Bespreking:Tweede Vryheidsoorlog

Volksmoord

Volksmoord word gedefinieer as "die doelbewuste en sistematiese vernietiging van 'n rasse-, politieke- of kulterele groep".

Gegee die Boeregetalle voor die oorlog vind die definisie toepassing.

Vrouemonument

Onder opskrif 3.4 word verwys na die Vrouemonument by Winburg. Daar is 'n Vrouemonument by Bloemfontein vir hierdie doel, en daar is wel 'n Voortrekkermonument by Winburg (nie te verwar met die Voortrekkermonument te Pretoria). Kan iemand hierdie dalk bevestig?--GerharBe 15:45, 28 Augustus 2006 (UTC)

Ek wil graag GerharBe se kommentaar bevestig. Die Vrouemonument in Bloemfontein was opgerig ter herdenking aan die Boerekinders en -vroue wat in die Tweede Vryheidsoorlog in die Britse Konsentrasiekampe aan die uiterste ontberings gesterf het. Die Voortrekkermonument in Winburg is opgerig ter nagedagtenis aan die feit dat die Voortrekkers gedurende 1838 met die Groot Trek by Winburg hulle eerste vrye regering verkies het, en daarom word Winburg ook beskou as die heel eerste onafhanklike Hoofstad van die Boerevolk. Alhoewel daar in totaal 14 verskillende Boererepublieke met verskeie hoofstede opgerig was, sou Winburg die ereplek vervul as die setel van die eerste verkose Volksraad. Die Voortrekkermonument in Pretoria was ook opgerig ter nagedagtenis aan die Voortrekkers, maar eintlik ook as 'n mylpaal vir die eerste 100 jarige herdenking van die Groot Trek gedurende 1938, met sy inweiding 10 jaar later in 1948. Bronne: Algemene inligting uit verskeie geskiedkundige werke. DuP du Plessis 20:05, 16 Mei 2007 (UTC)

Voel vry om die artikel te verander sodat die die korrekte inligting weergee. Oor die algemeen is dit wel verkieslik om 'n spesifieke bron aan te haal wanneer die betekenis van 'n gedeelte van die artikel beantwoord word. Ek betwyfel natuurlik nie jou stelling nie, dit is slegs die beleid. Anrie 20:29, 16 Mei 2007 (UTC)

Skakel na www.hemelbestormer.nl

Op de website http://www.hemelbestormer.nl/ staat informatie over de Boerenoorlog in het Nederlands. Graag zou ik deze link toevoegen op deze pagina. Pjottr 17:44, 2 September 2007 (UTC)

Ek is die skuldige wat die skakels oorspronklik verwyder het - ek het gesien dat dit lei na 'n besprekingsforum - iets wat nie hier van pas is nie. Ek het egter daarna opgemerk dat al die besprekings gesluit was en dat dit slegs bestaan om inligting weer te gee. Ongelukkig bevat 'n paar afdelings skakels na Youtube video's wat as kopieregskendings kwalifiseer. Op grond hiervan sou ek tog verkies om nie die skakel hier by te voeg nie. Anrie 11:44, 3 September 2007 (UTC)

Bedankt voor je reactie Anrie. Het is inderdaad geen besprekingsforum maar een leesforum, want alle besprekingen zijn gesloten. Maar dat Hemelbestormer.nl soms naar Youtube video’s verwijst is volgens mij geen kopierechtschending voor Wikipedia. Hemelbestormer.nl linkt alleen door naar de video’s. Daarom zou ik graag alsnog de link willen toevoegen omdat er toch wat geschiedenis over de Boerenoorlog te vinden is. Pjottr 14:24, 3 September 2007 (UTC)

Hallo Anrie, ik heb nog geen reactie gehad op de bovenstaande bespreking. Ik ga er vanuit dat de link naar Hemelbestormer.nl geplaatst kan worden. Pjottr 11:13, 17 September 2007 (UTC)

Jammer, Pjottr. Ek is maar baie verstrooid en elke keer wat ek onthou dat ek nog hierop reageer dan vergeet ek dit weer 'n sekonde later. Ek sal nie die skakel weer verwyder nie. Anrie 11:26, 17 September 2007 (UTC)

Naam?

Waar kom hierdie "Vryheidsoorlog"-naam vandaan? Nog nooit in my lewe van gehoor nie. My destydse skoolhoof was deel van die Anglo-Boereoorlog-komitee en ons het dit ook onder hierdie naam in Geskiedenisklas behandel. Ek het ook gister 'n nuwe (tweedehandse) boek ontvang, "Suid-Afrikaanse Geskiedenis in Beeld" (deur Antony Preston), waar hulle ook van die Eerste en Tweede Anglo-Boereoorlog praat. Anrie 05:58, 19 Februarie 2008 (UTC)

Ek vermoed Anglo-Boer War is die manier hoe die Engelse van destyds verkies het om na die oorlog te verwys. Sekerlik sou hulle nie die oorlog wou erken as 'n vryheidstryd deur die Boere nie. Dit het waarskynlik ook in Afrikanergeledere gevestig geraak as gevolg daarvan. Ek het seker meer patriotiese geskiedenisonnies gehad :) --41.241.137.169 06:17, 19 Februarie 2008 (UTC)

Stem saam met Anrie. Socrates20008 (kontak) 14:34, 21 Junie 2008 (UTC)

"Anglo-" is tog klaarblyklik 'n Engelse voorsetsel - die term "Anglo-Boereoorlog" is gevolglik 'n anglisisme. Watter "oorlog" word nou eintlik hier bedoel - die oorlog wat sekere "Anglo-Boere" teen die Afrikaanse taal voer, of die Tweede Vryheidsoorlog?

Ek het nou net twee boeke geraadpleeg: Jaarboek 1982 van die Randse Afrikaanse Universiteit, bl. 168, leerplanne Geskiedenis: "Die naweë van die Tweede Vryheidsoorlog". Afrikaans in Afrika deur Christo van Rensburg (red., 1997): "Tweede Vryheidsoorlog" (bl. 45, 47). Moontlik gebruik mense wat uitsluitlik of oorwegend aan Engelse tekste blootgestel is daardie Anglo-anglisisme, net soos Afrikaners wat nog Boere nog moderne alternatiewe Afrikaners wil wees nie, of miskien het sommige mense 'n publiek wat minder goed opgeleide nie-Blanke lesers insluit ("maar die Britte het ons tog tenminste met 'n wêreldtaal uitgebuit en teen ons gediskrimineer, ons hou meer van hulle en hul terme").

Nog eens vir alle breinspoel-Anglo-Boere: Die Britte (of "Anglo-kolonialiste") was die aggressors gedurende die Vryheidsoorloë, en die destydse Europa was baie simpatiek gesind teenoor die Afrikanersaak. Die meeste nasate van die oorlogs-Anglo's in Suid-Afrika sit intussen waarskynlik êrens in Londen, Perth of Auckland. Julle kan gerus weer die oorspronklike, historiese Afrikaanse term gebruik. ;)

"Südafrikanischer " of "Transvaaler Freiheitskrieg" kom ook in Duitse tekste voor:
* Südafrika: Krise und Entscheidung (1987),
* Marco Polo Reiseführer, bl. 76: So kam es zum ersten britisch-burischen Krieg, der auf Afrikaans bis heute Vryheidsoorlog, also Freiheitskrieg genannt wird.

As iemand dan moontlik nog beweer: Maar tydens die Anglo-Boereoorlog het die Britte tog netjiese vakansieoorde vir ons vroue en kinders opgerig, of nie? Lees gerus De Camp Courant - Konsentrasiekampe - 'n webwerf wat ook Afrikaanse eerder as Anglo-Britse terme gebruik (en die Afrikaanse Tweede Vryheidsoorlog vir die Engelse weergawe as Anglo-Boer War vertaal). --Voyageur (kontak) 17:48, 21 Junie 2008 (UTC)

Onvolledige hantering van feitelike geskiedenis

Dit is 'n aanklag teen die moraliteit van private individue en regerings in beide Suid-Afrika en Brittanje dat die bewese feite van die volksmoord op Afrikaners en ander inheemse groepe, veral tydens die "Scorched Earth" veldtog en konsentrasiekampe nog nie behoorlik beskryf of aangevoer is nie. Dit behoort by beskrywings wat ooglopend aan die definisie van "genocide" voldoen, in formele literatuur bygevoeg word en 'n saak behoort daarvan gemaak te word om op regeringsvlak erken te word.

It is a shame that the proven facts of the genocide on Afrikaners and other indigenous groups, during the "Scorched Earth" policy and concentration camps have not been formally described and recognised by private individuals and governments in both Britain and South Africa.

Dienooreenkomstig is dit 'n aanklag dat die eeue-oue informele bestaan van, en eerste wettiging daarvan deur Brittanje na die Eerste Vryheidsoorlog, van apartheidsbeleid nie geskiedkundig korrek beskryf word deur private individue en regerings nie.

It is similarly an anomaly that the long informal existence and eventual formalisation by Britain of "apartheid" policies are not correctly described by private individuals and governments.

Dit is een van die redes hoekom die nalatenskap van apartheid nog steeds nie behoorlik uitgesorteer en gemeenskappe nog nie behoorlik met mekaar versoen is in hierdie verband nie.

This anomaly is one of the reasons for the partial failure of reconciliation and reconstruction in South Africa in this regard.

-- 196.2.126.176 11:39, 4 Januarie 2012 (UTC)

Amptelike naam

Afgesien van die onduidelikheid oor die naam soos bó genoem deur Anrie, sien ek nou dat iemand boek hou van oorloë se amptelike name. Wie doen dit, en hoe besluit iemand wat 'n oorlog genoem moet word? Hoe amptelik is hierdie rêrig? --Alias (kontak) 11:55, 1 Desember 2015 (UTC)

Sien vandag se Beeld oor die nuwe naam vir die ABO. Groete! Oesjaar (kontak) 11:57, 1 Desember 2015 (UTC)

Ek kan nie dink dat ’n regering, wat vandag aan bewind is en môre uitgestem kan word, veral sonder oorlegpleging kan besluit om ’n oorlog se naam te verander nie. Ek hou self nie van die naam ABO nie, want dit ontken ander mense (swartes, bruines, Nederlanders, Skandinawiërs) se betrokkenheid by die oorlog. Eerste en Tweede Vryheidsoorlog sê tog presies wat dit was: ’n vryheidstryd teen koloniale oorheersing, iets waarby selfs die huidige regering aanklank behoort te vind. Deur dit nou die SA Oorlog te noem, doen die regering ook weg met die verband tussen die Eerste en die Tweede Vryheidsoorlog. Morne (kontak) 14:14, 1 Desember 2015 (UTC)

Beeld is 'n klomp opstokers wat die hele waarheid vir 'n bietjie sensasie sal verdraai. Sien gerus Oorlog oor ’n oorlog se naam. Groete. Frank (kontak) 17:40, 4 Desember 2015 (UTC)

Uit bogenoemde (dankie Frank vir die skakel by Maroela) verstaan ek dus dat die invoeging in die artikel gewoon verkeerd is. Ek het dit uitgehaal. --Alias (kontak) 10:10, 7 Desember 2015 (UTC)

Almal, hiermee die regstelling in Volksblad: Regstelling: In die berig "Boere-oorlog kry 'n nuwe naam" is verkeerdelik geskryf dat Nathi Mthethwa, minister van kuns en kultuur, amptelik die naam verander het van die Oorlogsmuseum van die Boere-rupublieke in Bloemfontein tot die Suid-Afrikaanse oorlogmuseum, en dus daarmee saam die naam van die oorlog. Mthethwa het daarop gewys dat hy wel gesê het dat dit in die toekoms oorweeg moet word om die naam te verander tot die Suid-Afrikaanse oorlogmuseum, maar dat hy dit nie amptelik aangekondig het soos berig is nie. Volgens hom is dit nodig om die naam te verander as deel van die proses om die nalatenskap van die verlede korrek te weerspieel. Swart mense het aan weerskante van die oorlog geveg en gesneuwel, terwyl die geskiedenis dit hoofsaaklik 'n "witmensoorlog" genoem het. Daar is ook verkeerdelik berig dat hy die naam van die Anglo-Boere-oorlog verander het, hoewel hy die keuse gemaak het om daarna te verwys as die Suid-Afrikaanse Oorlog soos sommige historici ook doen. Hy het dit gedoen "omdat mense van meer as 34 verskillende lande betrokke was" en hulle moet almal erkenning kry. Groete, Gerhard (my gebruikersnaam is GerharBe, maar ek kry dit nie geaktiveer nie)

Wikipedia erken niks sondermeer as amptelik nie, want "amptelik" impliseer 'n eksterne gesagliggaam wat ook 'n outoriteit oor wikipedia sou wees. Wikipedia erken nie outoriteite nie maar steun op verwysings, en as daar twee of meer betroubare verwysings is wat verskillende of selfs teenstrydige standpunte huldig of handhaaf, kan daar ter wille van neutraliteit na al lg. verwys word. D.w.s. "amptelik" geld binne 'n gestelde konteks. 'n Regering het sy amptelike sienings, en 'n ander betrokke liggaam mag weer sy verskillende siening oor dieselde onderwerp hê. JMK (kontak) 12:09, 7 Desember 2015 (UTC)

Onderskrif

Daar skort iets met dié onderskrif. Moet dit nie wees: ander dele van die Britse Ryk nie? "’n Oorplasingskamp vir Krygsgevangenes in Groenpunt, Kaapstad, tydens die oorlog. Die gevangenes is hiervandaan oorgeplaas na interneringskampe in ander dele van die Verenigde Koninkryk." Morne (kontak) 11:13, 7 Desember 2015 (UTC)

Stem saam. JMK (kontak) 11:54, 7 Desember 2015 (UTC)