Vlag van Tadjikistan
Die nasionale vlag van Tadjikistan is op 24 November 1992 amptelik in gebruik geneem. Die vlag vertoon ’n horisontale driekleur in rooi, wit en groen met ’n kroon en sterreboog met sewe sterre in goud in die middel.
 |
|
| Bynaam | Парчами (Tadjiks) پرچم تاجیکستان (Persies) |
|---|---|
| Gebruik | Nasionale vlag en vaandel  |
| Verhouding | 1:2 |
| Goedgekeur | 24 November 1992[1] |
| Ontwerp | ’n Horisontale driekleur in rooi, wit en groen met ’n kroon en sterreboog in goud in die middel. |
Simboliek
wysigDie middelste wit baan is ’n anderhalf keer so hoog soos die rooi en groen bane. Die rooi stel die eenheid van die volk voor, die groen stel die vrugbare valleie voor en die wit stel die sneeu en ys van die berge en die kleur van katoen voor.[2][3]
Die kroon en sterre is in ’n reghoek geplaas wat 80% van die hoogte van die wit baan beslaan. Die kroon stel die Tadjikse volk voor aangesien die naam Tadjik in die volksetimologie met die Persiese tâj (wat kroon beteken) verbind word.[4]
Geskiedenis
wysigIn die tyd van die Sowjetunie het die Tadjikistan SSR die vlag van die Sowjetunie gebruik wit en groen horisontale bane, die nasionale kleure, in die onderste helfte van die vlag. Tadjikistan was op 20 Maart 1953 die laaste van die 15 Sowjetrepublieke om hierdie nuwe vorm van vlae van die Sowjet-Republiek aan te neem.[5] Voorheen het die vlae van die Sowjetrepublieke slegs die naam van die republiek onder die hamer en sekel vertoon.
In die proses om onafhanklikheid te verkry, is ’n nuwe nasionale vlag, in navolging van ander opvolgerstate van die Sowjetunie, aangeneem. Tussen 1991 en 1992 is slegs die kommunistiese simbole, die hamer en sekel verwyder.
Vorige vlae
wysig-
Vlag van die Tadjikistanse SSR, 1937 tot 1940 -
Vlag van die Tadjikistanse SSR, 1940 tot 1953 -
Vlag van die Tadjikistanse SSR, 1953 tot 1991 -
Vlag van Tadjikistan, 1991 tot 1992
.svg)
.svg)
;_Flag_of_Tajikistan_(1991%E2%80%931992).svg)
Ander vlae
wysigDie standaard van die President van Tadjikistan is in 2006 bekendgestel ter geleentheid van die inwydingseremonie van Emomali Rahmon se derde termyn as staatshoof. Die gebruik dieselfde driekleur as die nasionale vlag maar het ’n afbeelding van die Derafsh Kāviāni, die Sassanidiese koninklike standaard, met ’n gevleuelde leeu op ’n blou agtergrond daarbinne onder ’n kleiner voorstelling van die kroon en sterreboog.[6]
-
Presidensiële Standaard van Tadjikistan
Soortgelyke vlae
wysig-
Vlag van die moderne Persiese Ryk (Iranse monargie tot 1979) -
Vlag van Iran, sedert 1980 -
Vlag van Koerdistan, sedert 1992
.svg)
Verwysings
wysig- ↑ (en) "Tadjikistan". Flags of the World. Geargiveer vanaf die oorspronklike op 29 Maart 2019. Besoek op 28 Mei 2019.
- ↑ Ambassade van Tadjikistan in België Staatsimbole Geargiveer 1 Mei 2016 op Wayback Machine “Die kroon en ster is in ’n reghoek gesentreer waarvan die vertikale kant 0,8 en die horisontale kant 1,0 van die wit baan uitmaak. Vyfpuntige sterre met ’n deursnee van 0,15 is in ’n sirkel met ’n radius van 0,5 van die wydte van die wit baan geplaas. Daar is drie kleure op ’n vlag van die Republiek van Tadjikistan; groen, rooi en wit. ’n Groen baan stel valleie voor wat 7% van Tadjikistan se grondgebied uitmaak, die wit baan is die kleur van katoen, sneeu en ys en rooi is ’n eenwording van die republiek en broederskap met ander volkere van die wêreld.”
- ↑ Katoen is tradisioneel die grootste uitvoerproduk van Tadjikistan met 13% van alle uitvoere wat in 2012 katoen was.
- ↑ Die ware etimologie van die naam is onbekend; dit is afgelei van ’n middeleeuse eksoniem wat aan mense van die Transoksaniese streek gegee is en na òf “Arabiere” of “Perse” verwys het; volgens ’n studie in 1997 deur die Library of Congress (Landstudie van Tadjikistan), is dit moeilik om die oorsprong van die woord ‘Tadjik’ met sekerheid te noem omdat die term “verweef is in twintigste eeuse politieke dispute oor of die Turkse of Iranse volkere die oorspronklike inwoners van Sentraal Asië was.” Library of Congress Roepnommer DK851 .K34 1997. Die veronderstelde koppeling van Tadjik aan tajvar kan na 1990 teruggespoor word (Echo of Islam, Oplae 183-193, Ministerlie van Islamitiese Leiding, 2000. bl. 54). Dat die vlagontwerp op hierdie etimologie gebaseer is, is deur Alfred Znamierowski neergeskryf in The world encyclopedia of flags, Hermes House, 2002, bl. 169.
- ↑ (en) "Vlag van Tadzjikistan". Encyclopædia Britannica. Geargiveer vanaf die oorspronklike op 15 Mei 2020. Besoek op 28 Mei 2019.
- ↑ Na aanleiding van ’n Russiese beskrywing van die vlag by president.tj in 2006 (geargiveerde weergawe van 2007).
Eksterne skakels
wysig| Wikimedia Commons bevat media in verband met Vlae van Tadjikistan. |
- (en) Tadjikistan by Flags of the World
- (en) "Flag of Tajikistan". Encyclopædia Britannica. Besoek op 28 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
