Wikipedia:Administrasie

Enige projek sluit 'n deel administrasie in. Ook die Afrikaanse Wikipedia het van tyd tot tyd 'n bietjie "huishouding" nodig. Alhoewel hierdie administratiewe take is, is hulle nie slegs tot administrateurs beperk nie. Alhoewel sommige take die spesiale gereedskap benodig waarmee administrateurs voorsien word, kan baie deur gewone gebruikers ook uitgevoer word.

Argivering van besprekingsbladsye

Wanneer 'n bladsye 45 besprekings bereik kan die eerste 30 geargiveer word. Let wel: moenie besprekings argiveer wat in die laaste 7 dae nog deelnemers gehad het nie. Argiverings word op subbladsye geplaas, met 'n skakel daarheen op die besprekingsblad. Skakels na argiewe moet duidelik as sulks gemerk word en die argiewe self moet van 'n beskrywende naam voorsien word. So word gesprekke by die Geselshoekie na subbladsye geargiveer wat lees Wikipedia:Geselshoekie/ArgiefDMMMJJ (die datum verwys na dié datum van die laaste gesprek. Dus dateer die gesprek van Wikipedia:Geselshoekie/Argief9Mei08 van 9 Mei 2008.

Oorweeg om uiters lang gesprekke na hulle eie subbladsy te skuif, ná die gesprek afgehandel is. Sien bv. Wikipedia:Geselshoekie/MT. Dit is egter belangrik om na die gesprek vanaf die oorspronklike besprekingsblad te skakel. Ingevolge die GNU-FDL moet die bron- en doelblad ook telkens in die wysigingsopsomming verskyn (direkte skakels werk die beste).

Beeldadministrasie

Beelde moet van die volgende voorsien word:

1. Indien afkomstig van 'n boek: die naam, outeur en datum wat die boek uitgegee is.
2. Indien afkomstig van 'n webwerf: 'n skakel (URL) na 'n bladsy waarop die beeld verskyn. Indien die gegewe lisensiëringsinligting nie uit dié bladsy blyk nie, moet 'n aparte skakel bygevoeg word na die bladsy waar dit wél verskyn.
3. Indien die beeld deur 'n Wikimedia-gebruiker geskep is, moet dit uitdruklik vermeld word en 'n skakel na die gebruiker se gebruikers- of besprekingsblad voorsien word.
4. Indien die beeld elders ontvang is (bv. 'n kennis van die oplaaier), moet 'n e-pos van die outeur/kopiereghouer na Wikimedia gestuur word. Sien Wikimedia:Beeldbronne vir meer hieroor.

Probleembeelde

• Geen bron. Merk die beeld met {{geen bron|dag=dd|maand=Maand|jaar=Jaar}}, bv. {{geen bron|dag=13|maand=Junie|jaar=2008}}. Plaas {{subst:bronbenodig}} op die oplaaier se besprekingsblad, met die (geskakelde) naam van die beeld as die gesprek se opskrif.
• Geen lisensie. Merk die beeld met {{geen lisensie|dag=dd|maand=Maand|jaar=Jaar}}, bv. {{geen lisensie|dag=13|maand=Junie|jaar=2008}}. Plaas {{subst:lisensiebenodig}} op die oplaaier se besprekingsblad, met die (geskakelde) naam van die beeld as die gesprek se opskrif.
• Onduidelike/bevraagtekende lisensie. Sommige beelde dui een lisensie aan, terwyl die bron 'n ander lisensie aandui. Indien daar enige twyfel oor die lisensie is, kan die beeld met {{verkeerde lisensie|rede}} gemerk word, bv. {{verkeerde lisensie|Volgens bron mag beeld nie vir kommersiële doeleindes gebruik word nie}}. Stel die oplaaier in kennis dat daar nie klaarheid oor die lisensie is nie en gee ook die rede soos verskaf in die sjabloon.

Beelde wat ná twee weke (op die 15de dag) van die toevoeging van een van die bogenoemde sjablone steeds nie van die nodige inligting verskaf is nie, mag verwyder word.

Slegs administrateurs kan beelde fisies verwyder, ander gebruikers kan beelde merk met {{skrap|rede}}, bv. {{skrap|geen bron vir 2 weke +}}.

Verwyderingsnominasies

Wikipedia:Bladsyverwydering

Artikels word soms vir verwydering genomineer, wat gewoonlik een of meer gebruikers ontstel: veral dié wat moeite gedoen het met die bydrae daarvan. Onthou: die bespreking rondom nominasies is nie 'n stemmery nie. 'n Bladsy mag slegs een gebruiker hê wat die verwydering ondersteun en 10 wat daarteen gekant is - en steeds vir verwydering kwalifiseer.

Administrateurs wat 'n verwyderingsnominasie "sluit", moet dus nie die "stemme" tel nie, maar die argumente vír en téén behouding verstaan en evalueer. Verkieslik moet die "sluitende" administrateur nie deel aan die gesprek gehad het nie, maar dit is 'n onpraktiese vereiste wanneer die gemeenskap klein is. Diskresie is uiters belangrik in hierdie gevalle en dit is dus een van die redes waarom administrateurs hulself vertroud moet maak met die verskeie beleide, beide hier en op ander Wikipedias.

Verwyderingsnominasies kan na twee weke (op die 15de dag) gesluit word. 'Slegs administrateurs kan bladsye fisies verwyder.

Die verwyderingsnominasie en bespreking van 'n artikel moet na die uiteindelike verwydering/behouding van die artikel na die ooreenkomstige subblad geskuif word. Meld die bron- en doelbladsye duidelik in die wysigingsopsommings - skakels werk die beste.

Sien ook Wikipedia:Argumente om te vermy tydens verwyderingsbesprekings.

Voorbladartikels

Elke week verskyn 'n ander artikel op die voorblad. Die proses werk só:

1. Artikels word by Wikipedia:Kandidaatartikels vir voorblad genomineer vir voorbladstatus. Anonieme gebruikers kan artikels nomineer, maar nie ander se nominasies steun of teenkant nie. 'n Anonieme nominasie is dus ook nie 'n ondersteuning nie en kort uitdruklike ondersteuning van geregistreerde gebruikers.
2. Indien 'n artikel ná 'n week geen geldige teenkanting gekry het nie, of indien gemelde probleme geadresseer is, kan die bladsy vir voorbladstatus oorweeg word.
3. Die gebruiker wat die artikel as voorbladartikel aanstel moet seker maak dat die artikel aan die nodige vereistes vir voorbladstatus voldoen. Indien nie, kan die artikel afgekeur word.
4. Skep die nodige voorbladsjabloon, tans te kry by Wikipedia:Voorbladartikels_2009.
   1. Moenie te veel detail in die opsomming gebruik nie, maar eerder 'n basiese oorsig.
   2. Hou die opsomming aan die kort kant. Een paragraaf of twee kleintjies.
   3. Volg die uitleg en formaat van vorige sjablone.
   4. Die beeld wat gebruik word moet verkieslik reeds in die artikel verskyn. Indien dit nié die geval is nie, moet die beeld wat gebruik word onmiskenbaar met die onderwerp geassosieer word.
5. Plaas {{voorbladster}} onderaan die artikelblad.
6. Skuif die nominasie en bespreking na die ooreenstemmende argief (sien Wikipedia:Kandidaatartikels vir voorblad). Onthou om die bron- en doelblad telkens in die wysigingsopsomming te noem (skakels werk die beste).
7. Voeg die sjabloon {{voorbladartikel}} op die artikel se besprekingsbladsy, met die korrekte veranderlikes.
8. Voeg die sjabloon {{voorbladster}} bo-aan die artikel se besprekingsblad.
9. Voeg die artikel by Wikipedia:Voorbladartikel, onder die relevante afdeling.

Indien daar nie genoeg nuwe nominasies is nie, kan ou voorbladartikels herhaal word. Tans word 'n patroon van "2 nuwe artikels, 1 oue" gevolg.

Beeld van die week

Sjablone vir die beeld van die week kan vanaf Wikipedia:Beeld van die week verkry word. Volg die formaat en uitleg van vorige sjablone. Sommige van die beelde wat reeds "featured status" behaal het en in die Afrikaanse Wikipedia verskyn, kan by Gebruiker:Anrie/Spogbeelde gekry word.