Asmara

Hoofstad en grootste stad van Eritrea

Asmara (Arabies: أسمرة, Tigrinya: ኣስመራ, voorheen Asmera) is die hoofstad en grootste stad van Eritrea met 'n bevolking van 963 000 in 2020 en 'n oppervlakte van 45 km².[1] Die stad is in die sentrum van Eritrea in die Groot Skeurvallei geleë. Asmara is bekend vir sy goed bewaarde koloniale Italiaanse Modernistiese argitektuur.[2] Die Modernistiese stad van Asmara is in 2017 deur Unesco as wêrelderfenisgebied gelys.

Asmara
أسمرة
ኣስመራ

Kaart Wapen
Vlag
 Land Vlag van Eritrea Eritrea
 Streek Maekel
 Koördinate 15°19′N 38°55′O / 15.317°N 38.917°O / 15.317; 38.917
 Stigting 12de eeu
 Oppervlakte:  
 - Totaal 45 vk km
 Hoogte bo seevlak 2 325 m
 Bevolking:  
 - Totaal (2020) 963 000
 - Bevolkingsdigtheid 19 911/vk km
 Tydsone UTC +3 (OAT)
 Burgemeester Fshaye Haile

Geskiedenis wysig

Asmara was 'n dorp tot ongeveer 1880, toe dit 'n streeksadministrasiesentrum in Ethiopië geword het. Dit het in 1900 die hoofstad van die Italiaanse kolonie van Eritrea geword. Teen die einde van die dertiger jare het die Italianers die voorkoms van die stad geweldig verander. Hulle het verskillende geboue volgens 'n nuwe stadsplan gebou, soos die katedraal Chiesa della Beata Vergine del Rosario (Asmara) en die Fiat Tagliero-vulstasie. Asmara het byvoorbeeld die bynaam Piccola Roma (klein Rome) gehad. Daar is nog baie geboue met 'n Italiaanse inskripsie en styl.

In die oorlog van onafhanklikheid met Ethiopië in 1993 het daar hewige gevegte plaasgevind, veral rondom die lughawe. Min van hierdie oorlog kan in Asmara gesien word. Die stad is skaars beskadig. Nadat Eritrea in 1991 'n amptelik onafhanklike staat geword het, is die stad hernu. Hulle het oral in die stad gebou en beskadigde huise is opgeknap. Dit word nou beskou as een van die skoonste stede in Afrika.

Religie wysig

Christendom en Islam is die twee grootste godsdienste in Eritrea. Vier groot landmerke van die stad is die katedraal Chiesa della Beata Vergine del Rosario en die Kidane Mehret-katedraal van die Katolieke geloof, die Enda Mariam-katedraal, van die Eritrees-Ortodokse Tewahedo-kerk, en die groot moskee van Asmara van die Islamitiese geloof. Die godsdienstige meerderheid in Asmara is die Eritrees-Ortodokse Tewahedo-kerk. Die bevolking in die Sentraal-streek (Eritrea) is 89 persent Christene (byna 84 persent Ortodokse, 4 persent Rooms-Katolieke en meer as 1 persent Protestante) en 5 persent Moslem.[3]

Susterstede wysig

Galery wysig

Verwysings wysig

  1. (en) Central Intelligence Agency (15 Junie 2017). "Eritrea". The World Factbook. Geargiveer vanaf die oorspronklike op 24 April 2020. Besoek op 8 Julie 2017.
  2. (en) Mark Byrnes An African City's Unusual Preservation Legacy, 8 Februarie 2012, Atlantic Cities
  3. (en) Hsu, Becky, ed. (PDF), Eritrea: Religious Distribution, p. 3, http://www9.georgetown.edu/faculty/bh297/HsuEritrea.pdf, besoek op 22 Desember 2011 

Eksterne skakels wysig