Wimpelstert-suierbekkie

Die wimpelstert-suierbekkie (Chiloglanis anoterus) is 'n varswatervis wat endemies aan die Pongola- en Komatiriviere in Suider-Afrika is. In Engels staan die vis bekend as die Pennant-tailed suckermouth.

Wimpelstert-suierbekkie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Siluriformes
Familie:	Mochokidae
Genus:	Chiloglanis
Spesie:	C. anoterus
Binomiale naam
Chiloglanis anoterus Crass, 1960

Voorkoms

Die mondskyf is groot en die baarde korterig en die dorsale vin is eweneens kort. By die mannetjies is die middelste strale van die stertvin langer as die res (die wimpelstert) van die stert terwyl die wyfies se stert holrond is. Die vis is bruin tot swart van kleur met ligbruin vlekke en rye vertikale lyne op die rug. Die vis word tot 9 cm groot.

Habitat

Die vis bly in rotsagtige gedeeltes en versnellings in die gemelde riviere en vreet insekte. Die stekels in die vinne beskerm die vis teen roofvisse soos forelle. Die vis broei gedurende die somer en die mannetjies is kleiner as die wyfies. Hulle word ongeveer 2 - 3 jaar oud.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://fishbase.org/summary/Chiloglanis-anoterus.html

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1