Victor Ivanoff

Russies gebore Suid-Afrikaanse kunstenaar, spotprenttekenaar en sanger
Victor Ivanoff
mens
GeslagManlikWysig
Land van burgerskapRussiese Ryk, Suid-AfrikaWysig
Gegewe naamVictor, ViktorWysig
Familie naamIvanovWysig
Geboortedatum11 Januarie 1909Wysig
Sterfdatum1 Februarie 1997Wysig
TaalbeheersingRussiesWysig
BeroepspotprenttekenaarWysig
Kopieregstatuswerke word deur kopiereg beskermWysig

Victor Archipovich Ivanoff (11 Januarie 1909 Vilnius, Russiese Ryk - 1 Februarie 1997), die seun van 'n Russiese kossak-generaal, was 'n Suid-Afrikaanse kunstenaar, spotprenttekenaar en sanger.[1][2]

Lewensloop wysig

Victor het 'n Kossak militêre skool bygewoon en bewys dat hy vaardig was om te sing en te teken onder leiding van genl. Nikolai Karpoff. Die kosakke was lojale ondersteuners van die Tsaar, maar na die Oktober-rewolusie van 1917, waarin die Kommuniste aan bewind gekom het, het die Ivanoff-gesin in 1920 na Joego-Slawië gevlug waar Victor ingeskryf het om argitektuur aan die Universiteit van Zagreb te studeer. Hy het sy studies opgegee en hy het by die Don Kossakke-koor aangesluit by hul wêreldtoer wat in 1936 Suid-Afrika besoek het. Afrika het 'n indruk op Ivanoff gemaak en hy het gebly. Eerstens was hy 'n politieke spotprenttekenaar van Noticias, 'n Portugese koerant in Lourenço Marques, voordat hy werk as 'n spotprenttekenaar by die Afrikaanse koerant in Johannesburg, Die Vaderland, 'n posisie wat hy 37 jaar lank behou het. Joel Mervis vertel dat Ivanoff deur die Rand Daily Mail van Mosambiek gewerf is, maar as gevolg van sy swak Engels was hy verkeerdelik na Die Vaderland gestuur en is onmiddellik aangestel.[3]

Een van Ivanoff se vroeë kommissies was 'n reeks karikature van parlementslede onder leiding van Piet Grobler], minister van naturellesake en 'n lid van eerste minister Jan Christian Smuts se kabinet. Sy strokiesprente van Smuts het groot impak gehad, soveel so dat die Verenigde Party Ivanoff gedeeltelik verantwoordelik gehou het vir hul verkiesingsverlies in 1948.

Hy het hom tuis by die Russiese gemeenskap in Suid-Afrika bevind, sy kennis van 'n groot aantal Russiese volksliedere het sy gewildheid verhoog. Hy het gevoel dat Afrikaners en Russe baie in gemeen het, soos 'n liefde vir vryheid en wye oop ruimtes. In sy loopbaan het hy meer as 12 000 spotprente geskep, maar sy droom om as 'n ernstige kunstenaar beskou te word, en het het hom aangemeld vir kunslesse by Pierneef en 'n studiereis na Europa. Deur te werk in olieverf en sepia-tint het hy hoofsaaklik landskappe, mense en diere geskilder, en deelgeneem aan gesamentlike uitstallings en tien solo-uitstallings in Transvaal.

In 1945 het Victor Ivanoff 'n reeks strokiesprente "Kalie die Kuiken" en "Jors voer die Oorlog" vir die tydskrif Die Brandwag.[4] Sy sang was van 'n hoë standaard en het af en toe in plaaslike opera produksies deelgeneem. Hy was ook 'n stigterslid van die Suid-Afrikaanse Operageselskap. Sy weduwee, Eveline, het sy as in Rusland se Don-rivier gestrooi.

Verwysings wysig

  1. "Victor Archipovich Ivanoff | Art Auction Results". www.mutualart.com (in Engels). Besoek op 30 Oktober 2018.
  2. "argiefkopie" (PDF). Geargiveer vanaf die oorspronklike (PDF) op 21 Desember 2019. Besoek op 21 Januarie 2019.
  3. Penpricks - The Drawing of South Africa's Battlelines - Ken Vernon - The Spearhead Press, 2000 - ISBN 0 86486 4728
  4. "'n Singende Rus is die 'vader' van die BLOU BUL". My Blog About Everything (in Engels (VSA)). 21 Mei 2015. Geargiveer vanaf die oorspronklike op 7 April 2019. Besoek op 30 Oktober 2018.

Bibliografie wysig

  • Green, Eldred: J.M. Jackson. In: Lantern. Tydskrif virKennis, Kuns en Kultuur. Jaargang 31, nr. 3, Julie 1982