Boris Belkin

Boris Davidovich Belkin (Russies: Борис Давидович Белкин; gebore 26 Januarie 1948 in Jekaterinburg) is 'n vioolvirtuoos wat in die Sowjetunie gebore is. Hy is van Joodse afkoms.

Onderwysers

Belkin het onderrig by Isaac Stern en Yuri Yankelevich ontvang.

Vroeë jare

Belkin het as 'n wonderkind reeds op die ouderdom van ses jaar die viool begin bestudeer. Hy het sy eerste openbare optrede gelewer toe hy sewe was saam met die dirigent Kiril Kondrašin. Hy het sy studies by die Sentrale Musiekskool van die Moskou Konservatoria onder die professore Yuri Yankelevich, Felix Andrievsky en Isaac Stern ondergaan.

Terwyl hy steeds 'n student was het hy oor die lengte en breedte van die Sowjetunie gereis en saam met leidende orkeste van daardie staat gespeel, en in 1973 het hy eerste plek gewen tydens die Sowjet Nasionale Kompetisie vir Violiste. Hy het egter nie visums ontvang ten einde te kan deelneem aan die Paganini-kompetisie in 1971 en 1973 in Italië nie. Hy het besluit om na Israel te immigreer in 1974. Hy het verskuif na Londen, Parys en toe weer terug na Londen. Hy het sy Belgiese vrou tydens die Yehudi Menuhin-fees in Switserland ontmoet, en hul in Liège gevestig. In 1990 word hy 'n Belgiese burger.^[1]

Loopbaan

Belkin het na die Weste geïmmigreer in 1974, en sedertdien het hy met meeste van die leidende orkeste dwarsoor die wêreld opgetree, insluitende die Boston Simfonieorkes, Cleveland Simfonieorkes, die Berliner Philharmoniker, die Israel Filharmoniese Orkes, die Los Angeles Filharmoniese Orkes; Philadelphia Orkes, Pittsburgh Simfonieorkes, Montreal Simfonieorkes, die Beiere Radio-simfonieorkes, die Koninklike Concertgebouw-orkes, en ook alle leidende Britse orkeste.

Boris Belkin was ook al te sien in baie televisieproduksies soos 'n rolprentbiografie van Jean Sibelius, waarin hy Sibelius se vioolkonsert opvoer saam met die Sweedse Radio-simfonieorkes onder Vladimir Ashkenazy, die Tsjaikofski Vioolconcerto saam met Leonard Bernstein en die New York Filharmoniese Orkes, en Maurice Ravel se Tzigane saam met die Orchestre National de France ; asook Mozart en Paganini se Vioolconcerto No. 1 saam met Bernard Haitink en die Concertgebouw-orkes.

Dirigente saam met wie hy gewerk het sluit onder andere in: Leonard Bernstein, Vladimir Ashkenazy, Zubin Mehta, Lorin Maazel, Riccardo Muti, Seiji Ozawa, Kurt Sanderling, Rudolf Barshai, Yuri Temirkanov, Christoph von Dohnányi, Charles Dutoit, Gianluigi Gelmetti, Günther Herbig, Klaus Tennstedt, Simon Rattle, Bernard Haitink, Paavo Berglund, Eduardo Mata, Kyung-wha Chung, Junichi Hirokami, Vladimir Fedoseyev, Yuri Ahronovich, Charles Groves, Erich Leinsdorf, William Steinberg, Franz Welser-Möst, Alexander Lazarev en Yuri Simonov.. In 1997 het Isaac Stern vir Belkin uitgenooi om saam met hom op te tree by die Miyazakifees. Belkin is ook 'n toegewyde speler van kamermusiek, en het al saam met kunstenaars soos Juri Bashmet en Mischa Maiski opgetree.

Hoogtepunte van die 2007–2008 seisoen het 'n toer saam met die Sint Petersburg Filharmoniese Orkes en die dirigent Yuri Temirkanov; 'n toer in Suid-Amerika; konserte saam met die NHK Simfonieorkes in Tokio ;en die opvoering van Sibelius se vioolkonsert met die Sydney Simfonieorkes onder Vladimir Ashkenazy, asook konserte in Londen, Berlyn, Barcelona en Rome ingesluit.

Belkin hou reeds sedert 1987 meesterklasse by die Accademia Musicale Chigiana in Sienna, Italië, en sedert 1997 is hy 'n fakulteitslid by die Maastricht Akademie van Musiek in Nederland.^[2]^[3] Janine Jansen was een van sy studente.

Platelys

Sy eerste opname
Paganini Vioolconcerto No. 1 saam met die Israel Filharmoniese Orkes en Zubin Mehta
Tsjaikofski en Sibelius Vioolconcertos saam met die Philharmonia Orkes en Ashkenazy, Strauss se Vioolkonsert saam met die Berlyn Radio Simfonieorkes en Ashkenazy
Prokofiëf Vioolconcerto No. 1 en No. 2 saam met die Londen Simfonieorkes en Kondrashin
Brahms se concerto saam met die Londen Simfonieorkes en Ivan Fischer
Prokofiëf Vioolconcertos saam met die "Zurich Tonhalle" en Michael Stern (dirigent)
Sjostakowitsj Vioolconcerto No. 1 en die Glazunov Vioolconcerto saam met die Koninklike Filharmoniese Orkes en Junichi Hirokami
Tsjaikofski Vioolconcerto saam met die Londen Filharmoniese Orkes en Michael Stern
Mozart se Vioolkonsert nr. 5 en sy Sinfonia Concertante, K. 364 saam met die Salzburg Kamersoliste
Brahms Vioolsonates saam met Michel Dalberto.