Bela-Bela

Hierdie artikel handel oor die dorp in Suid-Afrika. Vir die dorp in Namibië, sien Warmbad, Namibië.

Bela-Bela (voormalig Warmbad, Engels: Warmbaths) is 'n dorp wat in die geotermiese warmwaterbronne van die Limpopoprovinsie van Suid-Afrika geleë is. Bela-Bela beteken in Tshwana die pot wat kook. Dit produseer 22 000 liter water per uur teen 50 °C. Dit is deur Tswanastamme ontdek wat in die vroeë 1800's in die gebied inbeweeg het. In 1873 het die Transvaalse regering die grond gekoop om 'n vakansieoord by die fonteine te bou en dit Warmbad genoem.

Bela-Bela Warmbad / Warmbaths
Dorp
Bela-Bela  Bela-Bela se ligging in Limpopo
Koördinate: 24°53′6″S 28°17′39″O
Land	Suid-Afrika
Provinsie	Limpopo
Distrik	Waterberg
Munisipaliteit	Bela-Bela
Stigting	1873
Regering
• Tipe	Plaaslike Munisipaliteit
• Burgemeester	H. M. Ledwaba (ANC)
Oppervlak
• Totaal	23,29 km2 (8,99 vk. myl)
Hoogte	1 130 m (3 710 ft)
Bevolking  (2011)
• Totaal	45 001
• Digtheid	1 932/km2 (5 000/vk. myl)
Rasverdeling (2011)
• Wit mense	8.2%
• Indiërs/Asiërs	0.7%
• Bruin mense	1.7%
• Swart mense	89.1%
• Ander	0.3%
Taal (2011)
• Noord-Sotho	43.0%
• Tswana	18.1%
• Tsonga	12.4%
• Afrikaans	9.4%
• Ander	17.1%
Poskode (strate)	0480
Poskode (posbusse)	0480
Skakelkode	014
Webwerf	http://www.belabela.gov.za/

Swembad en geriewe by Bela-Bela se vakansieoord.

Daar woon ongeveer 45 000 mense. Die N1 nasionale pad gaan oos van Bela-Bela verby. Die naam van die dorp is in 2002 amptelik gewysig na Bela-Bela.

Distrik

Die distrik, wat in 1950 geproklameer is, is 5 800 km² groot. Die belangrikste gewasse is mielies, grondbone, sorghum en koring. Die koring word onder besproeiing uit die Rust de Winterdam verbou. Daar word ook met beeste, skape en varke geboer. Tin word by Rooiberg ontgin, sowat 55 km wes van Bela-Bela. Daar is ook 'n blokhuis wat tot 'n nasionale monument verklaar is.

Sien ook

• Lys van dorpe in Suid-Afrika
• Lys van warmwaterbronne van Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4.