Wikipediabespreking:Burokraat

Argief
Na Argief
Hoe word 'n argief aangelê?

Hier kan aansoek gedoen word vir burokraatregte. Burokrate is administrateurs met ekstra bevoegdhede, soos deur konsensus hier verkies is. Die kiesproses vir burokrate is dus soortgelyk as dié vir administrateurs. Die verwagting vir burokraatskap is egter hoër as vir administrateurskap, in terme van aantal stemme, 'n hoë mate van konsensus en noemenswaardige diskwalifikasies.

Daar kan dalk ook van burokrate verwag word om konsensus by moeilike dispute te bepaal en om hulle besluite te regverdig.

Voorgestelde beleid

Wie mag aansoek doen?

• Nominante moet administrateurs wees vir 'n geruime tyd en reeds vir meer as 'n jaar aktief wees by die Afrikaanse Wikipedia. Bydraes in enige naamruimte geld as aktiwiteit, maar betrokkenheid by gemeenskapsake en oordeelkundige betrokkenheid by dispute sal kan 'n groot rol speel.
• Nominante moet Afrikaans baie goed verstaan en hulself redelik verstaanbaar kan maak in Afrikaans.
• Nominante se optrede in hul hoedanigheid as administrateurs moet 'n groot begrip van, en konformiteit aan beleid toon. Onlangse blapse sal dus iemand se aansoek in 'n slegte lig stel.
• Nominante moet 'n geldige eposadres hê en ten minste 'n eenvoudige gebruikersblad wat aandui dat hulle 'n administrateur (en later, indien suksesvol, 'n burokraat) is.
• Selfnominasies is toelaatbaar. So 'n nominant moet natuurlik die nominasie aanvaar.
• Nominante wat nie in die afgelope drie maande onsuksesvol aansoek gedoen het nie.

Stemprosedure

• Slegs bydraers wat al vir 'n redelike tyd aktief is, mag stem. Ongeldige stemme mag gekanseleer word deur ander bydraers.
• Stemming word op hierdie blad onder die kandidaat se naam gedoen. Kommentaar, beswaar en/of vrae aan die kandidaat kan u stem vergesel. 'n Handtekening (met u gebruikersnaam en datum) moet in alle gevalle 'n stem/opinie vergesel.
• Stemming moet lank genoeg duur om die gemeenskap kans te gee om te stem en beswaar aan te teken.
• Stemme mag verander. U kan dus u stem terugtrek of verander terwyl stemming nog nie afgehandel is nie. Eerder as om u stem bloot uit te vee, trek dit eerder dood om misverstand te voorkom. Doen dit as volg

<s>Ondersteun/Gekant. --ou handtekening</s> Stem teruggetrek/verander. --~~~~

Dit vertoon dan as

Ondersteun/Gekant. --ou handtekening Stem teruggetrek/verander. --Gebruikernaam 12:00, 1 Januarie 2005 (UTC)

• Alhoewel hierdie 'n stemming is, moet daar redelike konsensus bereik word, eerder as 'n blote meerderheid vir "ja" of "nee".
• Gebruikers wat teen die bevordering van 'n gebruiker gekant is, moet asseblief hulle redes hiervoor noem. So kan besware geadresseer word en moontlik ernstige probleme rakende 'n gebruiker geïdentifiseer word.

U is welkom om die volgende sjablone te gebruik:

• {{ondersteun}} ( Ondersteun)
• {{gekant}} ( Gekant)
• {{neutraal}} ( Neutraal)
• {{kommentaar}} ( Kommentaar)
• {{vraag}} ( Vraag)

Kandidate

Gebruiker:Alias

• Ondersteun: Sedert 2004 by die Afrikaanse Wikipedia betrokke. Gewese administrateur en burokraat. Hy het hom goed van sy taak gekwyt. Sy gebruikersregte is moontlik weens afwesigheid opgeskort, maar resente aktiwiteit asook die behoefte deur die Afrikaanse Wikipedia vir groter betrokkenheid regverdig 'n nominasie vir die heraanstelling van hierdie gebruiker in die rolle van administrateur en burokraat. Alias, hierdie nominasie se doel is nie om jou met werk te oorlaai nie. Dis om jou geskikte regte te gee vir gebruik soos die behoefte daarvoor verskyn. Die regte van burokrate op Wikipedia is in elk geval nie veel meer as dié van administrateurs nie, maar burokrate se insae tydens beslegting geniet hoër agting, dus word burokraatstatus toegeken aan die gebruikers waarin die gemeenskap die grootste vertroue plaas. Christiaan Human (kontak) 19:59, 2 Junie 2017 (UTC)
• Ondersteun --Renier (kontak) 14:13, 6 Junie 2017 (UTC)
• Ondersteun – Beslis, maar hy moet eers administrateur word, indien hy wil. Groete. -- SpesBona 14:50, 7 Junie 2017 (UTC)
• Ondersteun – Maar vir eers as administrateur. Groete. Frank (kontak) 19:03, 7 Junie 2017 (UTC)
• Ondersteun: Alias is al van die begin af hier betrokke en het hom al goed van die taak van beslegting hier gekwyt. Ek stel voor ons stel hom so spoedig moontlik aan. K175 (kontak) 11:41, 10 September 2017 (UTC)
• Ondersteun: Doen goeie weerk! Groete! Oesjaar (kontak) 11:58, 10 September 2017 (UTC)
• Ondersteun: Vgl. Wikipediabespreking:Administrateur#Gebruiker:Alias. K175 (kontak) 08:52, 12 September 2017 (UTC)

Gebruiker:Voyageur

• Ondersteun: Sedert 2005 by die Afrikaanse Wikipedia betrokke. Lewer gereeld kommentaar tydens beslegting en verdien m.i. gevolglik burokraatstatus. Christiaan Human (kontak) 19:59, 2 Junie 2017 (UTC)
• Ondersteun --Renier (kontak) 14:13, 6 Junie 2017 (UTC)
• Ondersteun – Groete. -- SpesBona 14:50, 7 Junie 2017 (UTC)
• Ondersteun – Ervare, standvastig, neutraal in dispute. 'n Ware aanwins vir ons wiki! --Aliwal2012 (kontak) 18:10, 7 Junie 2017 (UTC)
• Ondersteun – 'n Ware Heer! Groete! Oesjaar (kontak) 18:39, 7 Junie 2017 (UTC)
• Ondersteun – Hoog tyd! Groete. Frank (kontak) 19:03, 7 Junie 2017 (UTC)
• Gekant: alhoewel ek die nominasie in beginsel steun, lyk dit asof Voyageur vir eers afwesig is. Ek stel voor ons nomineer hom weer wanneer hy terugkeer. K175 (kontak) 11:42, 10 September 2017 (UTC)
• Ondersteun - Ek beaam die vorige opmerkings. Dit is m.i. 'n voor die hand liggende geval. K175 (kontak) 08:53, 12 September 2017 (UTC)