Vlag van Maleisië

Die nasionale vlag van Maleisië is op 26 Mei 1950 amptelik in gebruik geneem. Die vlag vertoon veertien horisontale rooi en wit bane met ’n blou reghoek met ’n goue 14-puntige ster en sekelmaan in die skildhoek.

Vlag van Maleisië

Vlag van Maleisië
Bynaam	(ms) Jalur Gemilang (af) Bane van Glorie
Gebruik	Nasionale vlag en Staatsvaandel
Verhouding	1:2
Goedgekeur	26 Mei 1950
Ontwerp	Veertien horisontale rooi en wit bane met ’n blou reghoek met ’n goue ster en sekelmaan in die skildhoek.
Ontwerp deur	Mohamed Hamzah

Simboliek

Die 14 bane van dieselfde hoogte stel die gelyke status van die 13 lidstate en die federale regering van Maleisië voor terwyl die 14 punte van die ster die eenheid tussen hierdie entiteite voorstel. Die ster staan bekend as die Bintang Persekutuan (Federale Ster). Die sekelmaan stel Islam voor, wat die amptelike geloof van die land is; die blou reghoek stel die eenheid van die Maleiers voor; die goue kleur van die ster en sekelmaan is die koninklike kleure van die Maleise regeerders.

Ontwerp

Die verhouding van die vlag is 1:2. Die sekelmaan se oop kan wys in die rigting van die wapperkant.

Konstruksietekening

Geskiedenis

Die vlag van Maleisië, wat vir die eerste keer op 16 September 1963 gehys is, het ontstaan uit die vlag van die Federasie van Malakka. Voor die skep van die nuwe vlag het elke deelstaat van Maleisië sy eie vlag gehad waarvan baie vandag nog onveranderd is.

Keuse van vlag

Toe die Federasie van Malakka die kortstondige Unie van Malakka vervang het, het die regering deur die Federale Wetgewende Raad ’n ontwerpkompetisie vir ’n nuwe vlag versoek. Drie vlae is aan die publiek voorgehou. Die eerste vlag het 11 sterre bevat met twee Maleise krisse (dolke) in die middel teen ’n blou agtergrond. Die tweede vlag was ’n “konsentriese sirkel van 11 sterre om gekruisde krisse op ’n blou baan.” Die derde het elf bane in rooi en wit afwisselend gehad met ’n geel sekelmaan en vyfpuntige ster op ’n blou agtergrond in die skildhoek. Die derde ontwerp – deur Mohamad Hamzah van die Departement van Openbare Werke – is as die wenner gekies deur middel van ’n meningspeiling in The Malay Mail. Omdat Malakka in die tyd van die Maleikrisis teen die kommuniste geveg het, het die vyfpuntige ster ’n te groot ooreenkoms met die kommunistiese simbool gehad. Die ster is gevolglik aangepas om nog ses punte by te kry.

Die Maleisiese vlag is op 19 Mei 1950 deur koning George VI goedgekeur en is vir die eerste keer op 26 Mei 1950 gehys voor Istana Selangor. Op 31 Augustus 1957 is dit met verkryging van onafhanklikheid op die Merdekaplein in die plek van die Britse Unievlag gehys.

• 
  Eerste voorgestelde vlag vir Maleisië
• 
  Tweede voorgestelde vlag vir Maleisië
• 
  Derde voorgestelde vlag vir Maleisië

Die ontwerper

Vlag van die Britse Oos-Indiese Kompanjie

Die Maleisiese vlag is deur Mohamed Hamzah, ’n 29-jarige argitek wat vir die Departement van Openbare Werke in Johor Baharu, Johore gewerk het, ontwerp. Hy het in 1947 vir die vlagontwerpkompetisie ingeskryf met twee ontwerpe wat hy binne twee weke afgehandel het. Die eerste ontwerp was ’n groen vlag met ’n blou kris in die middel, omring deur 15 wit sterre. Die tweede ontwerp, wat onder die finaliste was, was soortgelyk aan die huidige vlag maar met ’n vyfpuntige ster. Dit ontleen ’n groot ontwerpelement (die horisontale bane) aan die vlag van die Britse Oos-Indiese Kompanjie. Daar was 373 inskrywings vir die kompetisie en die algemene publiek kon via die pos vir hul gunsteling stem. Dato’ Onn Jaafar, ’n senior Maleisiese staatsman, het vir Hamzah ontmoet nadat hy die kompetisie gewen het en voorgestel dat die ster 11 punte het om al die Maleisiese deelstate te verteenwoordig.

Mohamad Hamzah is ’n paar ddae voor sy 75ste verjaardag oorlede in Jalan Stulang Baru, Kampung Melayu Majidee, Johor.

Wysigings

Die Maleisiese vlag bo die kantoor van Toerisme Maleisië Trafalgarplein, Londen. Die vlag van Uganda is op die agtergrond bo Uganda-huis.

Na die totstandkoming van Maleisië op 16 September 1963 is die ontwerp van die Maleisiese vlag gewysig om die nuwe deelstate in die federasie te reflekteer en eerbiedig.

Drie addisionele bane is tot die bestaande vlag toegevoeg en die ster is 14 punte gegee om die federasie se oorspronklike 11 deelstate in Maleisië plus Sabah, Sarawak en Singapoer te reflekteer; hierdie ontwerp het onveranderd gebly, selfs na Singapoer se uitsetting uit die federasie twee jaar later. Toe Kuala Lumpur op 1 Februarie 1974 as ’n federale territorium aangewys is, is die addisionele baan en punt van die ster toegewys om hierdie nuwe toevoeging tot die federasie te verteenwoordig. Uiteindelik, met die toevoeging van twee ander federale territoriums – Labuan in 1984 en Putrajaya in 2001 – is die veertiende baan en punt van die ster met die federale regering in die algemeen begin assosieer.

In 1997, toe die Maleiers genooi is om ’n naam aan die vlag te gee, het die Eerste Minister, Tun dr. Mahathir bin Mohammad die naam Jalur Gemilang gekies om die land se voorwaartse strewe na volgehoue groei en sukses te projekteer.

• 
  Vlag van die Koninkryk Sarawak, 1848 tot 1870.
• 
  Vlag van die Koninkryk Sarawak, 1870 tot 1946.
• 
  Vlag van Noord-Borneo, 1882 tot 1948
• 
  Vlag van die Kroonkolonie Borneo, 1948 tot 1963
• 
  Vlag van die Kroonkolonie Sarawak, 1946 tot 1963
• 
  Vlag van die Kroonkolonie Labuan, 1912 tot 1946
• 
  Vlag van die Seestraatnedersettings, 1874 tot 1942
• 
  Vlag van die Kroonkolonie Penang, 1946 tot 1949
• 
  Vlag van die Kroonkolonie Malakka, 1946 tot 1957
• 
  Vlag van die Gefedereerde Maleisiese State, 1895 tot 1946, toe van die Unie van Malakka, 1946 tot 1948, toe van die Federasie van Maleisië, 1948 tot 1950
• 
  Vlag van die Federasie van Malakka, 1950 tot 1963

Teken van respek

Gedurende vieringe van Maleisië se Nasionale Dag word almal aangemoedig om die Jalur Gemilang aan huise, kantoorgeboue en korporatiewe persele te laat hang.

• Indien die vlag tuis vertoon word, moet dit gehys word dat dit in die rigting van die pad wys.
• Indien die vlag in ’n groep met deelstaats- en privaatmaatskappyvlae vertoon word, moet die Maleisiese vlag tussen twee vlae gehys word en die vlagpaal waaraan dit hang moet hoër wees as die ander.

Vlaglied

Die vlaglied is geskryf as toewyding en trots van die Maleisiese nasionale vlag. Dit word op 31 Augustus, Maleisië se onafhanklikheidsdag. opgevoer. Die oorspronklike lied Benderaku is geskryf deur Tony Fonseka, ’n Maleisiese liedjieskrywer. Nadat die vlag die naam Jalur Gemilang gekry het is die vlaglied in 1997 aangepas. Dit is gevolg deur ’n bekendstelling van ’n nuwe vlaglied met lirieke deur Siso Kopratasa en getoonset deur Pak Ngah.

Jalur Gemilang deur Tony Fonseka Jalur Gemilang yang gagah perkasa Merah putih kuning biru warnanya Berkibar megah penuh bercahaya Pusaka kita rakyat Malaysia Jalur Gemilang, oh benderaku Kupertahankan sepenuh ragaku Dikaulah lambang negara berpadu Di bawah naungan Duli Tuanku Berkibar terus oh benderaku Kaukan kujunjung sepanjang waktu Harumlah nama negara yang tercinta Padamu tempat taat dan setia Jalur Gemilang, bendera kita Kemegahan rakyat kita semua Berkibar berkibar di ruang angkasa Dirgahayu bendera tercinta!

Afrikaanse vertaling Die Magtige Bane van Glorie Rooi, Wit, Geel en Blou is die kleure Wapper hoog in die lug Die nalatenskap van elke Maleisiër O my vlag, Die Bane van Glorie Ek sal dit met alle mag verdedig Die Simbool van ’n verenigde volk Onder beskerming van Sy Koninklike Hoogheid Wapper hoog o my vlag Ek sal dit altyd hys Skitter omhoog, my geliefde volk Aan jou sweer ek volle trou Die Bane van Glorie, ons vlag Ons almal se trots Wapper, wapper hoog in die lug Lank lewe ons geliefde vlag!

Jalur Gemilang deur Pak Ngah & Siso Kopratasa Merahmu bara semangat waja Putihmu bersih budi pekerti Kuning berdaulat payung negara Biru perpaduan kami semua Puncak dunia telah kautawan Lautan luas telah kauredah Membawa semangat jiwa Merdeka Semarak jaya kami warganya Empat belas melintang jalurnya Semua negeri dalam Malaysia Satu suara satu semangat Itu sumpah warga berdaulat Jalur Gemilang di bawah naunganmu Jalur Gemilang kami semua bersatu Perpaduan ketaatan Amalan murni rakyat Malaysia Jalur Gemilang megah kami terasa Jalur Gemilang kibarkanlah wawasan Merah, putih, biru, kuning Jalur semangat kami semua (2x) Berkibarlah!, berkibarlah!, berkibarlah!, Jalur Gemilang!

Afrikaanse Vertaling Jou rooi verteenwoordig ysere wil Jou wit verteenwoordig skoon en vriendelike karakter Geen van die Soewereine, die land se beskermer Blou vir ons almal in eenheid Jy het die hoogtes van die wêreld bereik Jy het die wye waters deurreis Die gees van onafhanklikheid gedra Ons is lede van sy suksesvolle wil Veertien bane dwars Vir elk van die state van Maleisië Een stem, een gees So sweer sy soewereine burgers plegtig Bane van Glorie, onder jou sorg Bane van Glorie, word ons verenig Eenheid en lojaliteit Is die edele waardes van die Maleisiese volk Bane van Glorie, hoe trots is ons nie Bane van Glorie, verkondig ons visie Rooi, wit, blou, geel Is die bane van ons voorneme (2x) Fladder-aan, fladder-aan, fladder-aan Bane van Glorie!

Ander vlae

Staatsvaartuie gebruik die Jalur Gemilang as die staatsvaandel. Die ander vaandels wat in Maleisië gebruik word, word hieronder weergegee.

• 
  Burgerlike vaandel
• 
  Blou vaandel van die Maleisiese regering
• 
  Maleisiese Seewetstoepassingsagentskap se vaandel
• 
  Weermagvaandel van Maleisië
• 
  Lugmagvaandel van Maleisië
• 
  Vlootvaandel van Maleisië

Federale Ster

Die Federale Ster wat soortgelyk in konsep is aan Australië se Gemenebesster, stel die noue federasie van die deelstate van Maleisië en die federale regering voor. Dit word gebruik op die rondeel van die Koninklike Maleisiese Lugmag, die vlag van die Maleis-Sjinese Vereniging en die logo van die voormalige Verenigde Maleisiese Bankwesekorporasie.

• 
  Rondeel van die Koninklike Maleisiese Lugmag
• 
  Vlag van die Maleis-Sjinese Vereniging

Soortgelyke vlae

• 
  Vlag van die Verenigde State
• 
  Vlag van Liberië
• 
  Vlag van die Bikini-atol

• 
  Vlag van Algerië
• 
  Vlag van die Arabiese Demokratiese Republiek Sahara
• 
  Vlag van Azerbeidjan
• 
  Vlag van die Comore-eilande
• 
  Vlag van Hatay (1938–1939)
• 
  Vlag van Libië
• 
  Vlag van Mauritanië
• 
  Vlag van Oos-Turkestan
• 
  Vlag van die Ottomaanse Ryk (1844–1923)
• 
  Vlag van Pakistan
• 
  Vlag van Sirenaïka (1949–1951)
• 
  Vlag van Tunisië
• 
  Vlag van die Turkse Republiek van Noord-Siprus
• 
  Vlag van Turkye

Eksterne skakels

• (en) Maleisië by Flags of the World.
• (en) "Flag of Malaysia". Encyclopædia Britannica. Besoek op 27 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.