Tarentaal-blaasop

Die tarentaal-blaasop (Arothron meleagris) is 'n vis wat wydverspreid in die Indiese en Stille oseane en die ooskus van Afrika suidwaarts tot by die suide van KwaZulu-Natal voorkom. In Engels staan die vis bekend as die Guineafowl puffer.

Tarentaal-blaasop
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Tetraodontidae
Genus:	Arothron
Spesie:	A. meleagris
Binomiale naam
Arothron meleagris (Anonymous in Lacépède, 1798)

Identifikasie

Die vis word tot 50 cm lank en is grysbruin tot swart van kleur. Die lyf, kop en stert is bedek met klein, digte, wit kolletjies. Soms is van die bevolking heldergeel met 'n paar verspreide swart kolle op die lyf.

Hierdie vis leef in tropiese strandmere en vlak koraal- en rotsriwwe in water wat 1 tot 20 m diep is. Hulle is gewoonlik alleenlopers en vreet die punte van korale, alge en ongewerweldes.

Hierdie blaasop lyk baie soos die swartspikkel-blaasop (Arothron nigropunctatus) wat in sy geel fase is.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Arothron-meleagris.html