Maak hoofkeuseskerm oop

Bergville is 'n dorp in die weste van KwaZulu-Natal, in Suid-Afrika. Die dorp lê op die R74 hoofpad net onder die Drakensberge tussen die Woodstock- en Spioenkopdamme. Die Tugelarivier vloei ook langs Bergville verby. Die Oliviershoekpas is naby die dorp.

Bergville
Blokhuis uit die Tweede Vryheidsoorlog in Bergville
Blokhuis uit die Tweede Vryheidsoorlog in Bergville
Ligging van Bergville op 'n kaart (KwaZulu-Natal)
Bergville
Bergville
 Bergville se ligging in KwaZulu-Natal
Koördinate: 28°44′S 29°22′O / 28.733°S 29.367°O / -28.733; 29.367Koördinate: 28°44′S 29°22′O / 28.733°S 29.367°O / -28.733; 29.367
Land Vlag van Suid-Afrika Suid-Afrika
Provinsie KwaZulu-Natal
Distrik uThukela
Munisipaliteit Okhahlamba
Stigting 1897
Oppervlak[1]
 - Dorp 2,74 km²  (1,1 vk m)
Bevolking (2011)[1]
 - Dorp 1 173
 - Digtheid 428/km² (1 108,5/myl2)
Rasverdeling (2011)[1]
 • Blank 20.0%
 • Indiër/Asiër 14.6%
 • Kleurling 1.3%
 • Swart 60.4%
 • Ander 3.8%
Taal (2011)[1]
 • Zoeloe 39.4%
 • Engels 26.1%
 • Afrikaans 16.0%
 • Gebaretaal 3.7%
 • Ander 14.8%
Poskode (strate) 3350
Skakelkode(s) 036

Inhoud

GeskiedenisWysig

Piet Retief het die eerste keer die Oliviershoekpasroete gebruik toe hy oor die Drakensberg getrek het. Die eerste setlaars was die Berlynse Sendinggenootskap wat 'n sendingstasie in 1847 by Emmaus gestig het. Die dorp is in 1897 uitgelê op die plaas Kleine Waterval wat aan 'n afgetrede skeepskaptein, ene Wales behoort het. Die naam Bergville is eers in 1903 toegeken. 'n Takspoorlyn het die dorp vanaf Estcourt in 1914 bereik.

DistrikWysig

Die distrik is 2 600 km² groot. Vee en suiwelprodukte is van die belangrikste ekonomiese aktiwiteite wat beoefen word. Daar is ook baie forelle om te hengel in die riviere van die omgewing.

BesienswaardighedeWysig

Daar is 'n historiese blokhuis, die enigste in KwaZulu-Natal wat behoue gebly het. Dit is nou 'n nasionale museum. Die dorp bied toegang tot verskeie oorde in die omgewing, en daar is ook 'n natuurreservaat van 4 400 ha by die Spioenkopdam.

Sien ookWysig

BronneWysig

Eksterne skakelsWysig