Weenen-natuurreservaat

Weenen-natuurreservaat is geleë in KwaZulu-Natal, in die KwaZulu-Natal Middeland. Die reservaat is 5000 ha groot en is 25 km noordoos van Estcourt, 20 km vanaf Colenso en 8 km vanaf Weenen. Die Boesmansrivier vloei deur 'n vallei in die reservaat. Die hoogte bo seevlak wissel van 1 000 tot 1 240 m.

Weenen-natuurreservaat
'n Bosveldtjeriktik, afgeneem naby Weenen.
Land	Suid-Afrika
Provinsie	KwaZulu-Natal
Naaste dorp	Weenen
Weenen-natuurreservaat
Koördinate: 28°52′35″S 30°0′15″O

Klimaat

Die reservaat is in 'n somerreënval gebied wat gemiddeld 56 donderstorms jaarliks beleef. Die gemiddelde reënval is 750 mm per jaar maar kan aansienlik afwyk en dit word tot 37°C gedurende die somer.

Plantegroei

Die noordelike gedeelte van die reservaat staan bekend as die Tugeladoringveld; dit bestaan uit grasvelde met digte Acacia bome in sommige plekke soos die

• 
  Lekkerruikpeul
  (Acacia nilotica),
• 
  Haak-en-steek
  (Acacia tortilis) en die
• 
  Papierbasdoring
  (Acacia sieberana).

In die Boesmansriviervallei kom die volgende bome voor:

Natal vy (Ficus natalensis)

• 
  Kiepersol
  (Cussonia spicata),
• 
  Naboom
  (Euphorbia ingens),
• 
  Olienhout
  (Olea europaea) en die
• 
  Huilboerboon
  (Schotia brachypetala).

Vislewe

Inheemse visse wat voorkom is die Driekol-ghieliemientjie (Barbus trimaculatus), KwaZulu-Natalse geelvis (Labeobarbus natalensis) en die Afrika-bontpaling (Anguilla bengalensis).

Uitheemse visse soos die

• 
  karp (Cyprinus carpio),
• 
  graskarp (Ctenopharyngodon idella) en
• 
  grootbekbaars (Micropterus salmoides)

kom ook voor maar die graskarp is skaars.

Bron

• Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.