Vlag van die Arabiese Demokratiese Republiek Sahara

Die nasionale vlag van die Arabiese Demokratiese Republiek Sahara is op 27 Februarie 1976 amptelik in gebruik geneem. Die vlag vertoon ’n rooi driehoek aan die vlagpaalkant met drie ewe wye bane in (van bo na onder) swart, wit en groen met ’n rooi ster en sekelmaan in die wit baan (die vlag is linkshandig (sinister)).

Vlag van die Arabiese Demokratiese Republiek Sahara

Vlag van die Arabiese Demokratiese Republiek Sahara
Gebruik	Nasionale vlag
Verhouding	1:2
Goedgekeur	27 Februarie 1976
Ontwerp	’n Rooi driehoek aan die vlagpaalkant met drie horisontale bane in swart, wit en groen aan die wapperkant met ’n rooi ster en sekelmaan in die wit baan.

Verduideliking van ’n linkshandige vlag

Simboliek

Aan die kleure word soms ook individuele betekenisse toegeken: swart stel die dood voor, wit stel vrede voor en groen stel die lewe voor.

Ontwerp

Die rooi driehoek is een derde van die lengte van die vlag en die agterkant van die vlag verskil van die voorkant deurdat die ster en sekelmaan nie op die agterkant vertoon word nie. Die vlag maak gebruik van die Pan-Arabiese kleure en veral die agterkant herinner baie aan die vlag van Palestina.

Geskiedenis

In die laat 19de eeu het Wes-Sahara ’n Spaanse kolonie geword. Na die Madrid-ooreenstemming van 1975 het Spanje haarself losgemaak en die gebied aan Marokko en Mauritanië oorgelaat. Die gebied is tussen die twee lande verdeel met Marokko wat twee derdes van die grondgebied gekry het. Die Polisario Front het die verdeling verwerp en die Arabiese Demokratiese Republiek Sahara in ballingskap verklaar as die staat verteenwoordigend van ’n “onafhanklike” Wes-Sahara.

In 1979 het Mauritanië ’n vredesverklaring met die Polisario Front onderteken en Marokko het die deel geannekseer wat voorheen aan Mauritanië behoort het. ’n Skietstilstand wat deur die VN bemiddel is, is in 1991 onderteken tussen die twee partye maar die soewereiniteit van die gebied is steeds onopgelos hangende voortslepende vredesamesprekinge.

• 
  Vlag van Spanje (1884–1931)
• 
  Vlag van Spanje (1931–1939)
• 
  Vlag van Spanje (1945–1977)
• 
  Vlag van die Sahrawi Nasionale Unie-party (1974–1975)
• 
  Die vlag van Mauritanië was die amptelike vlag van Tiris al-Gharbiyya, die deel van Wes-Sahara wat deur Mauritanië geannekseer is van 1976–1979

Marokkaanse streeksvlae (1976–1997)

In die 1976–1997 provinsiale verdeling van Marokko het drie provinsies dele van Wes-Sahara ingesluit. Die provinsies is egter in 1997 geherorganiseer. Gevolglik is sommige van hierdie vlae nie meer amptelik in gebruik nie.

• 
  Vlag van Laayoune-provinsie
• 
  Vlag van Boujdour-provinsie
• 
  Vlag van Dakhla-provinsie

Ander vlae

• 
  Agterkant van die vlag
• 
  Die vlag word dikwels gesien maar is onjuis
• 
  Vlag van Marokko

Soortgelyke vlae

• 
  Vlag van Egipte
• 
  Vlag van Irak
• 
  Vlag van Jemen
• 
  Vlag van Jordanië
• 
  Vlag van Koeweit
• 
  Vlag van Palestina
• 
  Vlag van Sirië (regering)
• 
  Vlag van Sirië (1932–1958, 1961–1963, opposisie sedert 2011)
• 
  Vlag van Soedan
• 
  Vlag van Somaliland
• 
  Vlag van die Verenigde Arabiese Emirate

• 
  Vlag van Algerië
• 
  Vlag van Azerbeidjan
• 
  Vlag van die Comore-eilande
• 
  Vlag van Hatay (1938–1939)
• 
  Vlag van Libië
• 
  Vlag van Maleisië
• 
  Vlag van Mauritanië
• 
  Vlag van Oos-Turkestan
• 
  Vlag van die Ottomaanse Ryk (1844–1923)
• 
  Vlag van Pakistan
• 
  Vlag van Sirenaïka (1949–1951)
• 
  Vlag van Tunisië
• 
  Vlag van die Turkse Republiek van Noord-Siprus
• 
  Vlag van Turkye

Eksterne skakels

• (en) Wes-Sahara by Flags of the World.

Hierdie artikel is in sy geheel of gedeeltelik vanuit die Engelse Wikipedia vertaal.