouri vernoem is. Missouri is die laaste slagskip wat deur die Verenigde State in diens gestel is en is veral bekend as die plek waar die Japan oorgegee het en sodoende die Tweede Wêreldoorlog tot 'n einde gebring het.
 Missouri in sy 1980 kleed. | |
| Naam | USS Missouri |
|---|---|
| Klas en tipe | Iowa-klas slagskip |
| Besteldatum | 12 Junie 1940 |
| Bouers | Brooklyn Navy Yard |
| Gebruik deur | Amerikaanse Vloot |
| Boudatum | 1941–1944 |
| Aantal beplan | 6 |
| Aantal neergelê | 6 |
| Datum neergelê | 6 Januarie 1941 |
| Tewaterlating | 29 Januarie 1944 |
| Aantal voltooi | 4 |
| In diens gestel | 11 Junie 1944 |
| Onttrek | 26 Februarie 1955 |
| In gebruik | 0 |
| Lot | Museumskip |
| Verplasing | 48 110 ton |
| Lengte | 270.4 m |
| Wydte | 33 m |
| Diepgang | 11 m |
| Spoed | 32,5 knope (39,21 km/h) |
| Bemanning | 1 921 |
Missouri is in 1940 bestel en in Junie 1944 in diens gestel. Die skip het in die Stille Oseaan, gedurende die Tweede Wêreldoorlog, aan die Slag van Iwo Jima en Slag van Okinawa deelgeneem en die eilande gebombardeer. Dit het later, van 1950 tot 1953, in die Koreaanse Oorlog geveg. Dit is in 1955 uit diens gestel en na die Amerikaanse Vloot se reserwevloot oorgeplaas, die sogenaamde motbalvloot. Die skip is later weer in diens gestel en gemoderniseer in 1984 as deel van die Vloot se 600-skipstrategie. Dit het vuurkrag verskaf gedurende Operasie Desert Storm in 1991.
Daar is elf Battle Stars aan die skip toegeken vir diens gelewer tydens die Tweede Wêreldoorlog, Koreaanse Oorlog en in die Persiese Golf. Dit is finaal uit diens gestel in 1992 na 'n dienstydperk van 17 jaar. Dit het op die Vlootvaartuigregister gebly tot in 1995, toe sy naam verwyder is. In 1998 is die skip aan die USS Missouri Memorial Association geskenk en het 'n museumskip geword by Pearl Harbor.
| Hierdie artikel is in sy geheel of gedeeltelik vanuit die Engelse Wikipedia vertaal. |
