Bespreking:Differensiaalrekening

Jongste opmerking: 8 jaar gelede deur JMK in onderwerp Fraksionele afgeleides
Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 7 van 2016 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Ek het hierdie vinnige beskrywing geplaas. Dit moet egter nog baie uitgebrei word. 14:39, 23 Mei 2009 (UTC)

Afgeleide wysig

Ek vermoed dat die Duitse "ableitung" nie na "afleiding" vertaal nie, maar altyd na "afgeleide". Het egter nie die woordeboeke om dit te bevestig nie. JMK (kontak) 19:40, 22 Desember 2015 (UTC)Beantwoord

Wens ek kon help... Groete! Oesjaar (kontak) 19:42, 22 Desember 2015 (UTC)Beantwoord
Is wel "afgeleide". Deels-outomatiese vertaling skep effense verwarring hier. JMK (kontak) 20:31, 22 Desember 2015 (UTC)Beantwoord
Daar is geen outomatiese vertaling van Duits na Afrikaans nie. Die woord afgeleide word gewoonlik gebruik, en ek het ook grotendeels daarby gebly (nadat ek dit weer besef het, ek het sedert my studentejare weer baie hiervan vergeet), maar dis myns insien eintlik verkeerd. Dit is 'n gevolg van die vertaling van die Engelse woord "derivative" in plaas van "Ableitung" van Duits (wat 'n woordeskat baie nader aan Afrikaans het). "Afgeleide" is 'n byvoeglike naamwoord, en dus moet daar eintlik genoem word waarvan dit 'n afgeleide is. "Afleiding" daareenteen is 'n selfstandige naamwoord, so dit maak vir my meer sin, want ons praat hier van 'n ding (die afgeleide waarde of afgeleide funksie, dws 'n afleiding), nie 'n eienskap van 'n ding nie. Ek vind dit dus grammaties verkeerd. Maar ja, die woord is gevestig, so ons behoort seker maar daarby te hou. JCBrand (kontak) 00:31, 23 Desember 2015 (UTC)Beantwoord
In Nederlands is "de afgeleide" ook die regte term. Dis 'n verselfstandigde naamwoord. (Byvoeglik as selfstandig gebruik.) In Nederlands is dit grammaties nie verkeerd nie. Afrikaans kan ek nie sê nie. "De afgeleide" is eintlik kort vir "de afgeleide functie". Dié funksie wat deur differensiatie afgelei is van die oorspronklike. Jcwf (kontak) 19:22, 12 Januarie 2016 (UTC)Beantwoord
Soos die artikel nou is, kan maklik onderskei word tussen die afleiding van 'n diff-reël, en die afgeleide (funksie) van 'n funksie. As dieselde woord vir hierdie onderskeie begrippe en afdelings gebruik word, gaan 'n leser verwar word. JMK (kontak) 19:50, 13 Januarie 2016 (UTC)Beantwoord

Fraksionele afgeleides wysig

Sou dit nuttig wees te vermeld dat dit ook moontlik is afgeleides van orde 1/2, 1/3 ens. te definieer? Liouville het dit in die 19e eeu al beskryf. Jcwf (kontak)

Dit klink na 'n interessante aspek van die onderwerp, alhoewel ek persoonlik onbewus is van die gebruik of toepassing daarvan. Miskien is dit belangriker in chemie as in bv. meganika. Op die langer termyn sal dit 'n sinvolle afdeling van die artikel uitmaak. Op die korttermyn is dit nie 'n noodsaaklikheid vir voorbladplasing nie. JMK (kontak) 19:57, 13 Januarie 2016 (UTC)Beantwoord
Terug na "Differensiaalrekening"-bladsy.