Altaar (sterrebeeld)

Die Altaar (Latyn: Ara) is ’n sterrebeeld in die suidelike hemelruim tussen die Skerpioen en die Suidelike Driehoek. Dit is een van die 48 sterrebeelde wat deur die 2de-eeuse sterrekundige Ptolemeus beskryf is en is steeds een van die 88 moderne konstellasies.

Altaar
Latynse naam	Ara
Genitief	Arae
Afkorting	Ara
Waarnemingsdata (Epog J2000)
Regte klimming	17,39h
Deklinasie	-53,58º
Grootte	237 vk. grade (63ste)
Kwadrant	SQ3
Besonderhede
Hoofsterre	7
Helderste ster	Beta Arae
Naaste ster	Gliese 674
Sterre helderder as 3 m	2
Sterre met planete	7
Messier-voorwerpe	0
Bayer-/Flamsteed-sterre	17
Aangrensende sterrebeelde
Suidelike Kroon, Skerpioen, Winkelhaak, Suidelike Driehoek, Paradysvoël, Pou, Teleskoop
Portaal    Sterrekunde

Die Altaar se helderste ster, Beta Arae, het ’n oënskynlike helderheid van 2,9 mag. Gamma Arae is ’n dubbelster net suid daarvan. Daar word geglo Mu Arae het minstens vier planete wat om hom wentel.

Die noordwestelike hoek van die Altaar kruis met die Melkweg en bevat verskeie oop sterreswerms (onder meer NGC 6200) en newelvlekke (insluitende die helder swerm/newelvlek-paar NGC 6188 en NGC 6193). Die helderste ster van die bolvormige swerm NGC 6397 is net 6 500 ligjare weg, en dit is dus een van die naaste bolvormige swerms aan ons sonnestelsel.

Mitologie

In die Griekse mitologie word Ara genoem as die altaar wat deur die siklope gebou is en waar die Olimpiese gode offerandes gebring en ’n verbond gesluit het voordat hulle die Titaniese gode aangeval het.

Sien ook

• Alpha Arae

Eksterne skakels

• The Deep Photographic Guide to the Constellations: Ara
• NightSkyInfo.com: Constellation Ara
• Star Tales – Ara

• Wikimedia Commons het meer media in die kategorie Altaar (sterrebeeld).

• Hierdie artikel is vertaal uit die Engelse Wikipedia