Brian Lara
Brian Charles Lara (gebore 2 Mei 1969) is 'n voormalige internasionale krieketspeler van Trinidad, wat algemeen erken word as een van die grootste kolwers van alle tye. Hy was by verskeie geleenthede boaan die toetskolfranglys en hou verskeie krieketrekords, insluitend die rekord vir die hoogste individuele telling in eersterangse krieket, met 501 nie uit nie vir Warwickshire teen Durham by Edgbaston in 1994, wat die enigste vyfhonderdtal in eersterangse krieketgeskiedenis is. Hy het onder meer tydens die Krieketwêreldbeker 1992, Krieketwêreldbeker 1996, Krieketwêreldbeker 1999, Kampioenetrofee 2002, Krieketwêreldbeker 2003, Kampioenetrofee 2004 en Krieketwêreldbeker 2007 vir Wes-Indië gespeel.
| Brian Lara | ||||||
|---|---|---|---|---|---|---|
| ||||||
| Volle naam | Brian Charles Lara | |||||
| Gebore | 2 Mei 1969 Santa Cruz, Trinidad en Tobago | |||||
| Lengte | 1,73 m | |||||
| Kolfstyl | Linkshandig | |||||
| Boulstyl | Regterarm wegbreker | |||||
| Rol | Kolwer | |||||
| Familie | Darren Bravo (neef) | |||||
| Internasionale geskiedenis | ||||||
| Nasionale span | Wes-Indië | |||||
| Toetsdebuut (no 196) | 6 Desember 1990 v Pakistan | |||||
| Laaste Toets | 27 November 2006 v Pakistan | |||||
| EDI debuut (no 59) | 9 November 1990 v Pakistan | |||||
| Laaste EDI | 21 April 2007 v Engeland | |||||
| EDI hempno. | 9 | |||||
| Eersterangse spaninligting | ||||||
| Jaar(e) | Span | |||||
| 1987–2008 | Trinidad en Tobago | |||||
| 1992–1993 | Transvaal | |||||
| 1994–1998 | Warwickshire | |||||
| 2010 | Southern Rocks | |||||
| Loopbaanstatistiek | ||||||
| Kompetisie | Toets | EDI | 1ste rang | A-lys | ||
| Wedstryde | 131 | 299 | 261 | 429 | ||
| Lopies aangeteken | 11 953 | 10 405 | 22 156 | 14 602 | ||
| Kolfgemiddeld | 52.88 | 40.48 | 51.88 | 39.67 | ||
| 100s/50s | 34/48 | 19/63 | 65/88 | 27/86 | ||
| Hoogste telling | 400* | 169 | 501* | 169 | ||
| Aflewerings geboul | 60 | 49 | 514 | 130 | ||
| Paaltjies | – | 4 | 4 | 5 | ||
| Boulgemiddeld | – | 15.25 | 104.00 | 29.80 | ||
| 5 paaltjies in 'n kolfbeurt | – | 0 | 0 | 0 | ||
| 10 paaltjies in 'n wedstryd | – | 0 | 0 | 0 | ||
| Beste boulontleding | – | 2/5 | 1/1 | 2/5 | ||
| Vangskote/Stonkings | 164/– | 120/– | 320/– | 177/– | ||
| Bron: ESPNcricinfo, 4 Februarie 2012 | ||||||
Lara hou ook die rekord vir die hoogste individuele telling in 'n toetsbeurt nadat 400 lopies nie uit nie by Antigua aangeteken het tydens die vierde toets teen Engeland in 2004. Lara het ook die rekord gehou van die hoogste aantal lopies in 'n enkele boulbeurt in 'n toetswedstryd vir 18 jaar toe hy 28 lopies aangeteken het in 'n boulbeurt deur Robin Peterson van Suid-Afrika in 2003 (in 2022 deur Jasprit Bumrah verbygesteek).
Lara se wedstrydwennende vertoning van 153 nie uit nie teen Australië in Bridgetown, Barbados, in 1999, is deur Wisden as die tweede beste kolfvertoning in die geskiedenis van toetskrieket aangewys, naas die 270 lopies wat deur Donald Bradman in die As aangeteken is in 'n toetswedstryd van 1937. Muttiah Muralitharan het Lara as sy moeilikste teenstander onder alle kolwers in die wêreld beskou. Lara is in 1994 en 1995 bekroon met die Wisden Leading Cricketer en is ook een van slegs drie krieketspelers wat die BBC Oorsese Sportpersoonlikheid van die Jaar ontvang het, die ander twee is Garfield Sobers en Shane Warne.
Brian Lara is op 27 November 2009 as erelid van die Orde van Australië aangestel. In September 2012 is hy opgeneem in die IKR se Heldesaal. In 2013 het Lara Lewenslange Erelidmaatskap van die Marylebone-krieketklub ontvang en die 31ste Wes-Indiër geword wat dié eerbewys ontvang het.
Brian Lara word in die volksmond die bynaam "The Prince of Port of Spain" of bloot "The Prince" genoem. Hy het die twyfelagtige onderskeiding om in die tweede-grootste aantal toetswedstryde (63) te speel waarin sy span aan die verloorkant was, net agter Shivnarine Chanderpaul (68).[1][2][3][4][5][6][7]
Verwysings
wysig- ↑ (en) "Player Profile: Brian Lara". ESPNcricinfo. Besoek op 21 November 2022.
- ↑ (en) Mike Atherton (7 April 2008). "Genius of Brian Lara hailed by Wisden". VK: The Times. Besoek op 26 April 2010.
- ↑ (en) Martin Gough (26 November 2005). "Lara the best ever?". BBC. Besoek op 21 November 2022.
- ↑ (en) "Lara the greatest among his peers". Besoek op 21 November 2022.
- ↑ (en) "501 reasons why Lara the best". Hindustan Times. Geargiveer vanaf die oorspronklike op 28 Oktober 2013. Besoek op 28 Oktober 2013.
- ↑ (en) "Brian Lara's 501 not out: The day Warwickshire's West Indies legend rewrote cricket records". BBC. Besoek op 21 November 2022.
- ↑ (en) Ali Martin (4 Junie 2019). "The Spin | Brian Lara's unbeaten 501, 25 years on, still looks unconquerable". The Guardian. Besoek op 21 November 2022.
Eksterne skakels
wysig
Wikimedia Commons het meer media in die kategorie Brian Lara.- (en) Brian Lara se profiel op ESPNcricinfo
