Aleksei Nikolajewitsj, tsarewitsj van Rusland

Hierdie naam is volgens die Oos-Slawiese gebruik; die patroniem is Nikolajewitsj.

Aleksei Nikolajewitsj Romanof (Russies: Алексе́й Никола́евич Рома́нов) (Peterhof, 12 Augustus 1904 - Jekaterinburg, 16 Julie 1918) was die seun van tsaar Nikolaas II en tsaritsa Aleksandra Fjodorowna. Hy was hul vyfde kind en het vier ouer susters gehad: Olga, Tatjana, Maria en Anastasia. As enigste seun was hy die troonopvolger.

Aleksei Nikolajewitsj
Egornov CesarevichAlekseGRM.jpg
Tsarewitsj Aleksei (Sergei Jegornof, c. 1911).
Gebore
Aleksei Nikolajewitsj Romanof
(Алексей Николаевич Романов)

12 Augustus 1904
Sterf16 Julie 1918
NasionaliteitRussies
TitelTsarewitsj
Ouer(s)Nikolaas II van Rusland
Aleksandra Fjodorowna
Handtekening
SignatureAlexeyNikolaevich.jpg

SiekteWysig

Aleksei het aan hemofilie gely, ’n siekte wat nie destyds behandelbaar was nie. Hy het dit van sy ma oorgeërf. Sy was die kleindogter van koningin Victoria, ’n draer van die siekte. (Draers het nie self die siekte nie, maar kan dit aan hulle kinders oordra.)

Die tsaar en tsaritsa het die siekte geheim gehou van die Russiese volk, omdat hulle bekommerd was oor wat die reaksie sou wees, veral wat die troonopvolging betref. Aleksei het deur sy kort lewe dikwels interne bloedings gehad en dit het veroorsaak dat hy selfs ’n ruk lank nie kon loop nie. Hy was in dié tyd eers aan ’n rolstoel gekluister en het later ’n ruk lank beenysters gedra.

Wanneer hy gebloei het, het hy ondanks die pyn geen pynstillers gekry nie weens kommer dat hy daaraan verslaaf kon raak. Die lekeprediker en (volgens sy aanhangers) geloofsgeneser Grigori Raspoetin was die enigste mens wat blykbaar ’n positiewe invloed op sy gesondheid gehad het.

TeregstellingWysig

Op 15 Mei 1917 het Nikolaas II namens homself en sy seun afstand gedoen van die troon. Nadat die hele gesin ’n jaar lank in huisarres in Siberië was, is hulle op 16 Julie 1918 almal in Jekaterinburg voor ’n vuurpeloton tereggestel. Die gesin se massagraf is aan die begin van die negentigerjare gevind. Aleksei se liggaam was nie daar nie – ook nie dié van sy suster Maria nie (hoewel vir ’n lang ruk geglo is dit was Anastasia se liggaam wat nie saam met die ander gevind is nie).

Die stoflike oorskot van die ander gesinslede is in 1998 in die Sint Petrus en Sint Paulus-katedraal in Sint Petersburg herbegrawe. In die jaar 2000 het die Russies-Ortodokse Kerk die hele gesin tot heiliges verklaar.

Sterflike ooskot in Jekaterinburg gevindWysig

In die somer van 2007 het argeoloë in Jekaterinburg op die sterflike oorskot van Aleksei en Maria afgekom; die lyke is blykbaar in 1917 verbrand en 800 meter van die res van die gesin af begrawe. Die resultaat van DNA-analises in die VSA en Oostenryk is op 30 April 2008 gepubliseer en die identiteit van sowel Aleksei asook sy suster Maria bevestig. Volgens die amptelike ondersoek van die Russiese staatsprokureur is daar sodoende geen oorlewendes uit die laaste Tsaregesin nie. Die Russies-Ortodokse Kerk het die resultaat in twyfel getrek en op verdere analises aangedring - onder meer omdat die sterflike oorskot van Aleksei en Maria die status van relikwieë sou hê.[1][2] 'n Beplande begrafnis in die Katedraal van Petrus en Paulus te Sint Petersburg het derhalwe nog nie plaasgevind nie; die sterflike oorskot van Aleksei en Maria word voorlopig in die Staatsargief bewaar.

Sien ookWysig

VerwysingsWysig

Eksterne skakelsWysig