Beira-kuilvissie

Die Beira-kuilvissie (Nothobranchius kuhntae) is 'n varswatervis wat voorkom in vloedvlaktes in die Pungwerivier naby Beira in Mosambiek. In Engels staan die vis bekend as die Beira killifish.

Beira-kuilvissie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Cyprinodontiformes
Familie:	Aplocheilidae
Subfamilie:	Aplocheilinae
Genus:	Nothobranchius
Spesie:	N. kuhntae
Binomiale naam
Nothobranchius kuhntae (Ahl, 1926)

Voorkoms

Die vis het 'n stewige lyf met die dorsale vin agter op die lyf, teenoor die anale vin. Beide vinne is omtrent ewe groot. Die stertvin is groot en bolrond. Die wyfie is lig olyfbruin gekleur terwyl daar verspreide skubbe met rooi rante op die kieudeksels voorkom. Die mannetjies het blou of turkoois skubbe met rooi rante. Daar is ook rooi kolle op die kop en lyf en die stertvin is helderrooi. Die vis word tot 65 mm lank.

Die Beira-kuilvissie lyk baie soos die Spikkel-kuilvissie met die rooi voorkoms en daar is 'n kans dat dit dieselfde spesie mag wees.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• Fishbase - Nothobranchius kuhntae

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1