Driekol-ghieliemientjie

Die Driekol-ghieliemientjie (Barbus trimaculatus) is 'n varswater vis wat voorkom in riviere aan die ooskus van Afrika vanaf die Ruvumarivier in Tanzanië tot by die Umvotirivier in KwaZulu-Natal. Hulle kom ook voor in die Oranje- en Kuneneriviere en die Zambiese gedeelte van die Kongorivier. Hulle het ook voorgekom in die Okavangorivier en sekere gedeeltes van die Zambezirivier maar is verdring deur die Streepstert-ghieliemientjie.

Driekol-ghieliemientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Barbus
Spesie:	B. trimaculatus
Binomiale naam
Barbus trimaculatus W. K. H. Peters, 1852

Voorkoms

Die vis het twee lang baarde en is silwer kleurig met 'n goue skynsel gedurende die broeityd. Daar is drie duidelike swart kolle op die lyf en basis van die stertvin. Die vis word tot 150 mm lank.

Habitat

Die vis leef in 'n verskeidenheid habitats; die meeste het plantegroei in. Hulle vreet insekte en ander klein organismes. Die visse broei in die somer; skole wyfies beweeg stroom-op net na die reën om kuit te skiet. 'n Enkele wyfie lê tot 8 000 eiers op 'n slag.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Barbus-trimaculatus.html