Blouvin-knorhaan

Die blouvin-knorhaan (Chelidonichthys kumu) is 'n vis wat in die westelike Stille Oseaan, die Indiese Oseaan en aan die kus van suidelike Afrika tussen Kaapstad en Maputo voorkom. In Engels staan dit as die bluefin gurnard bekend.

Blouvin-knorhaan
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Subkoninkryk:	Bilateria
Superfilum:	Deuterostomia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Scorpaeniformes
Familie:	Triglidae
Genus:	Chelidonichthys
Spesie:	C. kumu
Binomiale naam
Chelidonichthys kumu (G. Cuvier, 1829)

Identifikasie

Die vis word tot 60 cm lank. Die lyf is bruinerig tot rooi aan die bokant en ligbleek aan die onderkant. Die pektorale vinne is kleurryk; hulle is donker blougroen met 'n blou rand. Daar is ook 'n swart kol en blou-wit kolletjies op die basis van die pektorale vin. Die visse leef in rotsagtige kusareas en aflandige riwwe in water wat 1 tot 200 m diep is. Die vis is 'n alleenloper en lê en wag op die bodem om skaaldiere te vang.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• http://www.fishbase.org/summary/Chelidonichthys-kumu.html