Die Voortrekkers is 'n Suid-Afrikaanse jeugorganisasie gestig in 1931. Dit is vir Afrikaanse seuns en meisies wat weerbaarheid, diensbaarheid, leierskap en 'n goeie karakter probeer uitbou deur span-byeenkomste en kampe in die natuur, met die geleentheid vir hele gesinne om betrokke te raak. Die beweging, wat ook in Namibië posgevat het, is op Christelik nasionale beginsels gegrond.[1]
Die Voortrekker-wapen.
Elke provinsie is in streke en oorde verdeel. Seuns en meisies tot ongeveer 12 jaar staan as onderskeidelik penkoppe en drawwertjies bekend, die tussen 12 en 17 jaar word verkennerseuns en -meisies (of junior staatmakers) genoem, en naskoolse lede word staatmakers genoem.
Die Voortrekkers is 'n kultuurbeweging was hul lede, in besonder die jeug, toerus om as moderne Afrikaners, positiewe Burgers en konsekwente Christene hulle roeping deur diensbaarheid uit te leef.[1]
Die Voortrekkers streef daarna om:
Afrikanerkinders se karakter deur Bybels-Christelike waardes vorm.
Afrikanerkinders die geleentheid bied om hul kultuur in die natuur deur avontuur te geniet.
Afrikaners begelei om as oortuigde Christene nie net Bybelse waardes in hul persoonlike lewens uit te leef nie, maar ook om gemeenskapswaardes deur middel van diens, deelname en standpunte te help vorm.
Afrikanerkinders help om lewensvaardighede te ontwikkel om as uitnemende en diensbare leiers 'n betekenisvolle en positiewe bydrae te lewer tot die land en die kontinent.
Voortrekker-kinders ontvang noodhulp opleiding.Afrikanerkinders 'n tuiste bied waarin hulle Afrikaners se geskiedenis, taal, kultuur en tradisies ten volle kan uitleef en geniet.
Hierdie ideale het oor dekades neerslag gevind in die wese, waardes en strategiese doelwitte van Die Voortrekkers om jong Afrikaners as uitnemende leiers te ontwikkel.
Doelstellings vloei voort uit die wese en is die Voortrekkers se verbintenis tot 'n bepaalde aksie.
Die Voortrekkers is daartoe verbind om:
Voortrekker-meisie met die ou Voortrekker-uniform.
hul geloof in God Drie-enig God in al ons Voortrekkeraktiwiteite te bevestig.
Voortrekker kinders neem deel aan 'n Vlotvaart op Bruintjieskraal in die Baviaanskloof. 2021as moderne Afrikaners hul taal, kultuur en erfenis met trots te bevorder.
Elke lid van Die Voortrekkers strewe daarna om die Voortrekkerkode na te leef, wat soos volg lui:
'n Voortrekker glo in die Drie-enige God en dien Hom.
'n Voortrekker se woord is sy eer.
'n Voortrekker is gehoorsaam.
'n Voortrekker leef met respek.
'n Voortrekker is trots op ons taal, kultuur en erfenis en bevorder dit.
Voortrekker kinders neem deel aan 'n gestremdhede bewusmaking program by die Londt Park gestremde basketbal klub in Gqebera.'n Voortrekker leer uit die geskiedenis en bou daarop voort.
Die behoefte aan 'n Afrikaanse jeugbeweging is in 1913 deur dr. C.F. Visser ("Vader van die Voortrekkers") besef[2]. Hy het met die Boy-Scouts se stigter, Robert Baden-Powell, kontak gemaak om die stigting van 'n Afrikaanse Boy-Scout beweging tot stand te bring, maar hulle kon op die ou end nie tot 'n vergelyk kom oor enkele grondslag-kwessies nie. Deur dr. Visser se aansporing is 'n tak in 1920 aan die Voorbereidende Tegniese Skool (teenswoordig die Hoërskool Sentraal) in Bloemfontein gestig. Ander takke het gevolg, onder meer in Graaff-Reinet en Nieuwoudtville, maar in die eerste bestaansjare was daar nog geen eenvormige grondslag waarvolgens die beweging beheer is nie.
Die amptelike stigting het eers op 30 September1931 in Bloemfontein plaasgevind, en die eerste lede is by die geleentheid deur die destydse Eerste Minister, genl. J.B.M. Hertzog, ingelyf. Die Voortrekkerleuse is "Hou koers", en die wapen beeld 'n brandende fakkel op 'n wawiel uit. Daar is ook 'n Voortrekker-kode met 10 artikels wat die lede onder meer aanspoor om die gebruik van Afrikaans te bevorder. Van die vernaamste bedrywighede van die Voortrekkerbeweging is die gereelde kampe wat gehou word om die kinders die geleentheid te bied om met die natuur kennis te maak.
Voortrekker kinders neem deel aan 'n gedenkdiens by die Karel Landman Monument naby Alexandria. Kinders dra die nuwe (huidige) uniform.
Voortrekker-aktiwiteite is georganiseer volgens 'n kommandostelsel, wat weer uit veldkornetskappe en spanne opgebou is. Buiten die Algemene Kongres, wat minstens elke 4 jaar gehou word, is daar 'n uitvoerende bestuur met hoof- en dagbesture in die onderskeie provinsies.
Op die Voortrekker se nasionale kongres op Hartenbos in 1997 is prof Tom Dreyer as nuwe leier verkies. Tydens sy termyn is die outydse en formele uniform met 'n moderne en goedkoper Voortrekkerdrag vervang. Dit behels 'n donkerblou of rooi gholfhemp, blou denimbroek en moulose donkerblou baadjie.[3]
Karin Stofberg is op 14 Julie 2023 verkies as die eerste vroulike hoofleier in die organisasie se 93-jarige bestaan.[4] Sy volg vir Danie Langner op.[5] Stofberg wil die beweging vernuwe en bemark en sy wil graag 'n verbeterde digitale strategie daarstel.
