Vlag van Libië
Die nasionale vlag van Libië is op 27 Februarie 2011 terwyl die Libiese Burgeroorlog deur die Nasionale Oorgangsraad in gebruik geneem en was ook tussen 1951 en 1969 die amptelike vlag van die Koninkryk van Libië. Sedert die 21 September 2011 is die vlag van die Verenigde Nasies erken.[1] ’n Grondwet vir die amptelike gebruik is beplan.
 |
|
| Gebruik | Nasionale vlag en Burgerlike vaandel  Ster en sekel |
|---|---|
| Verhouding | 1:2 |
| Goedgekeur | 24 Desember 1951 27 Februarie 2011 |
| Ontwerp | Drie horisontale bane van rooi, swart en groen met ’n ster en ’n sekel in die middel van die vlag. |
 |
|
| Gebruik | Vlootvaandel  |
| Verhouding | 2:3 |
| Ontwerp | ’n Blou agtergrond met die Libiese vlag in die skildhoek (verhouding van 2:3) en ’n wit anker op die wapperkant. |
Simboliek
wysigDie drie horisontale bane weerspieël die drie voormalige provinsies van die Koninkryk Fezzan (die rooi bane), Sirenaïka (die swart bane met ’n ster en ’n sekel) en Tripolitanië (die groen bane).
Ontwerp
wysigDie verhouding van die horisontale bane is 1:2:1, die sekelmaan neem 1/4 van die hoogte van die vlag in beslag en is presies in die middel van die vlag met die ster wat na die maan wys.
Ander vlae
wysig-
Vlag van Tripoli, 1771 -
Vlag van Tripoli, 19de eeu -
Vlag van die Turkse Vilayet Tripolitanië, 1835 tot 1911 -
Vlag van Italiaans-Libië, 1911 tot 1943 -
Vlag van die emiraat Sirenaïka, 1949 tot 1951 -
Vlag van Koning Idris I., 1951 tot 1969 -
Vlootvaandel van die Federasie van Arabiese Republieke, 1972 tot 1977 -
Vlag van die beplande Arabiese Islamiese Republiek met Tunisië, 1973 -
Vlootvaandel van die Sosialistiese Volksregering van Libiese Arabië, 1977 tot 2011
.svg)
.svg)
.svg)
.svg)
.svg)
- 1918–1923
.svg)
Die kortstondige Tripolitaanse Republiek in die weste van Libië het sy eie vlag gehad (’n blou agtergrond met ’n groen palmboom in die middel met ’n ster daarbo).[2]
- 1951–1969
Die eerste nasionale vlag van moderne Libië is aanvaar toe Libië onafhanklikheid van Italië in 1951 verkry het. Dit het bestaan uit ’n wit ster en sekelmaan op ’n driekleurige rooi-swart-groen ontwerp met die middelste swart baan wat so wyd was soos die rooi en groen baan saam. Hierdie vlag word vandag nog deur monargiste asook die oorsese Libiese opposisie gebruik. Die ontwerp is gebaseer op die Sanussi-vlag wat uit ’n swart agtergrond met ’n ster en sekelmaan ontwerp bestaan het.
- 1969–1972
.svg)
Na die staatsgreep in 1969 is die amptelike naam van Libië verander na Al-Jumhuriya al-Arabiya al-Libiya (die Libiese Arabiese Republiek) en die vlag is vervang met ’n Pan-Arabiese rooi-wit-swart driekleur (soortgelyk aan die vlag van die Arabiese opstand).
- 1972–1977
.svg)
Toe Libië in 1972 by die Federasie van Arabiese Republieke (Ittihad al-Jumhuriyat al-Arabiya) aangesluit het is die vlag van die Federasie van Arabiese Republieke aanvaar (wat Libië vir ’n kort tydjie aan Egipte en Sirië gekoppel het). Dit het ’n goue vlak (die “Valk van Qoeraisj”), wat ’n perkamentrol met die Arabiese naam van die Federasie in sy pote vashou, in die middel gehad.[3]
- 1977–2011
.svg)
Op 8 Maart 1977 is Libië se amptelike naam verander na Al-Jamahiriya al-Arabiya al-Libiya ash-Sha’biya al-Ishtirakiya (die Sosialistiese Volksregering van Libiese Arabië), en op 11 November 1977 is die vlag verander na die slegs-groen ontwerp in reaksie op Anwar Sadat se besoek aan Israel.[4] Die vlag was ’n enkele groen baan en die enigste nasionale vlag ter wêreld wat uit slegs een kleur bestaan sonder enige ontwerp of simboliek op die vlag.[5] Groen weerspieël die Libiese mense se toewyding tot Islam en dit was ook die nasionale kleur van Libië.
Soortgelyke vlae
wysig-
-
-
-
-
Vlag van Hatay (1938–1939) -
-
-
-
Vlag van die Ottomaanse Ryk (1844–1923) -
-
-
-
.svg)
Verwysings
wysig- ↑ (en) euronews, 21 September 2011, Fresh flag marks a fresh start for Libya at UN HQ Geargiveer 28 Oktober 2011 op Wayback Machine
- ↑ "World Statemen-Libya" (in Engels). Geargiveer vanaf die oorspronklike op 13 Mei 2020. Besoek op 12 Desember 2009.
- ↑ (en) Smith, Whitney; Buhrer, Emil (1975). Flags Through the Ages and Across the World. New York Stad: McGraw-Hill. p. 361. ISBN 978-0-07-059093-9.
- ↑ Nelson, Phil (15 Augustus 2009). "Libya" (in Engels). Flags Of The World. Geargiveer vanaf die oorspronklike op 15 Februarie 2020. Besoek op 12 Desember 2009.
- ↑ "Libya Flag" (in Engels). Geargiveer vanaf die oorspronklike op 9 Oktober 2019. Besoek op 12 Desember 2009.
Eksterne skakels
wysig| Wikimedia Commons bevat media in verband met Vlae van Libië. |
- (en) Libië by Flags of the World
- (en) "Flag of Libya". Encyclopædia Britannica. Besoek op 14 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
